Gênesis 10:25 - Tupàn zeꞌeg

²⁵ Heta mokoz ta'yr Emer pe a'e wà. Tyky'yr a'e, Pereg her romo a'e. — Uzemuza'aza'ak ma'e kwer wà, i'i her zaneze'eg rupi. Ta'e a'e 'ar mehe teko ywy rehe har uzemuza'aza'ak a'e wà xe. Tywyr a'e, Zokità her romo a'e.

Gênesis 10:25 ပူးပေါင်းရင်းမြစ်များ

Gênesis 10:21

Xem a'e, Zape tyky'yr a'e, teko Emerew her ma'e paw wanu romo hekon a'e.

Gênesis 10:26

Heta ta'yr tetea'u Zokità pe wà. Na'aw waner xe wà: Awmona, Xerew, Azar-Mawe, Zer,

Gênesis 10:32

Amumaw Noe ta'yr wazuapyapyr waner imume'u haw kwez ihe kury, waneko awer imume'u haw ihe no. Wazuapyapyr wanemiapo kwer pitàitàigatu imume'u haw amumaw kwez kury. Àmànuhu ikyr pawire teko ywy rehe har paw wiko Noe izuapyapyr romo wà.

Gênesis 10:5

Zape izuapyapyr a'e wà, uzapo weko haw oho yryhu iwyr a'e wà, yrypypo'o rehe a'e wà no. Teko pitàitàigatu a'e wà, uzeànàànàm ma'e kwer a'e wà no, upyhyk uiwy oho a'e wà, a'e pe weko haw iapo pà a'e wà, uze'eg rupi uze'eg pà a'e pe a'e wà.

1 Crônicas 1:19

Heta mokoz ta'yr Emer pe wà: Pereg tyky'yr her romo a'e, ta'e i'ar rehe teko ywy rehe har uzemuza'aza'ak kar a'e wà xe. Zemuza'aza'ak kar haw i'i her zaneze'eg rupi. Zokità tywyr her romo a'e.

Jó 15:19

Wanu wiko amo ywy rehe wà. Naheta kwaw amo ae ywy rehe arer a'e ywy rehe wiko ma'e wà.

Atos 17:26

Uzapo awa ipy a'e. A'e awa upurumuzàg a'e. Ipurumuzàmuzàg umuzàg amo wà no. Teko paw rupi katete wiko a'e awa izuapyapyr romo a'e wà. Tupàn umuigo kar wamono ywy nànàn a'e wà. A'e ae wexaexak ywy teko waneko àwàm a'e no. Peiko ko ywy rehe nehe, i'i amo wanupe.

Deuteronômio 32:8

Tupàn ywate wera'u ma'e umuhàmuhàz teko paw a'e wà. Omono ywy wanupe pitàitàigatu no. Umuapyk ma'e ywyzaw nànàn. Omono amo tupàn wanupe wazar romo pitàitàigatu wà no.