Gênesis 3:19 - Tupàn zeꞌeg

¹⁹ Erema'ereko tetea'u putar nehe. Nepirakor putar nehe no. Xo nezewe mehe zo ywy umuezuz putar neremi'u ràm newe nehe. Tuweharupi erema'ereko putar nezewe nehe. Amuapu'a ywy ihe, awa romo neapo pà ihe. Amo 'ar mehe erezewyr putar ywy rehe nehe, ywy romo nereko wi pà nehe. Xo a'e 'ar mehe eremumaw putar ywy rehe nema'ereko haw nehe, i'i izupe.

Gênesis 3:19 ပူးပေါင်းရင်းမြစ်များ

Gênesis 18:27

Uze'eg wi Àmàrààw izupe kury. — Aze'eg wi putar nehe kury. Aze heze'eg àwàm na'ikatu kwaw nehe, ezepyk zo herehe nehe, ta'e ereiko teko paw wazar romo ne xe. Ihe aiko umàno ma'e ràm ikàg 'ym ma'e romo ihe.

Gênesis 2:7

Na'e Tupàn umuapu'a ywy ku'i kwer awa romo iapo pà a'e kury. Nuikuwe kwaw awa a'e rihi. Upy Tupàn awa iapygwar rupi ywytu purumuigo kar ma'e imono pà izupe kury. Nezewe mehe wiko wikuwe ma'e romo a'e kury.

Gênesis 23:4

— Aiko amo ae ywy rehe arer romo peinuinuromo ihe. A'e rupi peme'eg amo peywy pehegwer ihewe nehe. A'e mehe apuner putar heremireko hetekwer itymaw rehe ihe nehe, i'i wanupe.

Gênesis 3:18

Ka'a tetea'u hezuz putar ywy rehe newe nehe. Xu tetea'u hezuz putar ywy rehe newe nehe no. A'e rupi ere'u putar ma'e ka'a pe hezuz ma'e nehe no, i'i izupe.

Gênesis 5:5

930 kwarahy hereko mehe Ànàw umàno.

Jó 1:21

Uze'eg nezewe a'e. — Azexak kar ma'e hereko 'ymar romo ihe. Àmàno putar nezewegatete nehe no. Tupàn Tuweharupi Wiko Ma'e umur ma'e ihewe. Tupàn Tuweharupi Wiko Ma'e umukàzym kar a'e ma'e ihewi no. Tuwe teko umuawate katu her wà nehe.

Jó 10:9

Nema'enukwaw ko ma'e rehe nehe. Heapo pe ywyzuwa ima'ema'e pà. Aipo ywy imuku'i pyrer romo hemuigo kar wi putar pe nehe no.

Jó 19:26

Hema'eahy haw uxi'uxi'u putar hepir paw rupi a'e nehe. Nezewe rehe we aexak putar Tupàn ko heretekwer pupe hereko mehe ihe nehe.

Jó 21:26

Màràmàràn umàno wà. Waànàm uzutym wanetekwer wà. Merua'yr upyupyk wanetekwer wà.

Jó 34:15

Nezewe mehe mo teko paw umàno mo uzemono'og pà wà, pitài 'ar mehe mo wà. Uzewyr mo ywy imuku'i pyrer romo wà.

Jó 4:19

Aipo erezeruzar putar teko wanehe nehe. Wiko ywyzuwa iapo pyrer romo wà. Tupàn umuzuwazuwa ywy iku'i kwer teko romo iapo pà. Wiko pànàmiràn zàwe wà. Wyzài upuner wakamikamikaw rehe wà.

Salmos 103:14

Ukwaw zaneapo awer a'e xe. Ima'enukwaw ywyku'i romo zanereko haw rehe.

Salmos 104:23

Na'e teko uma'ereko oho wà. Xo kwarahy heixe etea'i mehe upytu'u wà.

Salmos 104:29

Neruwa imim mehe ukyze wà. Wapytuhem ire wamupytu'u kar mehe, umàno a'e wà. Uzewyr ywyku'i romo weko haw pe wà. Kwehe mehe wiko ywyku'i romo wà. Uzewyr wi putar a'e pe wà nehe no.

Salmos 127:2

Aze amo uma'ereko tetea'u wemi'u ràm imono'og pà, Aze upu'àm izi'itahy, aze u'aw wi oho xo pyaze mehe, uma'ereko e a'e. Ta'e Tupàn omono temi'u wemiamutar katu wanupe a'e xe. Te waker mehe Tupàn uzapo ikatu ma'e wemiaihu pe.

Salmos 22:15

He'az uxinigahy ywy ku'i kwer ài a'e. Heapeku uzemog hezuru i'aromo. Hereityk pe umàno ma'e kwer ài ywy rehe ne.

Salmos 22:29

Teko amo wanuwi wiko wera'u ma'e paw uzeamumew putar henataromo wà nehe. Teko paw umuwete katu putar wà nehe. Azeharomoete umàno ma'e ràm paw umuwete katu putar wà nehe.

Salmos 90:3

Ereze'eg nezewe teko neremiapo kwer wanupe. — Peiko wi izypy mehe arer zàwenugar romo nehe, ere wanupe. Eremuigo kar wi ywyku'i romo ne wà.

Provérbios 21:16

Aze amo utyryk ma'e kwaw paw wi, a'e teko wata oho iko màno haw kutyr.

Eclesiastes 1:13

— Ame'e putar ma'e ko ywy rehe uzeapo ma'e nànàn nehe, a'e hezeupe. — Azemu'e putar a'e ma'e nànàn nehe, a'e hezeupe. Tupàn zanewe hemiapo kar zanemukene'o kar tuwe a'e.

Eclesiastes 1:3

Teko umumaw weko haw paw uma'ereko pà wà. Uma'erekoahy tetea'u wà. Màràzàwe tuwe. Uma'ereko e wà.

Eclesiastes 12:7

Izypy mehe zaneretekwer ur ywy imuku'i pyrer wi wà. Uzewyr putar a'e pe nehe no. Tupàn umur zanerekuwe zanewe. Zanerekuwe uzewyr putar izupe nehe no.

Eclesiastes 3:20

Teko wiko putar ywy romo wà. Ma'ea'yr wiko putar ywy romo wà no. Zuawygatu waneko àwàm. Teko ur ywy wi wà. Uzewyr putar a'e pe wà nehe no. Ma'ea'yr ur ywy wi wà no. Uzewyr putar a'e pe wà nehe no.

Eclesiastes 5:15

Zaixe ko ywy rehe ma'e hereko 'ym pà. Zahem izuwi nezewegatete no. Zama'ereko tetea'u ma'e imono'og pà. Nezewe rehe we nazapuner kwaw ni pitài ma'e heraha haw rehe zanemàno mehe.

Daniel 12:2

Teko umàno ma'e kwer tetea'u wikuwe wi putar wà nehe. Amo wereko putar tuweharupi weko àwàm wà nehe. Amo upuraraw putar ma'erahy tuweharupi Tupàn izepyk àwàm wà nehe no, upuraraw putar tuweharupi iaiw haw wà nehe no.

1 Coríntios 15:47

Tupàn upyhyk ywy pixika'i a'e, awa izypy romo iapo pà a'e. Ànàw romo a'e. Amo ae awa ur ywak wi a'e, Zaneruwihawete romo hekon a'e. -Ànàw iahykaw rehe har, za'e izupe.

Efésios 4:28

A'e ma'e rehe imunar ma'e a'e wà nehe kury, pemupytu'u kar wamunar ire ma'e rehe pe wà nehe kury. Tuwe uzypyrog uma'ereko pà wà nehe. Tuwe nezewe omono'og wemi'u ràm uma'e ràm hekuzar wà nehe. A'e rupi a'e ae upuner ma'e hereko 'ymar wapytywà haw rehe a'e wà nehe no.

1 Tessalonicenses 2:9

Herywyr wà, hereinyr wà. Pema'enukwaw katu urema'ereko awer rehe, urerywyr wà. Uruma'ereko 'aromo. Uruma'ereko pyhaw pepyr urereko mehe no. A'e rupi oromono'og temetarer urezeupe, tàpuzràn iapo pà ime'eg pà. A'e rupi nurenoz kwaw temetarer peme, Tupàn ze'eg imume'u haw hekuzaromo.

2 Tessalonicenses 3:10

Pepyr urereko mehe we, ko ze'eg urumume'u peme. — Aze teko na'ima'ereko wer kwaw nehe, a'e mehe pemono zo temi'u izupe nehe.

Hebreus 9:27

Teko pitàitàigatu umàno putar pitài haw a'e wà nehe. A'e re Tupàn umume'u putar wanemiapo kwer a'e nehe, pitàitàigatu a'e nehe. A'e re uzepyk putar ikatu 'ym ma'e iapo har wanehe nehe. Upyro putar wemiruze'eg wà nehe.