Êxodo 15:18 - Tupàn zeꞌeg

¹⁸ Tupàn Tuweharupi Wiko Ma'e wiko putar tuwihawete romo tuweharupi nehe, awyzeharupi nehe, i'i a'e zegar haw Tupàn Tuweharupi Wiko Ma'e pe iapo pyrer.

Êxodo 15:18 ပူးပေါင်းရင်းမြစ်များ

Gênesis 21:33

Àmàrààw uzutym amo ywyra a'e pe Merexewa pe. Umuwete katu Tupàn Tuweharupi Wiko Ma'e tuweharupi heko haw izar a'e pe.

Salmos 10:16

Tupàn Tuweharupi Wiko Ma'e wiko putar tuwihawete romo tuweharupi nehe. Omono kar putar uzeruzar 'ym ma'e uiwy wi wà nehe.

Salmos 146:10

Tupàn Tuweharupi Wiko Ma'e wiko putar tuwihawete romo tuweharupi nehe. O Zeruzarez, nezar wiko putar tuwihawete romo tuweharupi nehe. Pemume'u Tupàn Tuweharupi Wiko Ma'e ikatu haw nehe.

Salmos 29:10

Tupàn Tuweharupi Wiko Ma'e upyta 'y typya'u ma'e i'aromo tuwihawete romo. Tuwihawete romo upureruze'eg putar tuweharupi nehe.

Salmos 9:8

Tupàn weruze'eg ywy rehe har ukatu haw rehe wà. Umume'u teko wanemiapo kwer iawy 'ym pà a'e.

Isaías 57:15

Tupàn Ikatuahy Ma'e Ywate Wera'u Ma'e a'e, Tupàn Tuweharupi Wiko Ma'e a'e, uze'eg a'e. — Hereko haw upyta ywate a'e. Ikatuahy a'e, ikatu 'ymaw wi imunyryk pyrer romo hekon a'e. Aiko ikàg 'ym ma'e wainuinuromo ihe no. Aiko ma'erahy ipuraraw par wainuinuromo ihe no. Nezewe mehe àro kar ikatu ma'e ikàg 'ym ma'e wanupe. Amono wakàgaw ipyahu ma'e ma'erahy ipuraraw par wanupe no.

Daniel 2:44

A'e tuwihawete waneko mehe Tupàn ywak rehe har umuzexak kar putar amo pureruze'egaw a'e nehe. Ni amo numumaw pixik kwaw a'e pureruze'egaw a'e wà nehe. Ni amo tuwihawete nuiko kwaw a'e pureruze'egaw izar romo wà nehe. A'e pureruze'egaw umumaw putar amogwer pureruze'egaw paw rupi wà nehe. Nupaw pixik kwaw nehe.

Daniel 4:3

Xo upuner katu ma'e upuner agwer ma'e iapo haw rehe. Hemiapo kwer upurumupytuhegatu kar no. Ta'e tuwihawete tuweharupi àràm romo hekon a'e xe. Nupaw pixik kwaw ipureruze'egaw nehe.

Daniel 7:14

Omono ipuner haw izupe wà. Umuwete wà. Weruzar ize'eg wà. Tuwihawete, i'i izupe wà. Nezewe mehe teko paw wiko hemiruze'eg romo wà: ywy nànànar wà, ze'eg nànàn uze'eg ma'e wà, texakaw paw hereko har wà. Paw rupi uzapo hemimutar wà. Ipuner haw nupaw pixik kwaw nehe. Nupaw pixik kwaw ipureruze'egaw nehe.

Daniel 7:27

Tupàn Upuner Wera'u Ma'e umur putar pureruze'egaw wemiruze'eg wanupe nehe. Umur putar upuner haw wanupe nehe no. Umur putar upuràg eteahy haw wanupe nehe no. Weruze'eg putar ywy nànànar tuweharupi wà nehe. Amogwer teko paw uzapo putar wanemimutar wà nehe. Paw rupi weruzar putar waze'eg wà nehe, i'i ihewe.

Mateus 6:13

Aze urepurapo wer ikatu 'ym ma'e rehe nehe, Uremupytu'u kar pe iapo 'ym mehe we nehe. Uremupytu'u kar pe iapo re nehe. Uremonokatu pe ikatu 'ym ma'e izar wi nehe. Uze'eg wiwi Zezuz wemimu'e wanupe.

Deuteronômio 33:5

Izaew ta'yr wazuapyapyr teko hexaexak pyrer uwihaw wanehe we wazemono'og mehe, Tupàn Tuweharupi Wiko Ma'e wiko wanuwihawete romo.