Ezequiel 39:3 - Tupàn zeꞌeg

³ Na'e azo'ok putar izywyrapar ipo ahurehe har wi nehe. Azo'ok putar u'yw ipo awyze har wi nehe no.

Ezequiel 39:3 ပူးပေါင်းရင်းမြစ်များ

Salmos 46:10

Uze'eg nezewe teko wanupe. — Pepytu'u pezeàmàtyry'ym ire nehe. Pekwaw Tupàn romo hereko haw nehe. Aiko teko ywy nànànar wanuwihawete romo. Aiko ywy nànànar wazar romo no.

Salmos 46:9

Umumaw zeàmàtyry'ymawhu ywy nànànar nehe. Uzuhaw ywyrapar paw. Purukutukaw uzeaikaikaw no. Wapy u'yw wi purumimaw tata pupe no.

Salmos 76:3

Tupàn uzuhazuhaw wàmàtyry'ymar wapuruzuka haw paw a'e pe a'e: U'yw wà, u'yw wi purumimaw wà, takihepuku wà.

Salmos 76:4

Nekàgatu tuwe nereiny romo, o Tupàn. Nekatuahy tuwe ywytyruhu wi nezewyr mehe. Ereityk neàmàtyry'ymar a'e ywytyruhu rehe ne wà.

Ezequiel 30:21

— Awa ta'yr, Azuhaw pitài Ezit ywy rehe har wanuwihawete izywa ihe. Ni amo nuzàpixipixi kwaw izywa wà. Nomono kwaw munehepaw pupe imukatu pà imukàg kar pà wà. Nezewe mehe nupuner kwaw takihepuku pupe puruzuka haw rehe kury.

Ezequiel 39:2

Aruwak putar iata mehe ihe nehe, kwarahy heixe haw awyze har kutyr har wi herur pà nehe. Te uhem putar ywytyruhu Izaew rehe har pe nehe.

Oséias 1:5

Amumaw putar zauxiapekwer Izaew wainuinuromo har ywyàpyznaw Zereew her ma'e pe upaw rupi katete ihe wà nehe no. Amumaw putar wakàgaw nehe.

Amós 2:15

Awa ywyra par hereko har a'e wà, u'yw hereko har a'e wà, nuzuka kwaw wàmàtyry'ymar a'e wà nehe. Upy rehe uzàn ma'e nuzepyro kwaw wà nehe. Kawaru ku'az rehe uzàn ma'e nuzepyro kwaw wà nehe. Umàno putar wà nehe.