Êxodo 15:10 - Tupàn zeꞌeg

¹⁰ Nezewe rehe we erezupy ne. A'e rupi yryhu upyk neàmàtyry'ymar a'e wà. Wezyw ita ipuhuz katu ma'e xum her ma'e ài wà, yryhu uhua'u ma'e pupe wà.

Êxodo 15:10 ပူးပေါင်းရင်းမြစ်များ

Gênesis 8:1

Na'e Tupàn ima'enukwaw Noe rehe a'e kury, ma'ea'yr kanuhu pupe har wanehe upaw rupi a'e no. Umur kar ywytu ywy rehe kury. 'Y uzypyrog typaw pà a'e kury.

2 Samuel 18:8

Zeàmàtyry'ymawhu uhàuhàz a'e ywy nànàn a'e. Awa ka'a pe umàno ma'e kwer heta wera'u kaiwer pe umàno ma'e kwer wanuwi wà.

Neemias 9:11

Eremuza'ak 'y yryhu mokoz ipegwer romo ureipy wanuwi ne. Nezewe mehe uwahaw yryhu ywy ikàg ma'e rehe wata pà wà. Erezumim wanaikweromo ur ma'e kwer 'y typy ma'e pupe ne wà. Nuzawy kwaw ita yryhu puruzuka haw pupe u'ar ma'e kwer wà.

Salmos 135:7

Werur ywàkun ywy iahykaw wi. Umuàgà'ym iweraw paw àmànuhu pe ywytuhu pe. Umuhem kar ywytu imonokatu haw wi no.

Salmos 147:18

Umume'u wemimutar. Na'e 'y tàtà huwixàgahy ma'e typyràn na'arewahy. Umur kar ywytu. Umuyryk kar 'y.

Êxodo 14:21

Na'e Moizez upyho opo yryhu 'aromo kury. Pyhaw Tupàn Tuweharupi Wiko Ma'e umuhem kar ywytuhu heruwà kwarahy ihemaw wi kury. Ywytuhu umumaw pytun gatu 'y 'yryhu pe har imunyryk pà. Umuzekwa ywy yryhu iwype har kury. Ikàg kury. Uzemuza'ak 'y mokoz pehegwer romo.

Êxodo 15:5

'Y ohoete ma'e upyk a'e wà. Wezyw 'y pupe ita zàwe wà.

Provérbios 30:4

Mo ukwaw ywak rehe har paw rupi. Mo upyhyk ywytu opo pupe. Mo uwàuwàn 'y pàn pupe. Mo omono ita ywyzaw muite wera'u har rehe. Aipo erekwaw a'e awa. Aipo erekwaw ta'yr.

Isaías 11:15

Tupàn Tuweharupi Wiko Ma'e umuwipaw putar yryhu Xuwez her ma'e nehe. Omono kar putar ywytuaiw yrykawhu Ewparat her ma'e kutyr nehe, imumaw pà nehe. Xo 7 yrykaw zo heta we putar wà nehe. Natypy kwaw wà nehe. Wyzài teko upuner putar wanahaw paw rehe wata pà wà nehe.

Jeremias 10:13

Aze Tupàn uze'eg, 'y ywak rehe har okororo zàwàruhu ài. Umuzeupir kar ywàkun ywy iahykaw rehe. Uzapo àmàn iweraw paw. Umuhem kar ywytu imonokatu haw wi.

Jeremias 46:17

Pemono ko her ipyahu ma'e Ezit wanuwihawete pe nehe. Uze'eg ma'e wànoànog ma'e, i'i putar izupe wà nehe. — Awa wàmàtyry'ymar heitykaw rehe upuner 'ym ma'e, i'i putar izupe wà nehe.

Amós 4:13

Tupàn uzapo ywytyr paw a'e. Umur kar ywytu a'e no. Umume'u wemiapo ràm teko wanupe. Umupytun kar 'ar a'e. Wata ywytyruhu 'aromo. Zanezar Tupàn Tuweharupi Wiko Ma'e ikàg wera'u ma'e her romo a'e.

Mateus 8:27

Hemimu'e ipytuhegatu hexak mehe paw rupi wà. — Mo romo hekon a'e, i'i izupe wà. — Te ywytu weruzar ize'eg a'e, te ykotok weruzar ize'eg a'e no, i'i izupe wà.

Deuteronômio 11:4

Pexak Tupàn zauxiapekwer wanupe ma'e iapo mehe, ta'e uzàn penaikweromo wà xe: zauxiapekwer Ezit ywy rehe har wanupe, waneimaw kawaru wanupe, ywyramawa wanupe. Tupàn Tuweharupi Wiko Ma'e upyk kar paw rupi 'y Yryhupiràg pupe har pe wà, wazuka kar pà izupe wà. Nezewe mehe umumaw azeharomoete a'e wà. Nuzewyr pixik kwaw wà nehe.