Gênesis 1:9 - Tupàn zeꞌeg

⁹ Uze'eg wi Tupàn a'e kury. — Tuwe 'y ywak iwy pe har uzemono'og pitài 'y romo uzeapo pà a'e nehe. Nezewe mehe ywy uxinig ma'e uzekwa kar putar a'e nehe no, i'i. Uzeapo ma'e ize'eg rupi katete.

Gênesis 1:9 ပူးပေါင်းရင်းမြစ်များ

Gênesis 1:8

Na'e Tupàn omono her a'e 'y imuza'akaw pe a'e. — Ywak, i'i izupe. Upaw pytun oho no. Iku'em kury. — Mokoz haw 'ar, i'i izupe.

Neemias 9:6

Na'e teko Izaew uze'eg nezewe Tupàn pe wà kury. O Tupàn, xo ne zo ereiko Tuweharupi Wiko Ma'e romo ne. Erezapo ywak. Erezapo zahytata no. Erezapo ywy. Erezapo yryhu no. Erezapo yryhu rehe har paw rupi ne wà no. Eremonokatu teko paw wamuikuwe kar pà ne wà. Ywak rehe har wapyk upenàràg rehe nemuwete katu pà wà.

Jó 26:10

Tupàn umuapyk iapu'a ma'e yryhu mytepe a'e, Tatainy imunyryk kar pà ipytunaw wi a'e.

Jó 26:7

Tupàn upupirar ywak ma'e heta 'ymaw i'aromo. Umupyta kar ywy ma'e heta 'ymaw i'aromo no.

Salmos 104:3

Erezapo neràpuz 'y ywate har rehe. Ereata ywàkun rehe ywyramawa zeàmàtyry'ymawhu pe har ài. Erewewe ywytu nepepo romo iapo pà.

Salmos 33:7

Omono'og Tupàn yryhu paw pitài yryhu romo iapo pà. Omonokatu 'y yryhu rehe har imonokatu haw pupe no.

Salmos 95:5

Wiko wemiapo kwer yryhu izar romo. Wemiapo kwer ywy izar romo hekon no.

Eclesiastes 1:7

Yrykaw uwyryk oho yryhu kutyr paw rupi. Nezewe rehe we natynehem kwaw yryhu. 'Y uzewyr oho yrykaw izexak kar awer pe. Uzypyrog wi uwyryk pà no.

Jeremias 5:22

Aiko Tupàn Tuweharupi Wiko Ma'e romo ihe. Màràzàwe tuwe napekyze kwaw ihewi. Màràzàwe tuwe naperyryryryz kwaw herenataromo. Ihe amono ywyxiguhu ywyzaw romo yryhu rehe ihe. Nupuner pixik kwaw hahaw paw rehe. Wikwahy yryhu. Nezewe rehe we nupuner kwaw hahaw paw rehe. 'Ykotok tyapu. Nuhem kwaw a'e wi wà.

Jonas 1:9

— Aiko Emerew romo ihe. Amuwete Tupàn Tuweharupi Wiko Ma'e ywak izar ihe. Uzapo yryhu a'e. Uzapo ywy a'e no, i'i wanupe.

2 Pedro 3:5

Heharaz Tupàn ikàgaw wi wà. Kwehe mehe Tupàn uze'eg a'e, ywak ywy iapo pà a'e. Heharaz iapo awer wi wà, ta'e heharaz wer izuwi wà xe. Tupàn uzapo ywy 'y pupe a'e, imuhem kar pà 'y wi a'e.

Apocalipse 10:6

Umume'u ma'e Tupàn her rehe a'e. (Tupàn wiko putar tuweharupi nehe, awyze har rupi nehe no. Izypy mehe uzapo ywak a'e. Uzapo ywak rehe har paw rupi a'e wà no. Uzapo ywy no, uzapo ywy rehe har paw rupi wà no. Uzapo yryhu no, uzapo yryhu rehe har paw rupi wà no.) — Na'iàrew kwaw kury, i'i a'e Tupàn heko haw pe har.