Êxodo 7:20 - Tupàn zeꞌeg

²⁰ Moizez a'e, Àràw a'e no, uzapo tuwe Tupàn hemiapo karer a'e wà kury. Upir Àràw ywyra opokokaw Parao henataromo, tuwihawete rehe we har wanenataromo no. Unupà Niru yrykaw kury. 'Y paw uzeapo ma'eruwy kwer romo.

Êxodo 7:20 ပူးပေါင်းရင်းမြစ်များ

2 Reis 4:29

Uwak Erizew Zeazi pe uze'eg pà. — Ezemuàgà'ym ty. Epyhyk ywyra hepokokaw kury. Eho kury. Epytu'u zo teko neremiàxi ràm pe neze'eg pà nehe. Aze amo uze'eg newe nehe, epytu'u zo izupe neze'eg pà nehe. Eho kwarer pe nepytu'u 'ym pà nehe. Emono ywyra hepokokaw hetekwer 'ar romo nehe, i'i izupe.

Salmos 105:29

Yrykawhu uzapo ma'eruwy kwer romo. Uzuka pira paw wà.

Salmos 78:44

Uzapo 'y yrykawhu pe har tuwykwer romo. Nezewe mehe naheta kwaw 'y i'u pyr Ezit ywy rehe har wanupe.

Êxodo 4:9

— Aze nuzeruzar kwaw a'e mokoz neremiapo ràm rehe wà nehe, aze na'ipuruenu wer kwaw neze'eg rehe wà nehe, enuhem 'y yrykawhu Niru her ma'e wi nehe, ezakook a'e 'y ywyxinig rehe nehe. A'e 'y yrykawhu wi henuhem pyràm uzeapo putar ma'eruwy kwer romo ywy rehe nehe, i'i izupe.

Êxodo 7:10

A'e rupi oho Moizez Parao pe Àràw rupi kury. Uzapo Tupàn Tuweharupi Wiko Ma'e hemiapo kar kury. Weityk Àràw opokokaw ywy rehe Parao henataromo amogwer tuwihaw wanenataromo kury. Moz romo uzeapo kury.

Êxodo 7:21

Ipira Niru pe har umàno wà. Yrykawhu inemahy kury. A'e rupi Ezit ywy rehe har nupuner kwaw i'y pupe uwi'u haw rehe wà. Heta tetea'u ma'eruwy kwer Ezit ywy nànàn kury.

Êxodo 7:6

Moizez a'e, Àràw a'e no, weruzar katu Tupàn ze'eg a'e wà.

Habacuque 3:8

Aipo erekwahy yrykawhu wanupe, Tupàn Tuweharupi Wiko Ma'e. Aipo erekwahy yryhu wanupe. Aipo a'e rupi erezur nereimaw kawaru waku'az wà. Aipo a'e rupi erezur neàmàtyry'ymar waneityk arer romo ywyramawa pupe.

Apocalipse 8:8

Na'e amo Tupàn heko haw pe har upy uxi'àm a'e kury. Na'e ywy pehegwer uhua'u ma'e ywytyr zàwenugar ukaz ma'e a'e kury, u'ar kwaw pà yryhu pupe a'e kury. Yryhu iaikwer uzeapo ma'e huwykwer romo kury.