Êxodo 19:20 - Tupàn zeꞌeg

²⁰ Uwezyw Tupàn Tuweharupi Wiko Ma'e wà ywytyr Xinaz iapyr kury. Wenoz Moizez uzeupe, — Ezur ywytyr apyr kury, u'e pà izupe. A'e rupi uzeupir Moizez.

Êxodo 19:20 ပူးပေါင်းရင်းမြစ်များ

1 Reis 19:11

— Ehem eho xe wi herenataromo ywytyr rehe nepu'àm pà nehe kury, i'i Tupàn Tuweharupi Wiko Ma'e izupe. Na'e Tupàn ukwaw a'e rupi kury. Umur kar amo ywytuaiw ikàg ma'e. Ywytuaiw omonohok ywytyra'i a'e. Omowok ita, pehegwer tetea'u romo iapo pà no. Tupàn Tuweharupi Wiko Ma'e nuiko kwaw ywytu rehe. Ywytuaiw ipytu'u mehe ywy uryryryryz kury. Tupàn Tuweharupi Wiko Ma'e nuiko kwaw ywy iryryryryz haw rehe no.

Neemias 9:13

Erewezyw ywak wi Xinaz ywytyr rehe. Ereze'eg neremiaihu wanupe. Eremono neze'eg ikatu ma'e wanupe. Eremono purumu'e haw azeharomoete har wanupe no.

Salmos 81:7

Ma'erahy ipuraraw mehe herenoz pe pe. Ihe apupyro ihe. Ywytuaiw pupe hezeàmimaw pe hereko mehe Awazar peze'eg peme. Apuagaw ytyzuzàmaw Merima her ma'e pe ihe.

Êxodo 19:11

Tuwe wazemuàgà'ymaw uhyk putar wanupe pyhegwepe paw rupi nehe. Ta'e a'e 'ar mehe awezyw putar aha ywytyr Xinaz rehe ihe nehe, teko nànàn hezexak kar pà wanupe ihe nehe.

Êxodo 19:3

Na'e Moizez uzeupir oho ywytyr rehe Tupàn huwàxi pà kury. Tupàn Tuweharupi Wiko Ma'e uze'eg izupe ywytyr rehe uhapukaz tà. — Eze'eg nezewe Zako izuapyapyr wanupe nehe, Izaew izuapyapyr wanupe nehe, i'i izupe.

Êxodo 24:15

Ywytyr apyr kutyr izeupir wiwi mehe ywàkun upyk ywytyr kury.

Êxodo 24:18

Na'e Moizez wixe ywàkun pupe ywytyr apyr kutyr uzeupir wiwi mehe kury. Umumaw 40 'ar ywytyr rehe upyta pà. Upyta a'e pe pyhaw no.

Êxodo 34:2

Pyhewe izi'itahy ezemuàgà'ym nehe. Ezeupir Xinaz ywytyr rehe nehe. Ezexak kar ihewe a'e pe ywytyr apyr nehe.

Êxodo 34:4

A'e rupi Moizez omonohok ita mokoz itapew iapo pà kury, izypy mehe arer zàwenugar kury. Iku'egwer pe izi'itahy ume'e upu'àm pà. Uzeupir oho ywytyr rehe Tupàn ze'eg rupi katete. Weraha a'e mokoz itapew opo pe.

Deuteronômio 33:2

Nezewe i'i a'e. — Tupàn Tuweharupi Wiko Ma'e ur Xinaz ywytyr wi a'e. Uzexak kar kwarahy ài Enom wa'aromo. Pàrà ywytyr wi uhyape katu wemiaihu wanehe. Heko haw pe har tetea'u ur hupi wà. Heta tata iawyze har rehe.

Deuteronômio 9:9

Azeupir ywytyr rehe a'e mokoz itapew ipyhyk pà Tupàn wi ihe. Uzapokatu uze'egaw penehe we a'e. Umuapyk a'e ze'eg a'e itapew rehe. Amumaw 40 'ar a'e ywytyr rehe hereko pà. Namai'u kwaw a'e 'ar nànàn. Nai'u kwaw no.