Gênesis 49:14 - Tupàn zeꞌeg

¹⁴ Ixakar nuzawy kwaw zumen ikàg ma'e ukupe pe àràm inuromo wemiraha ràm inuromo uzeàpàrirog ma'e.

Gênesis 49:14 ပူးပေါင်းရင်းမြစ်များ

Gênesis 30:18

Uze'eg Erez kury. — Ko kwarer a'e, Ixakar her romo a'e, ta'e Tupàn umekuzar uma'ereko ma'e hemen pe heremimono kwer ihewe a'e, i'i uzeupe. (-Hekuzar, i'i her zaneze'eg rupi.)

Gênesis 49:15

Ywy ikatu haw wexak a'e. — Ko ywy ikatuahy hepytu'u àwàm romo, i'i uzeupe. A'e rupi uzemumew, wemiraha ràm imur kar pà ukupe pe. Numume'u kwaw wemipuraraw. Uma'ereko uma'ereko e ma'e ài.

Salmos 68:13

A'e kuzà nuzawy kwaw pykahu parat pupe iwàiwàn pyrer wà, pykahu pepo or ikatu ma'e ài heny katu ma'e hereko har wà. Màràzàwe tuwe amo zauxiapekwer upyta àràpuhàràn hawitu ma'e wamono'ogaw pupe wà, Zeàmàtyry'ymawhu 'ar mehe wà.

Salmos 78:70

Na'e Tupàn wexak wemiruze'eg Tawi. Wenuhem pari àràpuhàràn hawitu ma'e wamono'ogaw wi.

Números 32:16

Teko Humen izuapyapyr wà, Kaz izuapyapyr wà no, uhem Moizez huwake izupe uze'eg pà wà kury. — Uruzapo putar pari xe urereimaw àràpuhàràn wanupe nehe, tapi'ak wanupe nehe no. Uruzapo putar tawhu ureànàm wanupe nehe no.

Deuteronômio 33:18

Umume'u ko ma'e Zemurom izuapyapyr wanehe, Ixakar izuapyapyr wanehe no. Tuwe Zemurom wiko hemetarer katu ma'e romo amo ywy rehe har wanupe ma'e ime'eg pà wà nehe. Tuwe Ixakar hemetarer katu uiwy pupe wà nehe.

Juízes 10:1

Umàno Amimerek. A'e re Tura Puwa ta'yr Nono hemimino ur Izaew wapyro pà kury. Ixakar zuapyr romo hekon. Wiko Xamir tawhu pe. Eparai waiwy rehe ywytyr heta haw pe tuz.