Ezequiel 7:7 - Tupàn zeꞌeg

⁷ Pe ko ywy rehe har, iahykaw uhem iko peme kury. Uhem amo 'ar iko. A'e 'ar mehe puruzeàmimaw ywytyruhu pe har pe napezapo kwaw mynykaw nehe. Xo xiroxiroahy haw heta putar nehe.

Ezequiel 7:7 ပူးပေါင်းရင်းမြစ်များ

Gênesis 19:15

Izi'itahy iku'egwer pe a'e Tupàn heko haw pe har uze'egahy wiwi Iro pe wà kury. — Ezemuàgà'ym tàrityka'i kury ty, epyhyk neremireko nehe, epyhyk nerazyr ne wà nehe no. Pehem peho xe wi nehe kury. Nezewe mehe napemàno kwaw tawhu imumaw mehe nehe, i'i izupe wà.

Gênesis 19:24

Na'e, tàrityka'i, ywak rehe Tupàn Tuweharupi Wiko Ma'e umugyr kar tata Xotom tawhu rehe a'e kury, Komor tawhu rehe a'e no. (Umugyr kar ita izu ma'e ukaz ma'e enixo her ma'e hehe a'e no.)

Isaías 13:22

Zawar hehaite ma'e ien her ma'e wà nehe, awara wà nehe no, Uze'eg putar tàpuzaiha pupe wà nehe, tàpuzuhu pupe wà nehe no. Mawiron i'ar uhem wà iko. Na'iàrew kwaw kury, i'i Tupàn Tuweharupi Wiko Ma'e.

Isaías 16:10

Turywete haw ukàzym oho ywy katu wi. Naheta kwaw turywete haw rehe zegar haw uwà tyw pe kury. Ni amo nupyrog kwaw uwà rehe itykwer iapo pà wà kury. Tupàn umumaw turywete haw rehe tehapukaz haw kury.

Isaías 17:14

Kwarahy heixe mehe upurumukyze kar wà, ku'em mehe nuikuwe kwaw wà kury. Ukàzym wà. Zaneàmàtyry'ymar wiko putar nezewe a'e wà nehe. Ko 'ar rehe umuaiw zaneywy hereko wà. Weraha zanema'e paw zanewi wà no.

Isaías 22:5

Zanezar Tupàn Ikàg Wera'u Ma'e uremono kar a'e 'ar mehe a'e. Teko ukyze tuwe ma'e wi a'e 'ar mehe wà. Nukwaw kwaw wemiapo ràm wà. Umàno zauxiapekwer tetea'u ywyàpyznaw Ipuahu Zàwenugar Hexak Awer her ma'e rehe wà. Weityk pàrirogaw iaiha ma'e tawhu izywyr har uhem àwàm iapo pà wà. Tawhu pe har wanehapukaz uzenu ywytyruhu rehe upytywà àwàm henoz e pà wà.

Jeremias 20:7

O Tupàn Tuweharupi Wiko Ma'e, neremu'em ihewe. Azeruzar neremu'em awer rehe. Nekàg wera'u ihewi. Ereiko hezar romo. Teko paw upuka herehe wà. Umumaw u'ar paw herehe uze'eg urywahyahy pà wà.

Jeremias 50:27

Pezuka zauxiapekwer a'e pe har paw rupi pe wà nehe. Mawiron pe har uzemumikahy putar wà nehe. Uhem wanehe hezepyk àwàm 'ar kwez kury.

Ezequiel 12:28

A'e rupi emume'u ko heze'eg wanupe nehe. — Na'iàrew kwaw kury. Uzeapo putar heremimume'u kwer nehe kury. Ihe Tupàn Tuweharupi Wiko Ma'e aze'eg kwez kury, ere wanupe nehe.

Ezequiel 30:3

Uhem a'e 'ar iko. Tupàn Tuweharupi Wiko Ma'e uzapo putar ma'e a'e 'ar mehe nehe. Heta putar ywàkun a'e 'ar mehe nehe. Heta putar zepykaw ywy nànànar wanupe nehe no.

Ezequiel 7:12

Uhem amo 'ar iko. Na'iàrew kwaw kury. A'e 'ar mehe teko ume'eg e ma'e wà nehe, ume'eg kar e ma'e wà nehe no. Ta'e Tupàn Tuweharupi Wiko Ma'e ikwahy haw u'ar wanehe paw rupi nehe xe, ikàg ma'e wanehe nehe, ikàg 'ym ma'e wanehe nehe no.

Joel 1:15

Kwa. Tupàn Tuweharupi Wiko Ma'e i'ar uhem wà iko. A'e 'ar mehe Tupàn Ikàg Wera'u Ma'e werur putar ma'emumaw haw nehe. Teko ukyze katu putar a'e 'ar mehe nehe.

Amós 4:13

Tupàn uzapo ywytyr paw a'e. Umur kar ywytu a'e no. Umume'u wemiapo ràm teko wanupe. Umupytun kar 'ar a'e. Wata ywytyruhu 'aromo. Zanezar Tupàn Tuweharupi Wiko Ma'e ikàg wera'u ma'e her romo a'e.

1 Pedro 4:17

Teko wanemiapo kwer imume'u haw 'ar uhem etea'i kury. Tupàn umume'u putar uzeruzar ma'e wanemiapo kwer a'e nehe. A'e re umume'u putar uze'eg puràg rehe uzeruzar 'ym ma'e wanemiapo kwer a'e nehe no. Uzepyk putar tuwe wanehe nehe. Xipuraraw ma'erahy zaiko kury. Uzeruzar 'ym ma'e upuraraw wera'u putar ma'erahy amo ae 'ar mehe a'e wà nehe.