Hebreus 10:7 - Tupàn zeꞌeg

⁷ A'e rupi aze'eg kwez newe ihe. — Aiko xe ihe, Tupàn. Ezapo ma'e ihewe neremimutar rupi nehe, neze'eg kwehe arer purupe imur pyrer rupi ne. Eremume'u ihewe neremiapo ràm kwez ne. Ezapo kar tuwe nezewe haw nehe, hezuka kar pà teko wanemiapo kwer ikatu 'ym ma'e hekuzaromo nehe, a'e kwez newe, i'i Zaneruwihawete Tupàn pe kwehe mehe.

Hebreus 10:7 ပူးပေါင်းရင်းမြစ်များ

Gênesis 3:15

— Urumuigo kar putar a'e kuzà iàmàtyry'ymar romo ihe nehe, amuigo kar putar a'e kuzà neàmàtyry'ymar romo ihe nehe no. Nezuapyapyr a'e wà nehe, wiko putar izuapyapyr waàmàtyry'ymar romo a'e wà nehe. Izuapyapyr wiko putar nezuapyapyr waàmàtyry'ymar romo a'e wà nehe no. Pitài izuapyr ukamik putar neàkàg newi nehe. Ne erexi'u putar izuapyr ipyakaza rehe ne nehe no, i'i izupe.

Esdras 6:2

Amo wexak a'e pape Ekematana tawhu Menià ywy rehe har pe wà. Na'aw ze'eg a'e pape rehe imuapyk pyrer.

Provérbios 8:31

Herurywete ywy rehe. Teko hemurywete kar a'e wà no.

Isaías 50:5

Zanezar Tupàn Tuweharupi Wiko Ma'e ukwaw katu kar ma'e ihewe. Naiko kwaw ize'eg heruzar 'ymar romo. Nazàwehem kwaw izuwi ihe.

Jeremias 36:2

— Zeremi, i'i. — Epyhyk amo pape nehe. Amume'u ma'e tetea'u newe Izaew ywy rehe har wanehe ihe, Zuta ywy rehe har wanehe ihe no, amo ywy rehe har wanehe ihe no. Emuapyk a'e ma'e paw a'e pape rehe nehe. Azypyrog newe heze'eg pà Zuzi tuwihawete romo heko mehe ihe. A'e 'ar henataromo tuweharupi amume'u ma'e teko newe te ko 'ar rehe no. Emuapyk a'e ma'e a'e pape rehe paw rupi nehe.

Ezequiel 2:9

Na'e aexak amo ipo amo pape imàimàn pyrer ipyhykar kury.

Ezequiel 3:1

Uze'eg wi Tupàn ihewe kury. — Awa ta'yr, e'u ko pape nehe. A'e re eze'eg eho Izaew wanupe nehe, i'i ihewe.

João 4:34

Uze'eg Zezuz urewe. — Aze azapo hemur kar har hemiapo putar haw ihe, iapo haw nuzawy kwaw temi'u ihewe. Uzapo kar a'e ma'e ihewe a'e. Aze azapo a'e ma'e nehe, iapo haw nuzawy kwaw temi'u ihewe nehe. Aze amai'u nehe, ikatu ihewe nehe. Nezewegatete aze azapo hemur kar har hemiapo putar haw ihe nehe, herurywete putar tuwe ihe nehe.

João 5:30

Uze'eg wi Zezuz wanupe. — Ihe nazapo kwaw heremiapo putar haw ihe. Heru uzapo kar ma'e ihewe paw rupi a'e. Amume'u katu teko wanemiapo kwer ihe, ta'e nazapo kwaw heremiapo putar haw ihe xe. Xo hemur kar har hemiapo putar haw zo azapo teko ihe.

João 6:38

Azur ywak wi ihe, ywy rehe ihe. Nazur kwaw xe heremiapo putar haw iapo pà ihe. Azur xe hemur kar har hemiapo putar haw iapo pà ihe.