Êxodo 15:6 - Tupàn zeꞌeg

⁶ Nepo awyze har ikàg a'e, Tupàn Tuweharupi Wiko Ma'e. Teko wexak nekàgaw wà. Nepo awyze har, Tupàn, uhauhaw neàmàtyry'ymar wà.

Êxodo 15:6 ပူးပေါင်းရင်းမြစ်များ

Salmos 17:7

Exak kar heamutar katu haw ihewe nehe, hepyro har. Neruwake hereko mehe heàmàtyry'ymar nupuner kwaw ikatu 'ym ma'e iapo haw rehe ihewe wà.

Salmos 2:9

Erezuhazuhaw putar ywyràihàg itaper iapo pyrer pupe ne wà nehe. Erezukazuka putar ywy'a ài ne wà nehe, i'i Tupàn ihewe, i'i tuwihawete.

Salmos 24:8

Mo wiko Tuwihawete Ikàg Ma'e romo a'e. Tupàn Tuweharupi Wiko Ma'e wiko tuwihawete ikàg ma'e romo a'e. Upuner a'e. Ikàg tuwe a'e no. Tuweharupi Wiko Ma'e zeàmàtyry'ymawhu pe ikàg ma'e romo hekon a'e.

Salmos 44:3

Nupyhyk kwaw a'e ywy utakihe pupe wà. Nuweityk kwaw a'e ywy rehe har ukàgaw rupi wà. Weityk nepuner haw rupi wà, nekàgaw rupi wà. Nereko haw ihyape katu haw rupi weityk wà. Nezewe erexak kar neremiaihu wamutar katu haw ne, neremiaihu wanupe ne.

Salmos 44:4

Ereiko heruwihawete romo. Hezar romo ereiko. Eremur wàmàtyry'ymar waneitykaw neremiaihu wanupe ne.

Salmos 60:5

Urepyro pe nekàgaw pupe nehe. Erewazar newe ureze'eg ma'e henoz mehe nehe. Nezewe mehe erepyro putar teko neremiamutar ne wà nehe.

Salmos 74:11

Màràzàwe tuwe nanepurupytywà wer kwaw urerehe ne. Màràzàwe tuwe erepyta ma'e iapo 'ym pà.

Salmos 77:10

Na'e aze'eg nezewe hezeupe. — Tupàn Ywate Wera'u Har na'ipurupytywà wer kwaw zanerehe kwehe mehe arer zàwe a'e. Azeharomoete nezewe haw na'ikatu kwaw zanewe, a'e hezeupe.

Salmos 89:14

Nepureruze'eg mehe teko na'imunar kwaw ma'e rehe wà. Nahemu'em kwaw wà. Nekatu haw rupi erepureruze'eg iko ne. Neretyryk kwaw puruwi. Ma'e paw iapo mehe erepuruamutar katu ne.

Salmos 98:1

Pemuzàg amo zegar haw ipyahu ma'e Tupàn Tuweharupi Wiko Ma'e pe nehe, Ta'e uzapo ikatuahy ma'e a'e xe. Weityk wàmàtyry'ymar paw Ukàgaw rupi upuner haw ikatu ma'e rupi a'e wà.

Êxodo 15:11

Ma'enugar tupàn a'ua'u wiko ne ài a'e wà. Ma'enugar ikatu ne ài wà. Ma'enugar ikàg ne ài wà. Ma'enugar uzapo hexak pyr 'ym ne ài wà. Ma'enugar uzapo purumupytuhegatu kar haw ne ài wà.

Êxodo 15:12

Erepyho nepo awyze har ne. A'e rupi ywy omokon ureraikweromo ur ma'e wà.

Êxodo 15:16

Ma'e wi wakyze haw u'ar wanehe. Wexak nepuner haw uhua'u ma'e wà. Upytu'u uzemumyz 'ym pà ita ài wà. Te neremiaihu ukwaw waneko haw rupi wà. Neremipyro kwer wahaw waiwy wà.

Êxodo 18:8

Umume'u Moizez Tupàn Tuweharupi Wiko Ma'e hemiapo kwer Parao pe arer Ezit ywy rehe arer parer paw watyw pe kury. — Tupàn uzapo a'e ma'e ta'e uzamutar katu teko Izaew izuapyapyr a'e wà xe, i'i izupe. Umume'u ma'erahy ipuraraw pawer pe rupi wata mehe arer paw izupe no. — Tupàn urepyro a'e ma'e nànàn a'e, i'i izupe.

Êxodo 3:20

A'e rupi hekàgaw rupi azapo putar purumupytuhegatu kar haw ihe nehe, iaiw ma'e tetea'u iapo pà Ezit ywy rehe har wanupe ihe nehe. A'e re pemono kar putar a'e nehe.

Êxodo 6:1

Na'e Tupàn Tuweharupi Wiko Ma'e uze'eg Moizez pe a'e kury. — Erexak putar tuwihawete pe heremiapo ràm ne nehe kury. Hekàgaw hexak mehe omono kar putar Izaew xe wi a'e wà nehe, ko ywy wi wamuhem kar pà a'e wà nehe, i'i izupe.

Isaías 30:14

Aze ywy'a uzeka, xo ipegegwer zo upyta. Nezewegatete apumumaw kar putar azeharomoete ihe nehe. Ni pitài ywy'a ipehegwera'i na'ikatu kwaw tàtàpyzgwer tata wi henuhemaw romo. Teko nupuner kwaw 'y henuhemaw rehe ytyzuzàmaw wi ipehegwer pupe wà, i'i Tupàn.

Isaías 51:9

Eme'e nehe, Zanezar. Eme'e nehe. Urepyro pe nepuner haw uhua'u ma'e pupe nehe, ureipy wapyro awer kwehe arer zàwenugar ài nehe. Eremugamugaz àzàg zàwenugar yryhu pe har Ha'aw her ma'e ipegegwer romo ne, izuka pà ne.

Isaías 52:10

Teko ywy nànànar wanenataromo Tupàn Tuweharupi Wiko Ma'e wexak kar putar upuner haw ikatuahy ma'e nehe. Ywy rehe har paw wexak putar Tupàn Zanezar zanepyro har romo heko haw wà nehe.

Isaías 63:12

Umupyta kar upuner haw uhua'u ma'e hehe tuweharupi. Ma'e pe hekon kury. Umuza'ak yryhu wemiaihu wanenataromo, ta'e ipurumume'u kar wer wemiapo kwer rehe purupe tuweharupi xe.

Jeremias 13:14

Aze y'a u'ar amo y'a i'aromo nehe, uzeka putar nehe. Nezewegatete azuhazuhaw putar a'e teko paw rupi ihe wà nehe, tua'uhez ma'e wà nehe, kwàkwàmo wà nehe no, y'a uzeka ma'e ài ihe wà nehe. Amumaw putar 'aw teko wapuhareko 'ym pà ihe wà nehe. Napuhareko kwaw ihe wà nehe. Napuhareko kwaw wamumaw mehe ihe wà nehe.

Mateus 6:13

Aze urepurapo wer ikatu 'ym ma'e rehe nehe, Uremupytu'u kar pe iapo 'ym mehe we nehe. Uremupytu'u kar pe iapo re nehe. Uremonokatu pe ikatu 'ym ma'e izar wi nehe. Uze'eg wiwi Zezuz wemimu'e wanupe.

Apocalipse 2:27

Ikàg putar teko waneruze'eg mehe nehe. Ikàgaw nuzawy kwaw hekàgaw nehe. Heru umur ukàgaw ihewe a'e. Nezewegatete amono putar hekàgaw a'e tuwihaw pe ihe nehe no.

1 Samuel 2:10

Tupàn Tuweharupi Wiko Ma'e umumaw putar waàmàtyry'ymar a'e wà nehe. Wànoànog putar ywak rehe wakutyr nehe. Umume'u putar teko ywy rehe har wanemiapo kwer upaw rupi katete a'e nehe. Omono putar ukàgaw, wemixak kwer tuwihawete pe nehe. Upytywà putar a'e wemixak kwer tuwihawete a'e nehe. A'e rupi a'e tuwihawete weityk putar waàmàtyry'ymar a'e wà nehe. Upaw Àn ze'eg awer xe kury.