Gênesis 1:24 - Tupàn zeꞌeg

²⁴ Na'e Tupàn uze'eg wi a'e kury. — Tuwe ywy umuigo kar wikuwe ma'e hexakaw paw hereko har a'e wà nehe: ma'ea'yr tàpuznaw pe wiko ma'e wà, miar ka'a pe har wà, ma'e wie rehe wata ma'e wà. Tuwe wana'yr nuzawy kwaw u a'e wà nehe. Tuwe nuzawy kwaw uhy wà nehe. Uzeapo ma'e ize'eg rupi katete.

Gênesis 1:24 ပူးပေါင်းရင်းမြစ်များ

Gênesis 1:23

Upaw pytun oho. Iku'em kury. — 5 haw 'ar, i'i izupe.

Gênesis 2:19

Tupàn ywy iapo pawire kury, uzapo miar hehaite ma'e upaw rupi wà, wiràmiri paw wà no. Weraha wemiapo kwer a'e pe awa pe upaw rupi wà. — Emono waner wanupe upaw rupi nehe, i'i izupe. Omono awa waner wanupe upaw rupi. A'e waner imono pyrer wà, wiko waner azeharomoete har romo wà.

Gênesis 7:14

Miar tetea'u hexakaw paw hereko har wixe kanuhu pupe wanupi wà no: ma'ea'yr tàpuznaw pe har wà, miar ka'a pe har wà, wie rehe wata ma'e wà, wiràmiri wà.

Gênesis 8:19

Ma'ea'yr paw a'e wà no, wiràmiri a'e wà no, pitàitàigatu uhem oho kanuhu wi a'e wà no, uzezàwe har rupi a'e wà no.

Jó 39:1

Aipo erekwaw àràpuhàrànetea'yr hehaite ma'e wazexak kar haw 'ar. Aipo erexak arapuha kaiwer pe har izexak kar mehe.

Jó 39:19

Izo. Aipo ne kawaru eremuigo kar ikàg ma'e romo ne wà. Aipo eremupuràg eteahy kar kawaru iatuwa i'aw imono pà hehe.

Jó 39:5

Mo umuhem kar zumen hehaite ma'e wazar wi wà. Mo umuata kar wanemimutar rupi wà, wazar imono 'ym pà wanupe wà.

Jó 39:9

Aipo amo tapi'ak hehaite ma'e ima'ereko wer putar newe nehe. Aipo uker putar pyhaw nereimaw wapyta haw pupe pàrirogaw pupe.

Jó 40:15

Eme'e miaruhu meemot her ma'e rehe nehe. Uruapo ihe. Azapo meemot nezewegatete ihe no. U'u ka'api'i tapi'ak ài.

Salmos 104:18

Àràpuhàrànete hehaite ma'e wiko ywytyruhu apyr wà. Tapixi uzeàmim itahu kwar pupe wà.

Salmos 104:23

Na'e teko uma'ereko oho wà. Xo kwarahy heixe etea'i mehe upytu'u wà.

Salmos 148:10

Ma'ea'yr teko waneimaw wà, miar hehaite ma'e wà no, pemume'u Tupàn Tuweharupi Wiko Ma'e ikatu haw nehe. Wiràmiri wà, ma'e wie rehe ywy rehe wata ma'e wà, pemume'u Tupàn Tuweharupi Wiko Ma'e ikatu haw nehe.