Êxodo 28:18 - Tupàn zeꞌeg

¹⁸ Imuzehyiroirogatu haw mokoz haw rehe ezomog na'iruz ita nehe: emeraw her ma'e, xapir her ma'e, niàmàn her ma'e.

Êxodo 28:18 ပူးပေါင်းရင်းမြစ်များ

Jó 28:16

Aze teko omono'og or ikatu wera'u ma'e wà, nezewe rehe we nupuner kwaw ma'e kwaw katu haw ime'eg kar haw rehe wà. Aze omono'og ita hekuzar katu ma'e wà: agata her ma'e, xapir her ma'e, nezewe rehe we nupuner kwaw ime'eg kar haw rehe wà.

Jó 28:6

Heta ita hekuzar katu ma'e xapir her ma'e a'e itahu pupe. Teko wexak or ywyku'i inuinuromo wà no.

Êxodo 24:10

Wexak Tupàn Izaew wazar wà. Itapew xapir her ma'e zàwenugar Tupàn ipy iwy pe tuz. A'e itapew huwy ywak ài.

Êxodo 28:17

Ezomog ita hekuzar katu ma'e hehe 4 imuzehyiroirogatu haw iapo pà hehe nehe. Imuzehyiroirogatu haw ipy rehe ezomog na'iruz ita nehe: humi her ma'e, topaz her ma'e, karanaz her ma'e.

Êxodo 28:19

Imuzehyiroirogatu haw na'iruz haw rehe ezomog na'iruz ita nehe: turukez her ma'e, agata her ma'e, amexi her ma'e.

Êxodo 39:11

Imuzehyrogatu haw mokoz haw rehe omomog amo na'iruz ita wà: emeraw, xapir, niàmà.

Cânticos dos Cânticos 5:14

Nepo iapo pyrer ikatuahy a'e. Eremupuràg nepo kwàku'aw har or iapo pyrer pupe. Ita hekuzar katu ma'e ipuràg ma'e pupe no. Neku'aw nuzawy kwaw marupi her ma'e imuhygatu pyrer. Ita xapir her ma'e upyk neku'aw har wà.

Jeremias 17:1

Uze'eg wi Tupàn Tuweharupi Wiko Ma'e kury. — Teko Zuta ywy rehe har wà, pemuapyk penemiapo kwer ikatu 'ym ma'e kair haw itaper iapo pyrer hakwa katu ma'e pupe. Pemuapyk ita hakwa katu ma'e tàtàahy ma'e niàmà her ma'e pupe pepy'a pe. Pemuapyk pema'ea'yr hapy haw hakwa iapyr wà no.

Ezequiel 1:26

Ipykaw iapar ma'e i'aromo heta amo tuwihaw henaw zàwenugar ita xapir iapo pyrer. Amo teko zàwenugar wapyk hehe a'e.

Ezequiel 10:1

Ame'e ma'ea'yr ipepo ma'e wamimaw iapar ma'e rehe ihe kury. Amo ma'e heta wa'aromo. Nuzawy kwaw tuwihawete henaw ita xapir iapo pyrer.

Ezequiel 27:16

Teko Xir ywy rehe har ume'eg kar nema'e tetea'u wà no, neremiapo kwer tetea'u wà no. Omono ma'e newe hekuzaromo wà: ita hekuzar katu ma'e huwyahy ma'e emeraw her ma'e, pàn ipihun wewer ma'e, pàn imuma'ema'e pyrer, pàn irin ikatuahy ma'e, ita koraw her ma'e, ita hekuzar katu ma'e humi her ma'e.

Ezequiel 28:13

Ereiko zepe En Tupàn ima'etymaw pupe. Erezemupuràg ita hekuzar katu ma'e tetea'u pupe: humi, niàmàn, topaz, meriw, onik, zaz, xapir, emeraw, karanaz. Neapo haw 'ar mehe erereko ita hekuzar katu ma'e ne. Amo uma'ema'e or a'e nemupuràgaw iapo pà newe wà.

Apocalipse 4:3

Huwa uhyape katu ita zaz her ma'e ài a'e, ita xaton her ma'e ài a'e no. Zanurape tuwihaw henaw huwake hin a'e. Zanurape heny katu ita huwyahy ma'e emeraw her ma'e ài a'e.