Gênesis 29:3 - Tupàn zeꞌeg

³ Aze àràpuhàràn mono'ogar paw uzemono'og a'e pe wà, weimaw wanehe we wà, umunyryk kar itahu 'yzygwar wi wà, 'y imono pà weimaw wanupe wà. A'e re omono wi itahu 'yzygwar ikwar rehe wà, iwàpytym wi pà wà.

Gênesis 29:3 ပူးပေါင်းရင်းမြစ်များ

Gênesis 29:2

A'e ywy rehe ume'e mehe wexak amo a'e pe kury. Heta na'iruz awa àràpuhàràn imono'ogar 'yzygwar huwake a'e wà. Pitàitàigatu uzekaiw waiko weimaw àràpuhàràn hawitu ma'e wanehe wà, àràpuhàrànete wanehe wà no. Waneimaw waiwez mehe wenuhem 'y a'e 'yzygwar wi wanupe wà. Uwàpytym 'yzygwar itahu pupe tuweharupi wà.

Gênesis 29:4

Upuranu Zako ma'ea'yr wamono'ogar wanehe kury. — Ma'e wi pezur, hemyrypar wà, i'i wanupe. — Àrà ywy rehe har romo uruiko ure, i'i izupe wà.

Gênesis 29:8

— Nurupuner kwaw ure. Àràpuhàràn paw xe waneko mehe urupuner itahu imunyryk kar haw rehe 'yzygwar ikwar wi. A'e mehe oromono 'y wanupe, i'i izupe wà.

Êxodo 2:17

Na'e uhem amo ae àràpuhàràn mono'ogar a'e pe wà no. Awa a'e wà. Umuzàn kar àràpuhàràn mono'ogar a'e kuzà a'e wi a'e wà. Wexak Moizez a'e ma'e izeapo mehe. A'e rupi upu'àm Moizez oho kuzà wapytywà pà a'e, a'e awa wanuwi wapyro pà a'e. Umuzàn kar Moizez a'e àràpuhàràn mono'ogar wà kury. A'e re omono 'y kuzà waneimaw wanupe kury.

Cânticos dos Cânticos 4:12

Heremireko ràm heremiamutar katu, ereiko ma'etymaw pàrirogaw hereko har zàwe. Ma'ea'yr nuixe kwaw ma'etymaw pupe wà. Heta 'yzygwar a'e pe. Xo ihe zo anuhem 'y a'e wi.

Juízes 5:11

Pezeapyaka katu 'yzygwar izywyr uzegar ma'e wanehe nehe. Tupàn Tuweharupi Wiko Ma'e rehe uze'eg waiko wà, Iàmàtyry'ym arer waneityk awer rehe uze'eg waiko wà. Izaew wanehe uze'eg waiko wà, wàmàtyry'ym arer waneityk awer rehe uze'eg waiko wà. A'e rupi teko Tupàn hemiaihu a'e wà kury, wezyw weko haw tawhu pe a'e wà kury.