Hebreus 2:12 - Tupàn zeꞌeg

¹² Nezewe i'i Zezuz. — Tupàn, amume'u putar nekatu haw herywyr wanupe ihe nehe. Amume'u katu putar nekàgaw teko nànàn ihe nehe no, wazemono'og mehe ihe nehe no, i'i izupe.

Hebreus 2:12 ပူးပေါင်းရင်းမြစ်များ

Salmos 111:1

Azeharomoete. Pemume'u Tupàn Tuweharupi Wiko Ma'e ikatu haw nehe. Hepy'a pupe tuwe amume'u putar Tupàn Tuweharupi Wiko Ma'e ikatu haw nehe, Teko Tupàn heruzar har wainuinuromo nehe, teko wazemono'ono'ogaw pe nehe.

Salmos 22:22

A'e re amume'u putar neremiapo kwer heremiaihu wanupe nehe. Amume'u putar nekatu haw teko wanupe wazemono'og mehe ihe nehe. Nezewe aze'eg putar wanupe nehe.

Salmos 22:25

O Tupàn Tuweharupi Wiko Ma'e, teko paw wazemono'og mehe, Amume'u putar nekatu haw ihe nehe, neremiapo kwer imume'u pà ihe nehe. Newi ukyze ma'e wainuinuromo, Azuka putar ma'ea'yr nerenataromo heze'eg awer rupi katete ihe wà nehe.

Salmos 40:10

Namonokatu kwaw nepurupyro haw imume'u haw hezeupe ihe nehe. Amume'u putar teko wanupe nehe. Tuweharupi aze'eg puruwi netyryk 'ymaw rehe ihe. Erepuner teko wapyro haw rehe. Amume'u nepuner haw tuweharupi no. Neremiaihu wazemono'og mehe napyta kwaw heze'eg 'ym pà ihe. Amume'u nepuruamutar haw ihe. Puruwi netyryk 'ymaw amume'u no.

João 18:20

Uze'eg Zezuz izupe. — Tuweharupi amume'u Tupàn ze'eg aha teko nànàn ihe. Apurumu'e aha tuweharupi wazemono'ogaw pe, Tupàn hàpuzuhu pe no, Zutew paw wazemono'ogaw pe no. Nazeàmim kwaw ize'eg rehe hepurumu'e mehe ihe.

Hebreus 12:23

Peiko putar amogwer uzeruzar ma'e kwehe arer wainuromo nehe. Tupàn ta'yr ài wanekon wà. Penyky'yr ài wanekon wà. Hurywete uzemono'og pà Tupàn pyr wà. Tupàn umuapyk waner ywate a'e. Pezur Tupàn pe kury. A'e ae teko wanemiapo kwer paw imume'u har romo hekon a'e. Uzepyk ikatu 'ym ma'e iapo har wanehe. Upyro ikatu ma'e wà no. Tupàn umukatu tuwe uzeruzar ma'e a'e wà. — Ikatu 'ym ma'e iapo pixik 'ymar ài peiko heruwa rupi kury, i'i Tupàn wanupe. Peiko wainuinuromo kury.