Gênesis 41:6 - Tupàn zeꞌeg

⁶ A'e re uhem amo 7 arozràn haryw a'e wà no. Uxinig wà, ta'e ywytu haku ma'e ywyxiguhu wi ur ma'e kwer umuxinig kar a'e wà xe.

Gênesis 41:6 ပူးပေါင်းရင်းမြစ်များ

Gênesis 41:23

A'e re uhem amo 7 arozràn iapo kwer uxinig ma'e wà. Ywytu ywyxiguhu wi ur ma'e kwer umuxinig kar a'e wà.

Gênesis 41:5

Na'e uker wi upuahu pà kury. Wexak 7 arozràn haryw pitài romo hezuz ma'e kwer wà. Ikatu wà, tynehem arozràn pupe wà.

Gênesis 41:7

Omokon a'e 7 arozràn haryw tynehem ma'e ikatu ma'e wà. Ume'e wi tuwihawete. — Apuahu kwez ihe kury, i'i uzeupe.

Ezequiel 17:10

Azeharomo itym pyrer romo hekon. Aipo itua'u putar nehe. Ywytu hehe izepyk mehe aipo nuxinig kwaw nehe. Aipo nuxinig kwaw utymaw rehe nehe.

Ezequiel 19:12

Nezewe rehe we wikwahy ma'e ozo'ok i'yw oho wà. Weityk ywy rehe wà. Ywytu kwarahy heixe haw wi ur ma'e umuxinig i'a kwer. Amo omonohok hàkàgwer wà. Uxinig. Na'e teko wapy tata pupe wà.

Oséias 12:1

Teko Izaew wiko tuweharupi ikatu 'ym ma'e iapoapo pà wà. Umumaw u'ar paw ikatu 'ym ma'e iapo pà wà. Tuweharupi wanemu'emaw heta wera'u wà. Tuweharupi wanemiapo kwer ikatu 'ym ma'e heta haw uhua'u wera'u wà no. Izaew uzapokatu uze'egaw waiko Axir wanehe we wà. Omono kar uri kawer Ezit rehe har wanupe wamurywete kar haw romo wà.

Oséias 13:15

Aze Izaew uhua'u ka'a uzehu katu ma'e ài nehe, nezewe rehe we Tupàn Tuweharupi Wiko Ma'e umur kar wàmàtyry'ymar kwarahy hemaw wi wà nehe, ywytu haku ma'e ywyxiguhu wi ur ma'e kwer ài nehe. A'e ywytu umuxinig ytyzuzàmaw paw wà nehe. Zauxiapekwer weraha ko ywy rehe har wama'e paw xe wi wà nehe, wanemetarer paw, wama'e hekuzar katu ma'e paw no.

Jonas 4:8

A'e re uhem kwarahy. Tupàn umur kar amo ywytu hakuahy ma'e kwarahy hemaw wi kury. Iàkàzym tària'i Zon kwarahy hakuahy mehe. Nuzawy kwaw iàkàg ukaz ma'e. A'e rupi imàno wer zepe kury. — Hemàno àwàm ikatu wera'u ihewe herekuwe wi àwàm wi, i'i uzeupe.