Gênesis 9:27 - Tupàn zeꞌeg

²⁷ Tuwe Tupàn umuigo kar Zape ywy tetea'u izar romo a'e nehe. Tuwe Zape izuapyapyr wiko Xem heko haw pe wà nehe. Tuwe Kànàà wiko Zape pe uma'ereko e ma'e romo a'e nehe, i'i Noe a'e 'ar mehe.

Gênesis 9:27 ပူးပေါင်းရင်းမြစ်များ

Gênesis 10:2

Amume'u putar Zape ta'yr waner xe ihe wà nehe kury: Komer, Makok, Manaz, Zàwà, Tumaw, Mezek, Xiraz.

Gênesis 27:29

Tuwe ereiko teko tetea'u wazar romo nehe, waneruze'egar romo nehe, tuwe teko tetea'u nemuwete katu wà nehe. Tuwe erezapo kar ma'e neànàm wanupe nehe. Tuwe amogwer nehy izuapyapyr nemuwete katu wà nehe. Aze amo omono uze'egaiw nerehe wà nehe, tuwe iaiw ma'e uzeapo wanupe nehe. Aze amo omono uze'egatu nerehe wà nehe, tuwe ikatu ma'e uzeapo wanupe nehe, i'i Izak wa'yr Zako pe kury.

Gênesis 9:28

Àmànuhu ikyr ire Noe umumaw amo 350 kwarahy.

Isaías 11:10

A'e 'ar mehe Tawi Zexe ta'yr izuapyr nuzawy kwaw pànuhu tuwihawete her hereko har teko ywy nànànar wanupe nehe. Teko wiko putar hemiruze'eg romo wà nehe. Tupàn ikàgaw ipuràgaw uhyape katu heko haw tawhu pe a'e nehe. Teko tetea'u wexak putar wà nehe.

Isaías 66:19

Amono putar amo hepuner haw hexak kar haw wamyter pe ihe nehe. Amo wikuwe wi wi putar wanemiapo kwer imume'u re wà nehe. Amono kar putar amo a'e teko ywy muitea'u har wanupe ihe wà nehe. A'e teko muite har nuenu pixik kwaw hereko haw imume'u haw wà. Nuexak pixik kwaw hepuner haw wà. Amono kar putar Epàn ywy rehe wà nehe, Iriw ywy rehe wà nehe no, Iri ywy rehe wà nehe no. Heta u'yw pupe ma'e izywà katu haw ikwaw par a'e ywy rehe wà. Oho putar Tumaw ywy rehe wà nehe no, Kere ywy rehe wà nehe no. Umume'u putar hepuner haw uhua'u ma'e oho ywy nànànar wanupe wà nehe.

Oséias 2:14

Tupàn uze'eg teko Izaew wanupe kury. — Amume'u putar heremiapo ràm ikatu ma'e kuzà heremiamutar pe nehe. A'e rupi oho putar wi ywyxiguhu pe herupi nehe. A'e pe urehem mehe amume'u putar iamutar haw izupe nehe. — Uruamutar ihe, a'e putar izupe nehe.

Malaquias 1:11

Teko amogwer ywy nànànar wainuromo har hemuwete katu wà. Ywy nànàn teko wapy yhyk hemuwete katu haw rehe wà. Umur ma'ea'yr ikatuahy ma'e ihewe wà. Upaw rupi uzeruze'eg herehe wà.

Atos 17:14

Na'arewahy uzeruzar ma'e a'e pe har omono kar Pawru a'e wi yryhu pe wà. Xiria a'e, Ximot a'e no, xo a'e zo upyta Werez taw pe a'e wà.

Romanos 11:12

Tupàn uzapo ikatuahy ma'e iko zutew 'ym wanupe kury, ta'e zutew uzapo ikatu 'ym ma'e waiko a'e wà xe. Teko ma'e hereko 'ymar uzemumikahy a'e wà. Nezewegatete zutew uzemumikahy a'e wà no, ta'e Tupàn o'ok ukatu haw wanuwi a'e xe, imono e pà zutew 'ym wanupe a'e xe. Zutew wanemiapo kwer ikatu 'ym ma'e ikatu zutew 'ym wanupe a'e wà. Aze zutew uzewyr Tupàn pe wà nehe, ikatu wera'u putar zutew 'ym wanupe a'e wà nehe.

Romanos 15:12

Nezewe i'i Izai a'e no. — Uzexak kar putar amo Zexe hemimino wà a'e nehe, ywy rehe a'e nehe. Tupàn umuigo kar putar a'e awa zutew 'ym wanuwihawete romo a'e nehe. Zutew 'ym uzeruzar putar hehe a'e wà nehe.

Efésios 2:19

A'e rupi pe zutew 'ym pe kury, napeiko kwaw amo ae ywy rehe har ài ko 'ar rehe pe kury. Peiko Tupàn hemiruze'eg romo kury. Peiko amogwer Tupàn hemiruze'eg wànàm ài kury. Peiko Tupàn ipurumuzàmuzàg ài kury.

Efésios 3:13

Aenoz putar ma'e peme kury. Apuraraw ma'erahy teko penekuzaromo ihe. Pezemumikahy zo heremipuraraw rehe nehe. — Tupàn na'ikàg kwaw a'e, ta'e numupytu'u kar kwaw Pawru ma'erahy ipuraraw ire a'e xe, peze zo nehe. Pekàg tuwe nehe, xo nezewe mehe teko uze'egatu putar penehe a'e wà nehe. — Azeharomoete Tupàn hemiruze'eg ikatuahy a'e wà pa, i'i putar peme a'e wà nehe.

Efésios 3:6

Amume'u putar Tupàn hemiapo ràm ikwaw pyr 'ym xe tàrityka'i peme kury. Tupàn umume'u kar uze'eg puràg iko zutew 'ym wanupe a'e kury. Kwehe mehe Tupàn umume'u ikatu ma'e wemiapo ràm a'e, zutew wanupe uze'eg pà a'e. Ko 'ar rehe uzapo ikatu ma'e zutew 'ym wanupe no. Zutew 'ym uzemono'og zutew wainuromo wà kury, pitài teko romo wiko pà wà kury. A'e rupi Tupàn upyro putar zutew 'ym wà nehe, aze zutew 'ym uzeruzar Zaneruwihawete Zezuz rehe wà nehe. Upyro putar zutew wà nehe no, aze zutew uzeruzar Zaneruwihawete Zezuz rehe wà nehe no. Zutew uzemono'og putar zutew 'ym wainuromo wà nehe, uzemuànàm pà wà nehe.