Hebreus 10:17 - Tupàn zeꞌeg

¹⁷ Amo ae ma'e umume'u a'e no. — Nahema'enukwaw pixik kwaw wanemiapo kwer ikatu 'ym ma'e rehe ihe nehe, i'i zanewe no.

Hebreus 10:17 ပူးပေါင်းရင်းမြစ်များ

Jeremias 31:31

Tupàn Tuweharupi Wiko Ma'e uze'eg kury. — Uhem putar amo 'ar nehe. A'e 'ar mehe azapokatu wi putar heze'egaw Izaew wanehe we ihe nehe, Zuta wanehe we ihe nehe no.

Jeremias 31:34

Ni amo numu'e kwaw umyrypar wà nehe. Numu'e kwaw wànàm wà nehe. — Ezeagaw Tupàn Tuweharupi Wiko Ma'e ikwaw pà nehe, ni'i kwaw wanupe wà nehe. Ta'e paw rupi katete hekwaw putar wà nehe xe. Teko hemetarer katu ma'e wà, teko hemetarer 'ym ma'e wà no. Ta'e amunàn putar wanemiapo kwer ihe nehe xe. Nahema'enukwaw pixik kwaw wakatu 'ymaw rehe ihe nehe no. Ihe Tupàn Tuweharupi Wiko Ma'e aze'eg kwez kury.

Hebreus 10:18

Tupàn umunàn zaneremiapo kwer ikatu 'ym ma'e zanewi a'e, a'e rupi naxiuka kwaw ma'ea'yr zane kury, zaneremiapo kwer ikatu 'ym ma'e hekuzaromo zane kury.

Hebreus 8:12

Apuhareko katu ihe wà nehe. Nazepyk kwaw wanehe nehe, wanemiapo kwer rehe nehe. Nahema'enukwaw kwaw wanemiapo kwer ikatu 'ym ma'e rehe nehe, i'i Tupàn purupe.