Gênesis 35:25 - Tupàn zeꞌeg

²⁵ Heta amo ta'yr izupe Mira Hakew pe uma'ereko ma'e rehe we a'e wà. Na'aw waner xe wà: Nà, Napitari.

Gênesis 35:25 ပူးပေါင်းရင်းမြစ်များ

Gênesis 29:29

(A'e 'ym mehe we Àràmàw omono uma'ereko e ma'e Mira her ma'e Hakew pe a'e, izupe uma'ereko e ma'e romo a'e.)

Gênesis 37:2

Amume'u putar Zako iànàm waneko awer xe ihe nehe kury. 16 kwarahy hereko mehe Zuze uzekaiw àràpuhàràn hawitu ma'e wanehe àràpuhàrànete wanehe a'e. Tyky'yr Mira imemyr Ziwpa imemyr uma'ereko hehe we a'e wà no. (Mira a'e, Ziwpa a'e no, tu hemirekoagaw romo wanekon a'e wà.) Zuze umume'u wyky'yr wanemiapo kwer ikatu 'ym ma'e oho u pe tuweharupi a'e.

Josué 19:32

Zuzue uzapo ywy imuza'akaw 6 haw kury. Omono ywy pehegwer Napitari izuapyapyr wanupe.

Josué 19:40

Zuzue uzapo ywy imuza'akaw 7 haw kury. Omono ywy pehegwer Nà izuapyapyr wanupe.

Juízes 5:17

Kaz izuapyapyr a'e wà, upyta yrykaw Zotàw iwyr kwarahy ihem haw kutyr har rehe a'e wà. Nà izuapyapyr wà, màràzàwe tuwe upyta weko haw pe wà. Azer izuapyapyr upytu'u wata re yryhu iwyr wà. Upyta a'e pe ywyxiguhu rehe wà.

Juízes 5:18

Zemurom izuapyapyr a'e wà, Napitari izuapyapyr a'e wà no, Oho zeàmàtyry'ymaw pe wà. Upuner mo umàno haw rehe wà.