Gênesis 22:21 - Tupàn zeꞌeg

²¹ Ta'yr ipy Uz her ma'e uzexak kar a'e. A'e re uzexak kar tywyr wà. Muz, Kemuew waner romo wà. (Kemuew wiko Àrà tu romo.)

Gênesis 22:21 ပူးပေါင်းရင်းမြစ်များ

Gênesis 22:20

Amo 'ar pawire amo umume'u ma'e oho Àmàrààw pe wà. — Nerywyr Naor a'e, heta 8 ta'yr izupe wà, wemireko Miwka rehe we wà.

Gênesis 22:22

A'e re uzexak kar amo wà: Kezez, Hazo, Piwnaz, Ziriraw, Metuwew.

Gênesis 24:10

A'e re upyhyk 10 kawaru kupewa'a kamer her ma'e a'e wà kury, Àmàrààw heimaw a'e wà kury. Upyhyk ma'e Àmàrààw iànàm wanupe imono pyràm a'e no. Wata oho tawhu Naor heko awer pe kury, Mezopotàm ywy rehe har pe kury.

Jó 1:1

Amo awa wiko Uz ywy rehe a'e. Izo her romo a'e. Ikatu a'e. Imunar 'ym ma'e romo hekon. Ukyze Tupàn wi. Uzeagaw ikatu 'ym ma'e iapo 'ym pà.

Jó 32:2

Amo awa Eriu her ma'e wiko a'e pe. Marakew ta'yr romo Muz izuapyr romo Hàw izuapyr romo hekon a'e. Eriu wikwahy Izo pe kury. Ta'e Izo umume'u ukatu haw a'e pe har wanupe a'e xe. — Nazapo kwaw ikatu 'ym ma'e ihe, i'i wiwi a'e pe har wanupe. — Tupàn upuraraw kar e ma'erahy ihewe a'e, i'i wanupe.

Números 23:7

Na'e Màrààw umume'u ko ze'eg puràg uzeapo ma'e ràm imume'u haw a'e kury. — Marak Moaw wanuwihawete hemur kar Xir ywy wi a'e. Omono kar amo awa ywytyruhu kwarahy ihemaw kutyr har pe hepiaromo a'e wà. — Ezur nehe, i'i ihewe. — Emono ze'egaiw teko Izaew wanehe ihewe nehe, i'i ihewe. — Azeharomoete, emono ze'egaiw Izaew izuapyapyr wanehe nehe, i'i ihewe.