Gênesis 10:8 - Tupàn zeꞌeg

⁸ Kuxi wiko Nihoz tu romo a'e. Nihoz wiko puruàmàtyry'ymar ikàg ma'e ipy romo a'e.

Gênesis 10:8 ပူးပေါင်းရင်းမြစ်များ

Gênesis 10:7

Na'aw Kuxi ta'yr waner xe wà kury: Xewa, Awira, Xawita, Hama, Xateka. Na'aw Hama ta'yr waner wà: Xama, Nenà.

Gênesis 10:9

Tupàn upytywàgatu Nihoz a'e. A'e rupi wiko uzemi'i kar ma'e ikàg ma'e romo. A'e rupi teko ko 'ar rehe har uze'eg nezewe uzeupeupe hehe a'e wà kury. — Eiko Nihoz zàwegatu nehe ty. Ta'e Tupàn upytywà a'e xe. A'e rupi wiko uzemi'i kar ma'e ikàg ma'e romo a'e, i'i uzeupeupe wà.

Gênesis 2:13

Yrykaw mokoz haw a'e, Ziom her romo a'e. Uwyryk oho Kuxi ywy nànàn.

1 Crônicas 1:10

Heta amo Kuxi ta'yr Nihoz her ma'e izupe. Niniroz wiko ywy tetea'u rehe har wanuwihaw romo a'e, wanuwihaw waneityk pà a'e.

Isaías 18:2

A'e ywy rehe har umur kar uze'eg herur har zanewe wà. Wezyw oho yrykawhu Niru her ma'e rupi kanuhu ka'api'i popok iapo pyrer pupe wà. Ze'eg herur har uzàn ma'e wà, pezewyr peywy rehe nehe. Pezewyr peànàm ikàg ma'e upuner ma'e wanupe nehe. Iaiha katu a'e peànàm wà. Heny katu wapir. Amogwer teko ywy nànànar ukyze wanuwi wà. Wiko ywy yrykawhu tetea'u heta haw rehe wà.

Miquéias 5:6

Zaneruwihaw wixe putar Axir ywy rehe wà nehe, a'e ywy ipyro pà wà nehe, a'e zauxiapekwer wamumaw pà wà nehe. (Niroz amo ae Axir her romo a'e.) Nezewe mehe Axir zaneiwy iàmàtyry'ym mehe zaneruwihawete zanepyro putar wanuwi a'e nehe.