Êxodo 14:10 - Tupàn zeꞌeg

¹⁰ Uhem Parao Izaew wanuwake wemiruze'eg wanehe we wà kury. Izaew izuapyapyr ume'e zauxiapekwer wanehe wà. Wexak a'e Ezit ywy rehe har wà. — Ur waiko zanepyhyk pà a'e wà, i'i uzeupeupe wà. A'e rupi ukyze katu wanuwi wà. Uhapukaz Tupàn Tuweharupi Wiko Ma'e pe uze'eg pà wà.

Êxodo 14:10 ပူးပေါင်းရင်းမြစ်များ

2 Crônicas 18:31

A'e rupi, tuwihawete Zuzapa hexak mehe uze'eg nezewe uzeupe wà. — Kwa, Izaew wanuwihawete a'e ty wà, i'i wà. A'e rupi uzàmàtyry'ym oho wà. Zuzapa uhapukaz a'e 'ar mehe. A'e rupi Tupàn Tuweharupi Wiko Ma'e upyro a'e, zauxiapekwer Xir wamumàmàn kar pà izywyr wà.

Neemias 9:9

Ureipy upuraraw ma'erahy tetea'u Ezit ywy rehe wiko mehe wà. Erexak ipuraraw mehe ne wà. — Urepyro pe nehe, i'i newe wà. Ereinu henoz mehe ne wà, Yryhupiràg izywyr waneko mehe ne wà.

Salmos 106:44

Nezewe rehe we aze wenoz upytywà haw Tupàn pe wà, wenu waze'eg a'e. Uzewyr wanupe aze upuraraw ma'erahy wà.

Salmos 107:13

Ma'erahy ipuraraw mehe uhapukaz upytywà àwàm henoz pà wà. Tupàn Tuweharupi Wiko Ma'e upyro ma'erahy wi wà.

Salmos 107:19

Ma'erahy ipuraraw mehe uhapukaz upytywà àwàm henoz pà wà. Tupàn Tuweharupi Wiko Ma'e upyro ma'erahy wi wà.

Salmos 107:28

A'e rupi ma'erahy ipuraraw mehe uhapukaz upytywà àwàm henoz pà wà. A'e rupi Tupàn Tuweharupi Wiko Ma'e upyro a'e ma'erahy wi wà.

Salmos 107:6

Ma'erahy ipuraraw mehe uhapukaz upytywà àwàm henoz pà wà. Tupàn Tuweharupi Wiko Ma'e upyro ma'erahy wi wà.

Salmos 34:17

Amo teko weruzar Tupàn Tuweharupi Wiko Ma'e wà. Aze a'e teko wenoz Tupàn a'e wà, a'e wenu waze'eg mehe wà. Upyro ma'erahy paw wi wà.

Salmos 53:5

Uryryryryz putar ukyze pà a'e wà nehe. Nuryryryryz pixik kwaw nezewe a'e 'ym mehe wà, Ta'e Tupàn umuhàmuhàz wàmàtyry'ymar wàkàgwer a'e wà xe. Weityk wà. A'e rupi Izaew ipurumuzàmuzàg weityk putar upaw rupi katete wà.

Salmos 81:7

Ma'erahy ipuraraw mehe herenoz pe pe. Ihe apupyro ihe. Ywytuaiw pupe hezeàmimaw pe hereko mehe Awazar peze'eg peme. Apuagaw ytyzuzàmaw Merima her ma'e pe ihe.

Êxodo 13:17

Umuhem kar Parao teko a'e wà. Wamuhem kar ire Tupàn nueraha kwaw Piri waiwy rupi. Waneraha awer ipukua'u wera'u, ta'e Tupàn uze'eg nezewe uzeupe a'e xe. — Amo 'ar mehe Piri ywy rehe har ur putar Izaew waàmàtyry'ym pà a'e wà nehe. A'e rupi Izaew izewyr wer mo Ezit ywy rehe wà. Naputar kwaw nezewe haw, i'i uzeupe.

Êxodo 15:25

Uze'eg Moizez Tupàn Tuweharupi Wiko Ma'e pe uwahy haw rupi kury. Tupàn Tuweharupi Wiko Ma'e wexak kar amo ywyra hàkàgwer Moizez pe. Weityk Moizez ywyra hàkàgwer 'y pupe. Hete katu 'y kury. A'e pe Tupàn Tuweharupi Wiko Ma'e omono amo uze'eg wanupe. Umume'u wemimutar wanupe. Wagaw Tupàn Izaew izuapyapyr a'e pe wà.

Isaías 26:16

Erezepyk neremiaihu wanehe, o Tupàn Tuweharupi Wiko Ma'e. Ma'erahy ipuraraw mehe uruze'eg newe.

Isaías 7:2

Amo umume'u Xir Izaew wanehe we uzemono'og awer oho tuwihawete Akaz pe wà. Henu mehe ukyze tuwe a'e. Teko ukyze tuwe wà no. Uryryryryz ka'akyr ywytu henataromo har izàwe wà.

Jeremias 22:23

Peiko ywyràkàxigyw Irimano wi herur pyrer wamyter pe. — Ni amo nuzapo kwaw ikatu 'ym ma'e zanewe wà nehe, peze peiko. Ma'erahy ihem mehe pekuhegatu putar nehe. Peiko putar kuzà umemyrzexak kar ma'e ài nehe. Hahy putar tuwe peme nehe.

Deuteronômio 9:7

Peneharaz zo ko ma'e wi nehe. Peputupyk tetea'u Tupàn ywyxiguhu rehe. A'e rupi wikwahy peme. Ezit ywy wi pehem awer henataromo te xe pehem mehe naperuzar katu kwaw Tupàn pe.

Josué 24:6

Amuhem kar peipy Ezit wi ihe wà. Uhem Yryhupiràg pe wà. Nezewe rehe we Ezit ywy rehe har oho wanaikweromo yryhu pe ywyramawa pupe wà. Amo zauxiapekwer oho kawaru ku'az wà no.

Josué 24:7

Na'e Izaew wenoz uzepyro àwàm ihewe wà. Amono ipytunahy haw wa'aromo. A'e rupi Ezit nupuner kwaw wanexakaw rehe wà. Amu'ar kar yryhu Ezit ywy rehe har wanehe. 'Y upyk wà. Pexak Ezit wanupe heremiapo kwer. A'e re pemumaw kwarahy tetea'u ywyxiguhu rehe peneko pà.

1 João 4:18

Puramutar haw rehe, naheta kwaw kyze haw a'e. Puramutar haw uhua'u haw, umunyryk kyze haw a'e. Aze teko ukyze nehe, ipuruamutar haw pixika'i a'e. Ta'e kyze haw wexak kar zepykaw a'e xe.