Gênesis 1:6 - Tupàn zeꞌeg

⁶ Na'e Tupàn i'i uzeupe. — Amuza'ak putar 'y ihe nehe kury, mokoz pehegwer romo iapo pà ihe nehe kury, i'i uzeupe.

Gênesis 1:6 ပူးပေါင်းရင်းမြစ်များ

Gênesis 1:14

Na'e Tupàn uze'eg wi kury. — Tuwe heta tatainy ywak rehe a'e wà nehe. Nezewe mehe 'ar uzawy putar ipytunaw nehe. Nezewe mehe teko ukwaw putar agwer ma'e ihemaw wà nehe: 'ar, kwarahy, àmàkyhaw, huwixàgaw, haku haw, mynykawhu, mai'u hawhu.

Gênesis 1:20

Na'e uze'eg wi Tupàn. — Tuwe 'y tynehem wikuwe ma'e 'y pe har pupe a'e nehe. Tuwe heta wiràmiri ywak rehe uwewe ma'e ywy rehe a'e wà nehe no, i'i.

Jó 26:13

Izupy haw pupe Tupàn umukatu ywak. Mozuhu uzàn izuwi. Opo pupe uzuka a'e moz.

Jó 37:11

Tupàn umynehem ywàkun 'y pupe. Na'e ywàkun omomor uweraw haw no.

Jó 37:18

Nanekàg kwaw ne. Aipo erepuner Tupàn ipytywà haw rehe ywak imuzaiko haw rehe ne, Imuàtà mehe ita imumew pyrer ài ne.

Salmos 104:2

Erezepyk tatainy pupe. Eremuapyk ywak neràpuzràn ài.

Salmos 148:4

Tuwe ywak ywate har umume'u ikatu haw nehe. Tuwe 'y ywak i'aromo har umume'u ikatu haw nehe.

Salmos 150:1

Pemume'u Tupàn Tuweharupi Wiko Ma'e ikatu haw nehe. Pemume'u Tupàn ikatu haw hàpuzuhu pupe nehe. Pemume'u ikàgaw ywak rehe hexak pyr nehe.

Salmos 19:1

Ywak umume'u Tupàn ikàgaw a'e, ipuràgaw a'e no. Umume'u hemiapo kwer no.

Salmos 19:2

Amo 'ar mehe umume'u a'e ma'e 'ar ur ma'e ràm pe no. Pyhaw ipytunaw umume'u amo ipytunaw pe no.

Salmos 33:6

Uze'eg Tupàn Tuweharupi Wiko Ma'e ywak iapo pà a'e. Umume'u wemimutar kwarahy iapo pà, zahy iapo pà no, zahytata iapo pà no.

Salmos 33:9

Ta'e uze'eg ywy iapo pà a'e xe. Umume'u ma'e paw wazexak kar àwàm. Na'arewahy ma'e paw uzexak kar a'e wà.

Eclesiastes 11:3

Ywàkun tynehem mehe ukyr àmàn. Ywyra upuner wyzài ywy pehegwer kutyr u'ar haw rehe a'e. U'ar ire upyta putar u'ar awer rehe nehe.

Isaías 40:22

Ma'e paw iapo har wapyk wenaw rehe ywate a'e. Muite ywy wi a'e. A'e rupi teko nuzawy kwaw tahyw izupe wà. A'e ae upupirar ywak pànuhu ài. Umuàgà'ym tàpuzràn ài weko àwàm romo.

Jeremias 10:10

Tupàn Tuweharupi Wiko Ma'e wiko Tupàn Azeharomoete har romo a'e. Wiko Tupàn Wikuwe Ma'e romo, Umàno 'Ym Ma'e romo no. Tupàn Tuweharupi Wiko Ma'e ikwahy mehe ywy uryryryryz a'e. Teko ywy rehe har nupuner kwaw ikwahy haw rehe wà.

Jeremias 51:15

Tupàn Tuweharupi Wiko Ma'e uzapo ywy upuner haw rupi. Uma'ekwaw paw rupi uzapo ywy. Uma'e kwaw katu haw rupi umuzaiko ywak tàpuzràn ài.

Zacarias 12:1

Na'aw Tupàn Tuweharupi Wiko Ma'e ize'eg Izaew wanehe xe kury. Tupàn Tuweharupi Wiko Ma'e ywak iapo har a'e, uzapo ywy a'e no, ma'e paw wamuikuwe kar pà a'e. Nezewe uze'eg kury.

2 Pedro 3:5

Heharaz Tupàn ikàgaw wi wà. Kwehe mehe Tupàn uze'eg a'e, ywak ywy iapo pà a'e. Heharaz iapo awer wi wà, ta'e heharaz wer izuwi wà xe. Tupàn uzapo ywy 'y pupe a'e, imuhem kar pà 'y wi a'e.