Êxodo 15:8 - Tupàn zeꞌeg

⁸ Nepytuhemaw neapygwar wi uhem ma'e kwer umupu'àm 'y yryhu pe har. 'Y upu'àm ma'e nuzuawy kwaw pàrirogaw tàtà ma'e. 'Y yryhu iwype har tàtàahy neàmàtyry'ymar wanupe.

Êxodo 15:8 ပူးပေါင်းရင်းမြစ်များ

2 Samuel 22:16

Wàmàtyry'ymar pe uze'egahy mehe wakutyr àmàn imuwerawahy kar mehe ywy yryhu iwy pe har uzexak kar a'e. Ywy 'y iwy pe har uzexak kar a'e no.

Jó 4:9

Tupàn nuzawy kwaw ywytuaiw. Umumaw a'e teko wekwahy haw pupe wà.

Salmos 33:7

Omono'og Tupàn yryhu paw pitài yryhu romo iapo pà. Omonokatu 'y yryhu rehe har imonokatu haw pupe no.

Salmos 78:13

Uzaikaikaw yryhu. Umuata kar Izaew izuapyapyr yryhu myteromo wà. Upir 'y pàrirogaw aiha ma'e ài.

Êxodo 14:29

Izaew a'e wà, wahaw yryhu ywy ikàg ma'e rehe wata pà wà. 'Y aiha katu ma'e wahurehe hin a'e. 'Y aiha katu ma'e wawyze har rehe hin no.

Isaías 11:4

Tupàn ze'eg rupi zo umume'u putar hemetarer 'ym ma'e wanemiapo kwer nehe. Ize'eg upyro putar a'e wà nehe. Uzekaiw putar ma'e hereko 'ymar wanehe nehe. Ize'eg nuzawy kwaw ywyràihàg. Ipupe uzepyk putar ko ywy rehe har wanehe nehe. Upytuhemaw pupe uzuka putar ikatu 'ym ma'e wà nehe.

Isaías 37:7

Tupàn wenu kar putar amo ze'eg Axir wanuwihawete pe nehe. Henu mehe uzewyr putar weko haw pe nehe. Tupàn uzuka kar putar Axir wanuwihawete a'e pe nehe, peze Ezeki pe nehe, i'i Izai awa wanupe.

Habacuque 3:10

Ywytyruhu nerexak wà. Na'e uryryryryz wà. U'ar amo 'y tyapu ma'e ywak wi. 'Y ywy iwype har okororo wà. 'Ykotok aiha katu ma'e upu'àm wà.

Habacuque 3:15

Ereapyk nereimaw kawaru waku'az ne, yryhu rehe neata pà ne. Ykotok hehaite ma'e rehe ereata.

Josué 3:13

Xaxeto a'e wà nehe, a'e Tupàn Ze'eg Hyru heraha har a'e wà nehe, oho putar waiko Zotàw yrykaw kutyr a'e wà nehe, upyrog putar 'y rehe wà nehe, a'e 'ar mehe we tàrityka'i 'y iapyrupi uwyryk ma'e upytu'u putar uwyryk ire a'e nehe kury. Upu'àm putar ywytyra'i zàwenugar iapo pà nehe kury, i'i Zuzue teko wanupe.

Josué 3:16

Tàrityka'i 'y upytu'u uwyryk ire kury. Upu'àm ywytyra'i zàwenugar romo uzeapo pà muite a'e wi wà. Tawhu Ànàw her ma'e huwake upu'àm. Zàretà ywy rehe tuz. 'Y Yryhu Umàno Ma'e Kwer her ma'e kutyr uwyryk ma'e typaw a'e. A'e rupi Izaew izuapyapyr uwahaw yrykaw Zeriko tawhu huwake wà kury.