Êxodo 40:9 - Tupàn zeꞌeg

⁹ Na'e epyhyk uri kawer xaxeto romo purumuigo kar ma'e nehe. Ezakook a'e uri kawer heràpuzràn rehe nehe, ipupe har wanehe paw rupi nehe no. Nezewe mehe emurkatu a'e ma'e paw ihewe nehe, imukatuahy pà ihewe nehe.

Êxodo 40:9 ပူးပေါင်းရင်းမြစ်များ

Salmos 45:7

Erezamutar katu ikatu haw ne. Naneakatuwawahy kwaw ikatu 'ymaw rehe. A'e rupi Tupàn nezar nerexak tuwihawete romo nemuigo kar pà a'e. Nemurywete kar tuwe tuweharupi. Nerurywete wera'u amogwer tuwihawete wanuwi upaw rupi ne.

Êxodo 37:29

A'e re uzapo Mezarew a'e uri kawer Tupàn pe imonokatu pyr xaxeto wanehe izuhen pyràm. Uzapo yhyk kàpuhàg hyàkwegatu ma'e inuromo har Tupàn henataromo hapy pyràm no.

Êxodo 39:39

Weraha itazu morog ipei'ài'àg pyrer iparipari ma'e iapo pyrer izupe wà no. Weraha ihàm izupe wà no, hehe har paw wà no. Weraha zapepopewhu izupe wà, hetymà wà no.

Êxodo 40:8

A'e re emupu'àm tàpuz izywyr katu haw heràpuzràn izywyr nehe. Emuzaiko pànuhu tàpuz izywyr katu haw hukenaw rehe nehe.

Isaías 11:2

Tupàn Tuweharupi Wiko Ma'e Hekwe wiko putar hehe we nehe. Ukwaw katu kar putar ma'e izupe nehe. Uzapo kar putar ma'e izupe nehe. Omono putar ukàgaw izupe nehe no. Ukyze putar Tupàn Tuweharupi Wiko Ma'e wi nehe. Ukwaw putar hemiapo putar haw nehe no.

Isaías 61:1

Tupàn Tuweharupi Wiko Ma'e umur wekwe ihewe a'e. Herexak uze'eg ikatu ma'e purupe heraha kar pà ihewe. — Eraha hemetarer 'ym ma'e wanupe nehe, i'i ihewe. Hemono kar ma'erahy ipuraraw par wamurywete kar pà ihewe. — Emume'u imunehew pyrer wamuhem kar àwàm eho purupe nehe. Emume'u zemunehew paw pe har wamuhem kar àwàm wanupe nehe no, i'i ihewe.

Ezequiel 28:14

Urumuigo kar herekuwe haw pe har purupyro katu har upepozaz ma'e zàwenugar romo. Ereiko heywytyr ikatuahy ma'e rehe. Ereata ita hekuzar katu ma'e heny katu ma'e inuinuromo.

Levítico 8:10

Na'e Moizez upyhyk uri kawer Tupàn pe iapo katu pyrer kury. Uzakook tàpuzràn Tupàn pe imonokatu pyrer rehe. Uzakook ipupe har nànàn no. Nezewe mehe omonokatu a'e ma'e paw Tupàn imuwete haw pe.

Números 7:1

Moizez umumaw tàpuzràn Tupàn pe imonokatu pyrer imuàgà'ymaw. A'e 'ar mehe we uzakook uri kawer hehe Tupàn ima'ereko haw pe imonokatu pà. Omonokatu tàpuzràn pupe har izupe paw rupi. Omonokatu ma'ea'yr hapy haw rehe har paw izupe no.

Mateus 3:16

Na'e Zezuz uzemuzahazahak kar Zuàw pe kury. Uzemuzahazahak kar ire, uhem wà 'y wi kury. A'e 'ar mehe we ywak uzewàpytymawok i'aromo kury. Tupàn Hekwe wezyw pykahu ài wà hehe a'e. Wapyk wà hehe. Zuàw wexak iwezyw mehe.

João 3:34

Zezuz a'e, Tupàn hemimur kar romo hekon a'e. Umume'u Tupàn ze'eg oho iko purupe a'e kury, ta'e Tupàn umur tuwe wekwe ipy'a pe a'e xe.

2 Coríntios 1:22

— Peiko heremiruze'eg romo kury, i'i zanewe. A'e rupi — Tupàn hemiruze'eg romo wanekon a'e wà, i'i teko zanewe wà. Umur Wekwe Puràg zanepy'a pe a'e. A'e rupi — Uzapo putar ikatuahy ma'e tetea'u a'e nehe, za'e izupe kury. Xikwaw ikatuahy ma'e tetea'u hemiapo ràm zane kury.

2 Coríntios 1:4

Tupàn hemiruze'eg 'ym upuraraw kar ma'erahy waiko zanewe a'e wà, ta'e zazeruzar Zezuz rehe zane xe. Tuweharupi Tupàn zanepytywàgatu a'e. Aze ma'e na'ikatuahy kwaw zanewe nehe, aze xipuraraw ma'erahy kwer nehe, tuweharupi zanepytywàgatu putar a'e nehe. A'e rupi zapuner amogwer uzeruzar ma'e wapytywà haw rehe zane nehe no, aze upuraraw ma'erahy a'e wà nehe no, ta'e nezewegatete Tupàn zanepytywàgatu a'e no xe.

Hebreus 9:21

Nezewegatete Moizez umupiripirik ma'eruwy kwer a'e tàpuzràn rehe no, ma'e ipupe har wanehe no. Teko umuwete katu Tupàn a'e wà, a'e ma'e rehe ma'e huwykwer imupiripirikaw rehe a'e wà.

1 João 2:20

Zaneruwihawete umur Wekwe Puràg peme a'e, imuigo kar pà pepy'a pe a'e. A'e rupi pe paw rupi pe kury, pekwaw katu ze'eg azeharomoete har pe kury.