Êxodo 14:24 - Tupàn zeꞌeg

²⁴ Izi'itahy Tupàn Tuweharupi Wiko Ma'e wapyk in a'e ywàkun rehe a'e tata upu'àm ma'e rehe. Ume'e zauxiapekwer Ezit ywy rehe har wanehe kury. Umukyzeahy kar tetea'u wà kury.

Êxodo 14:24 ပူးပေါင်းရင်းမြစ်များ

Jó 22:13

Nezewe rehe we erepuranu iko. — Aipo Tupàn ukwaw amo ma'e a'e, ere iko. Ywàkun upyta zane'aromo. Tupàn upyta ywàkun i'aromo a'e. Aze ru'u nupuner kwaw zaneremiapo kwer imume'u haw rehe, ere iko.

Jó 34:20

Màno haw upuner ur haw rehe na'arewahy a'e, pyhaw a'e. Ma'eahy haw iaiw ma'e uhem amo pe izuka pà tàrityka'i. Aze Tupàn ipuruzuka wer upuner ma'e wanehe, — Hepytywà pe wazuka mehe nehe, ni'i kwaw amo pe.

Jó 34:29

Nezewe rehe we, aze Tupàn nuze'eg kwaw nehe, ni amo nupuner kwaw hemiapo kwer ikatu 'ymaw imume'u haw rehe wà. Aze umim uwa nehe, naheta kwaw teko wapyro àwàm. Naheta kwaw ywy nànànar wapyro àwàm.

Jó 40:12

Azeharomoete. Eme'e wanehe ikàg 'ym ma'e romo wamuigo kar pà nehe. Ekamik iaiw ma'e waneko haw pe ne wà nehe.

Salmos 104:32

Tupàn Tuweharupi Wiko Ma'e ume'e ywy rehe. Ywy uryryryryz a'e. Opokok ywytyr wanehe. Uhem tàtàxiner wanuwi.

Salmos 48:5

Tawhu hexak mehe ipytuhegatu wà. Uzàn na'arewahy a'e wi ukyze pà wà.

Salmos 78:14

'Aromo wexak kar wanape ràm wanupe ywàkun pupe wiko pà. Pyhaw wexak kar weko haw tata heny kwer pupe no.

Salmos 90:4

1.000 kwarahy nuzawy kwaw pitài 'ar newe. Nuzawy kwaw 'ar karumehe arer. Upaw a'e 'ar. 1.000 kwarahy nuzawy kwaw pitài or pyhaw har. Na'arewahy upaw.

Êxodo 13:21

'Ar romo Tupàn Tuweharupi Wiko Ma'e wata wanenataromo ywàkun upu'àm ma'e romo waho àwàm hexak kar pà wanupe. Pyhaw wata wanenataromo tata upu'àm ma'e romo. Nezewe uhyape katu pyhaw. A'e rupi upuner wape ràm hexakaw rehe wà. Nezewe mehe upuner wata haw rehe pyhaw wà. Upuner wata haw rehe 'aromo wà no.

Êxodo 14:25

Zawaiw katu ywyramawa iata haw ta'e Tupàn Tuweharupi Wiko Ma'e umupyta kar iapu'a ma'e xe. Na'e Ezit ywy rehe har uze'eg uzeupeupe wà kury. — Zàzàn zaha Izaew wanuwi nehe kury ty wà, ta'e Tupàn Tuweharupi Wiko Ma'e zaneàmàtyry'ym iko a'e xe, wapytywà pà a'e xe, i'i uzeupeupe wà.

Amós 9:4

Aze zauxiapekwer weraha wemipyhyk kwer romo wà nehe, aze'eg putar zauxiapekwer wanupe nehe. Na'e uzuka putar a'e teko wà nehe. Azekaiw putar wanehe nehe. Napyro kwaw ihe wà nehe. Nan. Amumaw putar ihe wà nehe.

1 Samuel 11:11

Iku'egwer pe umuza'aza'ak Xau awakwer na'iruz wamono'ogaw romo wà. Kwarahy ihem mehe wata oho Amon izuapyapyr waker haw kutyr wà. Uzypyrog wazuka pà wà. Kwarahy wapyter pe hin mehe umumaw wazuka haw wà. Umàno 'ym ma'e uhàuhàz oho wà. Uzàn amo ko rupi wà. Uzàn amo kwez rupi wà no.