Gênesis 46:8 - Tupàn zeꞌeg

⁸ Amume'u putar Izaew izuapyapyr waner paw xe ihe wà kury, Ezit ywy rehe oho ma'e kwer waner paw xe ihe wà kury. Humen, Zako ta'yr ipy her romo a'e.

Gênesis 46:8 ပူးပေါင်းရင်းမြစ်များ

Gênesis 29:32

Ipuru'a Erez kury. Imemyrzexak kar kury. Awa a'e. Humen, her romo a'e. — Exak hememyr, i'i her zaneze'eg rupi. — Tupàn Tuweharupi Wiko Ma'e wexak hezemumikahy awer a'e. A'e rupi hemumemyr kar kwez kury. A'e rupi hemen heamutar katu putar a'e nehe, i'i uzeupe.

Gênesis 46:7

Weraha Zako uzuapyapyr paw wà: wa'yr wà, wazyr wà, wemimino wà.

Gênesis 46:9

Humen ta'yr wà no: Enok, Paru, Ezerom, Karimi.

Números 1:5

Na'aw awa penemipytywà àràm waner xe wà. Izypy mehe amume'u putar Izaew ta'yr her nehe. A'e re amume'u putar izuapyr her nehe no. Humen: Erizur, Xeneur ta'yr. Ximeàw: Xerumiew, Zurixanaz ta'yr. Zuta: Nazom, Aminanaw ta'yr. Ixakar: Netanew, Zuar ta'yr. Zemurom: Eriaw, Erom ta'yr. Eparai: Erizàm, Amiu ta'yr. Manaxe: Kamariew, Penazur ta'yr. Mezàmi: Aminà, Zineoni ta'yr. Nà: Aiezer, Amizanaz ta'yr. Azer: Paziew, Okirà ta'yr. Kaz: Eriazap, Newew ta'yr. Napitari: Aira, Enà ta'yr. Amumaw waner wamume'u haw kwez kury. Moizez wexaexak Izaew izuapyapyr wanuwihaw pitàitàigatu wà, uzeànàànàm ma'e wanekuzaromo har romo wà.

Deuteronômio 33:6

Moizez uze'eg nezewe Humen izuapyapyr wanehe a'e. Tuwe Humen wikuwe tuweharupi wà nehe. Tuwe numàno pixik kwaw wà nehe. Tuwe heta tetea'u tuweharupi wà nehe.