Hebreus 3:10 - Tupàn zeꞌeg

¹⁰ A'e rupi aikwahy wanupe ihe. Aze'eg wanupe. — Naperuzar pixik kwaw heze'eg, napeiko kwaw heremiruze'eg ikatu ma'e romo, a'e wanupe.

Hebreus 3:10 ပူးပေါင်းရင်းမြစ်များ

Gênesis 6:6

Uzemumikahy a'e. — Màràzàwe tuwe azapo teko ihe wà, i'i uzeupe. Tupàn Tuweharupi Wiko Ma'e uzemumikahy tuwe a'e, ipuhuz katu ipy'a izupe.

Salmos 147:20

Nuzapo pixik kwaw agwer ma'e amo ae ywy rehe har wanupe. Amogwer ywy rehe har nukwaw kwaw ize'eg wà. Pemume'u Tupàn Tuweharupi Wiko Ma'e ikatu haw nehe.

Salmos 67:2

Nezewe mehe ywy nànànar ukwaw putar neremiapo putar haw wà nehe. Nepurupyro haw uzexak kar putar teko paw wanupe nehe.

Salmos 78:40

Teko upytu'u tetea'u Tupàn ze'eg heruzar ire ywyxiguhu rehe wà. Umuzemumikahy kar tetea'u Tupàn a'e wà no.

Salmos 78:8

Nuiko kwaw peipy wazàwe wà nehe. Peipy hehaite wà. Nuweruzar katu kwaw Tupàn ze'eg wà. Tupàn rehe wazeruzar haw na'ikàg pixik kwaw a'e. Upytu'u hehe uzeruzar ire wà.

Salmos 95:10

A'e teko umumaw 40 kwarahy hemuikwahy kar pà wà. A'e rupi aze'eg nezewe wanupe. — Teko hereruzar 'ymar wà. Na'ipureruzar wer kwaw heze'eg rehe wà, a'e wanupe.

Isaías 28:7

Amo teko wata oho waiko uka'u pà wà, ta'e ui'u win tetea'u pupe wà xe. Nupuner kwaw upu'àmaw rehe wà, ta'e ui'u kàwiahy tetea'u pupe wà no xe. Xaxeto a'e wà, Tupàn ze'eg imume'u mua'u har a'e wà no, wiko uka'u pà u'au'ar pà wà. Tupàn wexak kar ma'e hexak pyrer 'ym uze'eg imume'u har wanupe. Uka'u hexak mehe wà. Nukwaw katu kwaw wà. Xaxeto uka'u a'e wà no. A'e rupi nukwaw kwaw teko waneruze'egaw wà no.

Isaías 63:10

Nezewe rehe we upytu'u heruzar ire wà. Umuzemumikahy kar Hekwe Ikatuahy Ma'e wà no. A'e rupi Tupàn uzeapo waàmàtyry'ymar romo a'e. Uzypyrog wàmàtyry'ym pà.

Jeremias 4:22

Uze'eg Tupàn kury. — Heremiaihu he'o wà. Nahekwaw kwaw wà. Nuzawy kwaw kwarer iranaiwahy ma'e wà. Nukwaw kwaw ma'e wà. Ukwaw katu ikatu 'ym ma'e iapo haw wà. Nukwaw kwaw ikatu ma'e iapo haw wà, i'i Tupàn.

Oséias 4:12

Upuranu ywyra pehegwer rehe ma'e uzeapo ma'e ràm imume'u kar pà a'e ywyra pe wà. Upuranu oho ywyra aiha katu ma'e rehe wà no. Upuir ihewi wà. Nuzawy kwaw kuzàwyzài romo uzeapo ma'e kwer wà. Hereityk wà. Uzemono tupàn amo ae ywy rehe har wanupe wà.

Mateus 20:24

Ure amogwer 10 hemimu'e ure, urenu waneminozgwer ure. Uruikwahy henu mehe. — Peneko wera'u wer urewi, uru'e wanupe.

Marcos 3:5

Zezuz ume'e wanehe, uwak pà, wanupe wikwahy pà. Uzemumikahy wanehe no. — Kwa, na'ipurukwaw wer kwaw heze'eg rehe a'e wà, i'i upy'a pe, wanupe uze'eg 'ym pà. Na'e uze'eg ipoxinig ma'e pe kury. — Epyho nepo imuwà ihewe ty, i'i izupe. Upyho opo imono izupe a'e kury. Na'arewahy ikatu kury.

João 8:45

Ze'eg azeharomoete har amume'u peme ihe. A'e rupi napezeruzar kwaw herehe. Ta'e hemu'em ma'e wanu a'e xe, penu romo hekon a'e xe.

Romanos 1:28

Agwer teko a'e wà, nuzekaiw kwaw ze'eg azeharomoete har ikwaw paw rehe a'e wà. A'e rupi Tupàn nezewe i'i iko wanupe a'e. — Tuwe ima'enukwaw ikatu 'ym ma'e rehe a'e wà nehe, i'i iko wanupe. A'e rupi uzapo ikatu 'ym ma'e waiko a'e wà kury.

Romanos 3:7

Nezewe zepe i'i teko a'e wà. — Aze heremu'em ihe nehe, teko wexak putar Tupàn ikàgaw ipuràgaw a'e wà nehe, ta'e umume'u ze'eg azeharomoete har a'e xe. A'e rupi Tupàn nuzepyk kwaw herehe nehe, ta'e aexak kar ikatu haw teko amogwer wanupe ihe xe, i'i zepe waiko wà. Na'ikatu pixik kwaw nezewe waze'eg mehe a'e wà.

Efésios 4:30

Pemuzemumikahy kar zo Tupàn Hekwe Puràg nehe. Na'iakatuwawahy kwaw ikatu 'ym ma'e rehe a'e. Aze pezapo ikatu 'ym ma'e nehe, uzemumikahy putar nehe. Ta'e Tupàn umur Wekwe pepy'a pe a'e xe, wemiruze'eg romo peneko haw hexak kar pà purupe a'e xe. Nezewe xikwaw ko ma'e zane. Amo 'ar mehe Tupàn pepyro putar Zurupari wi a'e nehe, pemuigo kar pà uzepyr a'e nehe.

Hebreus 3:12

Herywyr wà. Peme'egatu nehe, ikatu 'ym ma'e wi petyryk pà nehe. Tuwe ni amo pepyr har nuwereko kwaw ikatu 'ymaw upy'a pe wà nehe. Tuwe ni amo nuiko wi kwaw uzeruzar 'ym ma'e romo wà nehe. Tuwe nupuir kwaw Tupàn wikuwe ma'e wi wà nehe.

Juízes 10:16

A'e rupi weityk tupàn a'ua'u amo ywy rehe arer wà. Umuwete katu Tupàn Tuweharupi Wiko Ma'e wà kury. Upuhareko wà kury, ta'e wexak waneko haw xe. Zawaiw katu tuwe waneko haw.