Filipenses 3:1 - Tupàn zeꞌeg

¹ Herywyr wà. Amo ae ma'e amume'u putar peme ihe nehe kury. Tuwe Zanezar pemurywete kar a'e nehe. Amo 'ar mehe amume'u ma'e peme ihe. Amume'u wi putar a'e ma'e peme ihe nehe kury. A'e rupi pekwaw putar Tupàn ze'eg imume'u mua'u har pe wà nehe, pepyr wanur mehe pe wà nehe.

Filipenses 3:1 ပူးပေါင်းရင်းမြစ်များ

1 Crônicas 15:28

Nezewe mehe Izaew paw uzeupir Zeruzarez pe wà, Tupàn Ze'eg Hyru heraha pà urywete haw rupi uhapukaz pà wà, xi'àm ma'e'ak kwer ipy pà wà, xi'àm àràpuhàràn i'ak kwer ipy pà wà no, kawaw zàwenugar imupu pà wà no, wioràwiràn imupu pà wà no.

1 Crônicas 16:10

Penurywete her ikatuahy ma'e rehe nehe. Tuwe Tupàn Tuweharupi Wiko Ma'e imuwete katu har hurywete paw rupi wà nehe.

1 Crônicas 29:22

A'e 'ar mehe umai'u urywete haw tetea'u rehe wà, Tupàn henataromo wà. Ui'u urywete pà wà no. A'e re Tawi umume'u wi Xàrumàw tuwihawete romo heko haw kury. Na'e uzakook uri kawer Xàrumàw rehe uwihawete romo imuigo kar pà wà. Uzakook uri kawer Zanok rehe xaxeto romo imuigo kar pà wà no.

Neemias 8:10

Peho peneko haw pe zegar hawhu iapo pà nehe. Aze naheta kwaw ma'e zegar haw rehe har amo pe nehe, pemono penemi'u ràm ikurer izupe nehe. Pemono win ikurer izupe nehe no. Ko 'ar uzemonokatu Tupàn Zanezar pe. A'e rupi pezemumikahy zo nehe. Penurywete haw Tupàn Tuweharupi Wiko Ma'e hemimur ràm pemukàg kar putar a'e nehe, i'i wanupe wà.

Jó 22:26

Wiko putar nerurywete haw romo nehe. Erepuner putar hehe neme'e haw rehe nehe, hehe nezeruzar haw rehe nehe.

Salmos 149:2

O teko Izaew izuapyapyr wà, penurywete peapo arer rehe nehe. Penurywete penuwihawete rehe nehe, o teko Zeruzarez pe har wà.

Salmos 32:11

Pe ikatu ma'e paw rupi pe wà, penurywete nehe. Penurywete tuwe Tuweharupi Wiko Ma'e hemiapo kwer rehe nehe. Pe Tupàn heruzar har pe wà, pezegar penurywete romo nehe.

Salmos 33:1

Pe Tupàn heruzar har paw rupi pe wà, Penurywete Tupàn Tuweharupi Wiko Ma'e hemiapo kwer rehe nehe. Pe Tupàn heruzar har paw pe wà, pemume'u Tupàn ikatu haw nehe.

Salmos 37:4

Tuwe nerurywete Tupàn Tuweharupi Wiko Ma'e inuromo nehe. Umur putar neremimutar nepy'a pe har newe upaw rupi nehe.

Salmos 42:4

Hereko awer rehe hema'enukwaw mehe hahy hepy'a ihewe. Hema'enukwaw Tupàn Hàpuzuhu pe teko tetea'u wanupi heho awer rehe ihe. Aexak kar ureho àwàm teko wanupe. Uruata oroho ure paw rupi ure. Urerurywete oroho uruzegar pà Tupàn ikatu haw imume'u pà.

Salmos 5:11

Neruwake uzeàmim ma'e hurywete putar wà nehe. Uzegar putar tuweharupi urywete haw rehe wà nehe, ta'e ne erepyro ne wà xe. Hurywete neamutar katu har wà.

Salmos 97:1

Tupàn Tuweharupi Wiko Ma'e wiko tuwihawete romo a'e. Nerurywete nehe, ywy. Penurywete nehe, yrypypo'o yryhu rehe har wà.

Isaías 41:16

Pemomor putar ywate pe nehe. Ywytu weraha putar wà nehe. Ywytu ikàg wera'u ma'e umuhàmuhàz putar wà nehe. Na'e penurywete putar nehe, ta'e ihe Tupàn Tuweharupi Wiko Ma'e aiko pezar romo ihe xe. Hemuwete katu putar pe nehe. Aiko Tupàn Izaew wazar Ikatuahy Ma'e romo ihe.

Isaías 61:10

Zanerurywete putar nehe. Ximuzàg putar zegar haw Tupàn ikatu haw imume'u haw nehe, ta'e Tupàn Tuweharupi Wiko Ma'e Zanezar uzapo ikatuahy ma'e a'e xe. Umunehew kar purupyro haw zanewe kamir ài a'e. Umunehew kar zaneàmàtyry'ymar waneitykaw zanewe kamirpuku iànàm ma'e ài no. Zaiko awa hemireko ma'e ràm pàn ipuràg ma'e uwàkàg rehe har imunehew har ài zane. Zaiko kuzà imen ma'e ràm ita hekuzar katu ma'e pupe imupuràg eteahy pyrer ài no.

Isaías 65:14

Uzegar putar urywete romo wà nehe. Pekuhem putar pezemumikahy pà nehe. Pezai'o putar nehe. Pepy'a tynehem putar pezemumikahy haw pupe nehe.

Joel 2:23

Penurywete nehe, Zeruzarez pe har wà. Ta'e ihe Tupàn Tuweharupi Wiko Ma'e pezar ihe xe, azapo uhua'u ma'e ihe xe. Amugyr kar àmàn i'ar mehe katete ihe. Àmàn i'ar mehe amugyr kar ihe. Àmàn tetea'u kwehe arer zàwenugar amugyr putar nehe.

Sofonias 3:14

Teko Izaew wà. Pezegar Tupàn pe ikatu haw rehe nehe. Penurywete nehe, Zeruzarez pe har wà. Pemume'u Tupàn ikatu haw pepy'a pupe upaw rupi nehe.

Sofonias 3:17

Ta'e Tupàn Tuweharupi Wiko Ma'e pezar wiko penehe we a'e xe. Ikàg a'e. Pepyro putar nehe. Hurywete putar penehe nehe. Peamutar katu, a'e rupi umur putar peneko haw pyahu ma'e peme nehe. Uzegar putar Tupàn nehe. Hurywete putar nehe.

Zacarias 10:7

Awakwer Izaew rehe har ikàg putar zauxiapekwer wazàwe wà nehe. Hurywete putar win i'u har ài wà nehe no. Wazuapyapyr wenu putar a'e ma'e imume'u haw wà nehe. A'e mehe ikatu putar wanupe nehe. Hurywete putar wà nehe, heremiapo kwer rehe wà nehe. Ihe Tupàn Tuweharupi Wiko Ma'e azapo a'e ma'e ihe.

Mateus 5:12

Penurywete nehe ty wà, ta'e Tupàn omonokatu hekuzar ikatuahy ma'e peme a'e xe, ywate a'e xe. Kwehe mehe teko uzapo agwer ikatu 'ym ma'e Tupàn ze'eg imume'u har wanupe a'e wà, wanehe uze'eg zemueteahy pà a'e wà, ma'erahy ipuraraw kar pà wanupe a'e wà no. Hemu'em wanehe a'e wà.

Lucas 1:47

— Amume'u putar hezar ikàgaw ihe kury. Tupàn hepyro har hemurywete kar kwez a'e.

Romanos 5:11

Amo ma'e amume'u putar peme ihe kury. Zezuz Zaneruwihawete Zanezar a'e, zanemuigo kar Tupàn imyrypar romo a'e, a'e rupi zanerurywete Zezuz rehe kury, Tupàn rehe kury. Ximume'u wakatuahy haw zaha zaiko purupe zane kury.

2 Coríntios 13:11

Herywyr wà, zazur rihi. Pezeagaw ikatu 'ymaw wi petyrykaw rehe azeharomoete nehe. Peinu katu ko heze'eg nehe. Peruzar nehe. Pezeàmàtyry'ym zo nehe. Pezapo ikatu ma'e peho peiko pezeupeupe nehe. Tupàn a'e, puruamutar katu ma'e a'e, puràmàtyry'ym kar 'ymar a'e, wiko putar peinuromo a'e nehe.

Efésios 6:10

Xo hema'emume'u haw imumaw paw romo xe kury. Amume'u putar ko ma'e peme ihe nehe kury. Pemuzuapyr wiwi pekàgaw heraha hereko nehe, Zanezar inuromo nehe, ikàgaw inuromo nehe no.

Deuteronômio 12:18

Pe'u putar ma'ea'yr izuka pyrer ho'o kwer a'e pe henataromo nehe: pe, pena'yr wà, penazyr wà, peme uma'ereko e ma'e awa wà, peme uma'ereko e ma'e kuzà wà, Erewi izuapyapyr tawhu peneko haw pe wiko ma'e wà. Paw rupi hurywete putar wà nehe, ta'e Tupàn omono uze'egatu pema'ereko haw rehe a'e xe.

Deuteronômio 16:11

Pe, pena'yr wà no, penazyr wà no, peme uma'ereko e ma'e awa wà no, peme uma'ereko e ma'e kuzà wà no, teko tawhu peywy rehe har pupe wiko ma'e wà: Erewi izuapyapyr wà no, amo ywy rehe arer wà no, tu 'ym ma'e wà no, kuzà imen umàno ma'e kwer wà no, paw rupi uzapo putar mynykawhu urywete pà Tupàn henataromo taw umuwete haw romo hemixak kar kwer pe wà nehe.

Filipenses 3:3

Izypy mehe aze awa heko wer Tupàn hemiruze'eg romo a'e, omonohok kar upirera'i a'e. Ko 'ar rehe nan kwaw nezewe kury. Ko 'ar rehe aze ximuwete katu tuwe Tupàn zane nehe, zanepy'a pe zane nehe, a'e mehe zaiko putar hemiruze'eg romo zane nehe. Zaneruwihawete Zezuz umàno zanerekuzaromo. Zanerurywete a'e rupi zane, imàno awer imume'u pà teko wanupe zane. Nazapuner kwaw ma'e iapo haw rehe zanezepyro pà tatahu wi. Nazapuner kwaw nezewe zaneze'egaw rehe. — O, aze amonohok kar hepirera'i ihe nehe, Tupàn hepyro putar tatahu wi a'e nehe, nazapuner kwaw zane'e haw rehe kury.

Filipenses 4:4

Zanezar a'e, tuwe pemurywete kar a'e nehe, tuweharupi a'e nehe. — Penurywete nehe, a'e wiwi peme kury.

Filipenses 4:8

Upaw etea'i ko heze'eg ihe. Pema'enukwaw ikatuahy ma'e rehe tuweharupi nehe. — Ikatuahy a'e ma'e Tupàn pe a'e, aze i'i teko wà nehe, pema'enukwaw a'e ma'e rehe nehe. Pema'enukwaw ma'e azeharomoete har rehe nehe no, ma'e Tupàn pe uzemonokatu ma'e rehe nehe no, ikatu ma'e rehe nehe no, iaiw 'ym ma'e rehe nehe no, ipuràg eteahy ma'e rehe nehe no, iranaiwete 'ym ma'e rehe nehe no. A'e ma'e paw rehe pema'enukwaw nehe.

1 Tessalonicenses 4:1

Herywyr wà, hereinyr wà. Pepyr urereko mehe ikatuahy ma'e paw uruzapo kar peme ure. — Aze pezapo ikatu ma'e nehe, ureze'eg heruzar pà nehe, a'e mehe pemurywete kar putar Tupàn a'e nehe, uru'e peme. A'e rupi peruzar ureze'eg, Tupàn imurywete kar pà. Urenoz ko ma'e peme Zezuz Zanezar her rehe ure kury. -Pezapo wiwi ikatu ma'e peho peiko nehe kury, uru'e peme kury.

1 Tessalonicenses 5:16

Penurywete tuweharupi nehe no.

Tiago 1:2

Herywyr wà, hereinyr wà. Aze pepuraraw ma'erahy nehe, wyzài ma'erahy nehe, aze uzeruzar 'ym ma'e uzapo wyzài ikatu 'ym ma'e peme wà nehe, penurywete nehe.

1 Pedro 3:8

Tuwe pitài zo pema'enukwaw paw nehe, penemigwaw nehe no. Pezeamutamutar katu nehe. Peiko imu'e katu pyrer romo nehe, pepuruzukaiw zo amo wanupe nehe.

1 Pedro 4:13

Penurywete ipuraraw mehe nehe. Ta'e Zaneruwihawete upuraraw ma'erahy kwehe mehe a'e no xe. Aze pemyrypar ima'uhez nehe, pemono putar penemi'u kurer izupe nehe. Nezewegatete pepuraraw ma'erahy peiko Zezuz zàwegatete no. Ta'e upyta ma'erahy ipuraraw pyr peme xe. Ta'e peiko hemiruze'eg romo xe. Penurywete nehe, a'e mehe, aze wexak kar ukàgaw upuràg eteahy haw purupe nehe, penurywete putar azeharomoete nehe.

2 Pedro 3:1

Hemyrypar heremiamutar wà. Kwehe mehe amono kar hepape ipy peme ihe. Amo hepape amono kar putar peme ihe nehe kury. Amono kar hepape peme ihe, ta'e hepurumuma'enukwaw kar wer penehe ihe xe, ikatuahy ma'e rehe pemuma'enukwaw kar pà ihe xe.

1 Samuel 2:1

Na'e Àn uze'eg Tupàn pe kury. — Tupàn Tuweharupi Wiko Ma'e umynehem hepy'a herurywete haw pupe a'e. Apuner heata haw rehe amogwer wanuwake ihe kury, ta'e uzapo a'e ikatu ma'e ihewe a'e 'y. Apuka iteko heàmàtyry'ymar wanehe. Herurywete tuwe no. Ta'e Tupàn hepytywà a'e 'y.