Êxodo 15:5 - Tupàn zeꞌeg

⁵ 'Y ohoete ma'e upyk a'e wà. Wezyw 'y pupe ita zàwe wà.

Êxodo 15:5 ပူးပေါင်းရင်းမြစ်များ

Neemias 9:11

Eremuza'ak 'y yryhu mokoz ipegwer romo ureipy wanuwi ne. Nezewe mehe uwahaw yryhu ywy ikàg ma'e rehe wata pà wà. Erezumim wanaikweromo ur ma'e kwer 'y typy ma'e pupe ne wà. Nuzawy kwaw ita yryhu puruzuka haw pupe u'ar ma'e kwer wà.

Salmos 106:11

'Y umim waàmàtyry'ymar wà. Ni pitài nuzenuhem kwaw wà. Umàno paw rupi wà.

Êxodo 14:28

Uzewyr 'y wà ywyramawa paw wapyk pà, zauxiapekwer kawaru ku'az har wapyk pà no. Zauxiapekwer Parao hemiruze'eg Izaew wanaikweromo oho ma'e kwer paw umàno yryhu pupe wà kury. Ni amo nuhem kwaw umàno haw wi wà.

Êxodo 15:10

Nezewe rehe we erezupy ne. A'e rupi yryhu upyk neàmàtyry'ymar a'e wà. Wezyw ita ipuhuz katu ma'e xum her ma'e ài wà, yryhu uhua'u ma'e pupe wà.

Êxodo 15:16

Ma'e wi wakyze haw u'ar wanehe. Wexak nepuner haw uhua'u ma'e wà. Upytu'u uzemumyz 'ym pà ita ài wà. Te neremiaihu ukwaw waneko haw rupi wà. Neremipyro kwer wahaw waiwy wà.

Provérbios 8:24

Azexak kar yryhu izexak kar 'ym mehe we. Naheta kwaw ytyzuzàmaw a'e 'ar mehe rihi.

Ezequiel 27:34

Ko 'ar rehe ereiko yryhu iwype kury. Erezeapypyk eho yryhu ohoete ma'e pupe. Nema'e paw rupi, newe uma'ereko ma'e paw rupi wà no, ukàzym yryhu pupe nerehe we wà.

Jonas 2:2

— O Tupàn Tuweharupi Wiko Ma'e ne, hemàno etea'i mehe azepytywà kar newe ihe. Erewazar heze'eg ihewe. Umàno ma'e kwer waneta haw wype hereko mehe, ahapukaz newe hezepytywà kar pà ihe. Herenu pe heze'eg mehe ne.

Miquéias 7:19

Urepuhareko wi pe nehe. Eremumaw putar urekatu 'ymaw urewi nehe. Ereityk putar ikatu 'ym ma'e ureremiapo kwer yryhu pupe nehe. Upyta putar yryhu wype nehe.

Mateus 18:6

Uze'eg urewe. — Aze awa umupytu'u kar agwer kwarer herehe uzeruzar ire a'e wà nehe, Tupàn uzepyk putar tuwe a'e awa rehe a'e nehe. Aze mo xiàpixi itahu iazuromo, aze mo xityk heraha 'y mytepe, izuka pà, ikatu wera'u mo izupe. A'e mehe mo nupuner iwer mo ikatu 'ym ma'e iapo kar haw rehe amo ae kwarer pe. Ta'e Tupàn wikwahy tuwe agwer teko wanupe a'e xe.

Apocalipse 18:21

Na'e Tupàn heko haw pe har ikàg ma'e a'e kury, upyhyk itahu hupir pà a'e kury. Weityk heraha yryhu pupe. — Nezewegatete aityk putar Mawiron tawhu imugwaw pà ihe nehe, i'i ihewe. — A'e mehe ni amo nuexak wi pixik kwaw tawhu a'e wà nehe, i'i ihewe.