Gênesis 30:13 - Tupàn zeꞌeg

¹³ — Herurywete tuwe ihe. Amogwer kuzà umume'u putar herurywete haw a'e wà nehe. A'e rupi — Azer, kwarer her romo a'e nehe, i'i Erez uzeupe. (-Hurywete ma'e, i'i her zaneze'eg rupi.)

Gênesis 30:13 ပူးပေါင်းရင်းမြစ်များ

Gênesis 30:12

A'e re Ziwpa omono amo ta'yr Zako pe.

Gênesis 35:26

Heta amo ta'yr izupe Ziwpa Erez pe uma'ereko ma'e rehe we a'e wà. Na'aw waner xe wà: Kaz, Azer. Zako ta'yr paw uzexak kar Mezopotàm ywy rehe wà.

Gênesis 46:17

Azer. Ta'yr wà no: Imina, Iziwa, Iziwi, Meri. Tazyr no: Xera. Heta mokoz ta'yr Meri pe wà no: Emer, Mawkiew waner romo wà.

Gênesis 49:20

Azer ywy umuezuz katu putar temi'u tetea'u a'e nehe. Xo temi'u ikatuahy ma'e zo tuwihawete u'u a'e wà. Azer ywy umuezuz putar agwer temi'u a'e nehe.

Provérbios 31:28

Imemyr umuawate wà. Uze'egatu hehe wà. Imen uze'egatu hehe no.

Cânticos dos Cânticos 6:9

Xo pitài kuzà zo azamutar katu ihe. Ikatuahy pykahu ài. Naheta kwaw amo tazyr tu pe. Ihy uzamutar katu a'e. Kuzà paw ume'e heremiamutar katu rehe wà. — Hurywete a'e, i'i izupe wà. Kuzà tuwihawete hemireko a'e wà, hemirekoagaw a'e wà no, uze'egatu hehe wà.

Lucas 1:48

Ihe Tupàn hemiruze'eg romo aiko ihe, naiko kwaw hemetarer katu ma'e romo ihe, ma'e hereko 'ymar romo aiko ihe. Tupàn ukwaw hereko haw a'e. Uzapo putar ikatuahy ma'e ihewe a'e nehe kury. A'e rupi teko ko 'ar rehe har paw rupi a'e wà nehe no, umume'u putar Tupàn ikatu haw a'e wà nehe no, ta'e ikatuahy ma'e uzapo putar ihewe a'e nehe 'y.