Êxodo 39:26 - Tupàn zeꞌeg

²⁶ Umupuràg eteahy kar a'e iaxi'i ipykaw heme'ywyr wà. Nezewe haw uzapo wà. Uzàpixi pitài itamaraka'i wà. Umuwywyk pitài ma'e'a hagapaw wà. Uzàpixi pitài itamaraka wà. Umuwywyk pitài ma'e'a hagapaw wà. Uzapo nezewe paw rupi wà, ta'e Tupàn Tuweharupi Wiko Ma'e uzapo kar nezewe haw Moizez pe a'e xe.

Êxodo 39:26 ပူးပေါင်းရင်းမြစ်များ

Êxodo 28:33

Emono'og inemo àràpuhàràn hawitu ma'e hawer iapo pyrer nehe: huwy ma'e, ipuwy ma'e, ipiràg ma'e. Ezapo ma'e'a homà her ma'e hagapaw a'e inemo pupe nehe. Emuwywyk a'e hagapaw xaxeto iaxi'i ipykaw iahykaw rehe nehe. Emomog maraka'i or iapo pyrer mokoz homà wamytepe pitàitàigatu ne wà nehe.

Êxodo 39:25

Uzapo itamaraka pixika'i ma'e wà no. Uzàpixi a'e itamaraka pixika'i ma'e iaxi'i ipykaw heme'y rehe wà. Uzàpixi pitài itamaraka wà. Uzàpixi pitài ma'e'a hagapaw huwake wà. A'e re uzàpixi amo itamaraka wà. A'e re uzàpixi amo ma'e'a hagapaw wà no.

Êxodo 39:27

Uzapo kamirpuku tunik her ma'e Àràw pe ta'yr wanupe wà.

Cânticos dos Cânticos 4:13

A'e ma'etymaw rehe hezuz katu ma'e. Aiha katu homà tyw ài. I'a katu. I'a kwer ikatu wera'u amo wanuwi wà. Heta ka'akyr hyàkwegatu ma'e ena her ma'e a'e pe. Heta narono kàpuhàg zàwenugar romo iapo pyr a'e pe no.

Cânticos dos Cânticos 4:3

Nereme nuzawy kwaw pàn pegwera'i imupuku pyrer ipiràg ma'e. Nezuru ipuràg eteahy. Neruwa nuzawy kwaw imuma'e pyrer heny katu ma'e pàn imimaw ikupe kutyr.

Cânticos dos Cânticos 6:7

Neruwa imuma'ema'e pyrer heny katu pàn neruwa ipykaw ikupe kutyr.

Mateus 9:20

Amo kuzà a'e pe hekon Zezuz hemimu'e wapyr a'e. Umumaw 12 kwarahy uma'eahy pà. Huwy e ma'e romo hekon a'e. Na'e uhem wà Zezuz haikweromo kury.

Deuteronômio 22:12

Emomog imuzaiko pyr nekamir i'aromo har rehe 4 iàpixipixi haw wanehe nehe.