Gênesis 25:34 - Tupàn zeꞌeg

³⁴ Na'e omono Zako typy'ak wyky'yr pe kury. Omono a'e temi'u 'y pupe imupupur pyrer izupe no. Umai'u pawire ui'u pawire upu'àm kury, a'e wi oho pà kury. Nezewe umuaiw ta'yr ipy romo weko haw.

Gênesis 25:34 ပူးပေါင်းရင်းမြစ်များ

Gênesis 25:29

Amo 'ar mehe Zako umupupur amo temi'u 'y inuromo har iko a'e. Uhem Ezau ka'a wi kury. Ikene'o.

Gênesis 25:33

— Emume'uahy neze'eg ihewe kury, i'i tywyr izupe. Umume'uahy uze'eg izupe. A'e rupi Zako wiko Izak heimaw wazar ràm romo a'e kury. Wiko Zako ta'yr ipy zàwenugar romo, ta'yr ipy hekuzaromo kury.

Gênesis 26:1

Amo kwarahy rehe heta ma'uhez taw uhua'u ma'e a'e ywy rehe kury. Nuhyk kwaw temi'u teko wanupe. Pema'enukwaw ma'uhez taw Àmàrààw heko mehe arer rehe. Nezewegatete Izak 'ar mehe no. A'e rupi Izak oho Zerar tawhu pe kury, Amimerek heko haw pe kury. Piri ywy rehe har wanuwihawete romo hekon a'e.

Gênesis 27:32

Na'e Izak upuranu hehe kury. — Mo romo ereiko ne, i'i izupe. — Ezau ihe, nera'yr ipy romo aiko ihe, i'i ta'yr izupe.

Salmos 106:24

A'e re amo 'ar mehe Naheixe wer kwaw Kànàà ywy ikatuahy ma'e rehe wà, Ta'e nuzeruzar kwaw Tupàn hemimume'u kwer rehe wà xe.

Eclesiastes 8:15

A'e rupi akwaw ko ma'e ihe. Zazemurywete kar nehe. Ta'e zanereko mehe xo ko ma'e zo ikatu zanewe a'e xe: zanemai'u haw, ma'ywa tykwer i'u haw, zanezemuryw haw. Tupàn umur ko ywy rehe zanereko haw zanewe a'e. Zanema'ereko mehe heta a'e ma'e iapo haw zanewe. Naheta tete kwaw amo ae zanezemurywete kar haw.

Isaías 22:13

Naperuzar kwaw ize'eg. Pezemaraz mynykawhu iapo pà. Pezuka tapi'ak awa wà. Pezuka àràpuhàràn hawitu ma'e wà no. Pemai'u. Pei'u uwà tykwer win her ma'e pupe penemimutar rupi. Peze'eg nezewe. — Zamai'u nehe, zai'u win pupe nehe, ta'e pyhewe zàmàno putar nehe xe, peze pezeupeupe.

Zacarias 11:13

Tupàn Tuweharupi Wiko Ma'e uze'eg ihewe. — Emono a'e temetarer heràpuzuhu pupe nehe, temetarer imonokatu haw pupe nehe, i'i ihewe. Umur temetarer tetea'u ihewe wà, ta'e hema'ereko awer ikatu wanupe xe. Na'e apyhyk a'e temetarer kury, temetarer imonokatu haw tàpuzuhu pe har pupe imonokatu pà kury.

Mateus 22:5

Henoz pyrer nuzekaiw kwaw waze'eg rehe wà. Amo uma'e wiwi uma'e oho wà. Amo ae oho oko pe wà. Amo ume'eg uma'e oho wà.

Mateus 26:15

— Aze amume'u Zezuz iho àwàm peme nehe, aze apyhyk kar peme nehe, màràn temetarer tàtà pemur putar ihewe nehe, i'i wanupe, wanehe upuranu pà. Xaxeto upapar 30 temetarer tàtà ma'e parat her ma'e hekuzar katu ma'e a'e wà, izupe imono pà a'e wà.

Atos 13:41

— Pe Tupàn rehe uze'eg zemueteahy ma'e pe. Pezeapyaka katu nehe kury. Pepytuhegatu nehe kury. Pemàno putar nehe. Ta'e napezeruzar kwaw heremiapo kwer rehe nehe xe, ta'e napezeruzar kwaw heremiapo kwer pe 'ar mehe iapo pyrer rehe nehe xe. Aze amo umume'u katu peme wà nehe, ni a'e mehe napezeruzar kwaw hehe nehe, i'i a'e ze'eg kwehe arer a'e, i'i Pawru a'e, a'e zemono'ogaw pe har wanupe a'e.

1 Coríntios 15:32

Xe Ew tawhu pe hereko mehe teko ipuruzukaiw tuwe ihewe wà. Miar hehaite ma'e ài wanekon ihewe wà. Màràzàwe tuwe apuraraw agwer ma'erahy. Aze mo naheta iwer zanekweraw pàwàm, a'e mehe mo uruiko mo uzeruzar 'ym ma'e wazàwe. — Zamai'u e zaiko zane kury. Xi'u e kàwiahy nehe no, zaka'u nehe no. Ta'e amo 'ar mehe zamàno putar nehe xe, i'i uzeruzar 'ym ma'e uzeupeupe wà. Aze mo teko nukweraw iwer wà, uruiko mo wazàwe ure no.