Êxodo 39:40 - Tupàn zeꞌeg

⁴⁰ Weraha pànuhu tàpuz izywyr ikatu haw pe har izupe wà no, wa'yw wà no, wapy wà no. Weraha pànuhu tàpuz izywyr ikatu haw ukenaw rehe har izupe wà, ihàm wanehe we wà no. Weraha tàpuzràn i'yw wà, ma'e ipupe àràm paw wà no.

Êxodo 39:40 ပူးပေါင်းရင်းမြစ်များ

Êxodo 39:39

Weraha itazu morog ipei'ài'àg pyrer iparipari ma'e iapo pyrer izupe wà no. Weraha ihàm izupe wà no, hehe har paw wà no. Weraha zapepopewhu izupe wà, hetymà wà no.

Êxodo 39:41

Weraha kamirpuku ipuràg eteahy ma'e xaxeto wanemimunehew Tupàn Henaw Ikatuahy Ma'e pupe àràm wà, kamirpuku Àràw hemimunehew ràm ta'yr wanemimunehew ràm wà no.

Isaías 54:2

Emuhua'u neràpuzràn nehe. Ezapo nereko haw uhua'u wera'u ma'e romo nehe. Nerekyty'ym zo iapo mehe nehe. Emupukua'u kar neràpuzràn ihàm nehe, emonoete kar izyta nehe no.