Ezequiel 15:4 - Tupàn zeꞌeg

⁴ Nan. Xo zepe'aw romo zo ikatu. Iapyr ukaz tanimuk romo. I'yw ukaz no. Aipo ikatu a'e mehe.

Ezequiel 15:4 ပူးပေါင်းရင်းမြစ်များ

Salmos 80:16

Ureàmàtyry'ymar omonohok hapy pà tata pupe wà. Nekwahy haw rupi eme'e a'e teko wanehe wamumaw pà nehe.

Isaías 1:31

Teko upuner ma'e nuzawy kwaw ka'a uxinig ma'e wà. Wanemiapo kwer nuzawy kwaw tata pirik ma'e. Tata umumaw putar a'e upuner ma'e a'e wà nehe, wanemiapo kwer inuinuromo a'e wà nehe. Naheta kwaw wapyro àràm wanupe wà nehe.

Isaías 27:11

Ywyràkà uxinig upeupen pà. Kuzà omono'og heraha zepe'aw romo wà. Ko teko nukwaw kwaw ma'e wà. A'e rupi Tupàn zaneapo arer nupuhareko kwaw wà nehe. Uzepyk putar tuwe wanehe nehe.

Ezequiel 15:3

Aipo erepuner uwà 'yw ima'e haw rehe amo ikatu ma'e romo iapo haw rehe. Aipo i'yw tàtà. Aipo erepuner kamir imuzaiko haw iapo haw rehe a'e ywyra ikixi pà.

Ezequiel 15:5

Nan. Hapy 'ym mehe i'yw na'ikatu kwaw. Tata pupe ukaz paw rupi kury. Azeharomoete iaiw ikaz pawire kury.

Ezequiel 15:6

A'e ma'e imume'u mehe pezar Tuweharupi Wiko Ma'e wexak kar amo ma'e peme. — Teko omonohok uwà 'yw ka'a wi heraha pà hapy pà wà. Nezewegatete Azo'ok putar teko Zeruzarez pe wiko ma'e ihe wà nehe,

Ezequiel 19:14

I'yw ukaz. Tata umumaw hàkàgwer uwà rehe we. Hàkà na'ikàg wi pixik kwaw nehe. Nuzeapo pixik kwaw tuwihawete pokokaw romo nehe. Teko umuzàg tetea'u a'e zegar haw uzemumikahy haw hexak kar haw wà.

Amós 4:11

Amumaw tawhu Xotom kwehe mehe ihe. Amumaw tawhu Komor kwehe mehe ihe no. Amumaw amo tawhu peiwy rehe har nezewegatete no. Amo pepyro zepykaw wi ywyra hàkàgwer tata wi ikaz paw etea'i mehe ipyro pyrer ài. Nezewe rehe we napezewyr kwaw ihewe.

Malaquias 4:1

Uze'eg wi Tupàn Ikàg Wera'u Ma'e kury. — Uhem putar amo 'ar nehe. A'e 'ar mehe wiko wera'u ma'e paw a'e wà nehe, ikatu 'ym ma'e paw a'e wà nehe no, ukaz putar ka'akyr tata pupe ukaz paw ma'e ài a'e wà nehe. Ukaz putar a'e 'ar mehe wà nehe. Upaw putar wà nehe.

Mateus 3:12

— Yrypemutu opo pe hereko har umuwewe aroz apirer heityk pà izuwi a'e. Omono'og aroz hyru pupe. Wapy iapirer tata pupe. Heraikweromo ur ma'e ràm wiko a'e yrypemutu hereko har zàwenugar romo a'e. (Uzeruzar ma'e a'e wà, aroz ài wanekon a'e wà. Omono kar putar Tupàn pyr a'e wà nehe. Uzeruzar 'ym ma'e a'e wà, iapirer ài wanekon a'e wà. Omono kar putar tatahu pe a'e wà nehe, a'e tata uwew 'ym ma'e pupe a'e wà nehe, i'i Zuàw a'e, a'e ze'eg kwehe arer kwaw par wanupe a'e).

João 15:6

Aze amo upytu'u heremiruze'eg romo wiko re nehe, hàkàgwer i'ok pyrer ài hekon putar a'e nehe. Uxinig putar nehe. Hehe uzekaiw ma'e omono'og putar agwer hàkàgwer uxinig ma'e kwer a'e nehe, tata pupe hapy pà a'e nehe.

Hebreus 12:29

Ta'e Zanezar Tupàn a'e xe, tata uhua'u ma'e ài hekon a'e xe, ma'e hapy har ài hekon a'e xe. Aze tata uhua'u ma'e wapy ma'e nehe, a'e ma'e ukaz paw putar nehe. Nezewegatete Tupàn uzepyk putar tuwe wemiruze'eg 'ym wanehe nehe.

Hebreus 6:8

Aze xu itua'u nehe, aze heta tetea'u ka'akyr nehe, upyk putar ma'e itym pyrer nehe. Na'ikatu kwaw itym arer pe nehe. Nezewegatete, aze uzeruzar ma'e oho tuwe waiko Tupàn hape rupi wà nehe, upytu'u 'ym pà wà nehe, a'e mehe Tupàn hurywete putar nehe. Aze upytu'u uzeruzar ire wà nehe, na'ikatu kwaw Tupàn pe wà nehe. A'e ko zar umunyk putar tata xu rehe nehe. Nezewegatete Tupàn omono kar putar uzeruzar 'ym ma'e tatahu pe wà nehe.