Êxodo 10:13 - Tupàn zeꞌeg

¹³ A'e rupi Moizez upyho ywyra opokokaw Ezit ywy kutyr kury. Umur kar Tupàn Tuweharupi Wiko Ma'e ywytu kwarahy ihemaw wi kury. Ywytu nupytu'u kwaw a'e 'ar rehe. Nupytu'u kwaw pyhaw. Iku'egwer pe ywy tynehem tukur pupe, ta'e ywytu werur a'e wà xe.

Êxodo 10:13 ပူးပေါင်းရင်းမြစ်များ

Gênesis 41:6

A'e re uhem amo 7 arozràn haryw a'e wà no. Uxinig wà, ta'e ywytu haku ma'e ywyxiguhu wi ur ma'e kwer umuxinig kar a'e wà xe.

Salmos 105:34

Uze'eg wi Tupàn. A'e rupi ur tukur tetea'u wà kury. Teko nupuner kwaw wapapar haw rehe wà, ta'e heta tetea'u wà xe.

Salmos 148:8

Àmàn iweraw paw, àmànita, àmànxig huwixàg ma'e, ywàkun, ywytuaiw. Peiko Tupàn ze'eg heruzar har romo. Pemume'u Tupàn Tuweharupi Wiko Ma'e ikatu haw nehe.

Salmos 78:26

Na'e umur kar ywytu kwarahy hemaw wi ywak wi kury. Upuner haw rupi umuhem kar ywytu kwarahy hemaw awyze har rehe har no.

Salmos 78:46

Omono kar tukur tetea'u wanupe wà no. U'u tukur arozràn ipo'o pyràm upaw rupi wà. Umuaiw ko pe hezuz ma'e paw wà.

Êxodo 14:21

Na'e Moizez upyho opo yryhu 'aromo kury. Pyhaw Tupàn Tuweharupi Wiko Ma'e umuhem kar ywytuhu heruwà kwarahy ihemaw wi kury. Ywytuhu umumaw pytun gatu 'y 'yryhu pe har imunyryk pà. Umuzekwa ywy yryhu iwype har kury. Ikàg kury. Uzemuza'ak 'y mokoz pehegwer romo.

Provérbios 30:27

Tukur wà. Naheta kwaw wanuwihawete wanupe. Nezewe rehe we uzemono'ono'og pitài ma'e romo amo me oho mehe wà.

Jonas 1:4

Tupàn umur kar ywytu wakutyr kury. Uhua'u ykotokaw yryhu rehe har. Iaiw ywytu. — Uzeka putar kanuhu umyter pe nehe, i'i ipupe har wà.

Jonas 4:8

A'e re uhem kwarahy. Tupàn umur kar amo ywytu hakuahy ma'e kwarahy hemaw wi kury. Iàkàzym tària'i Zon kwarahy hakuahy mehe. Nuzawy kwaw iàkàg ukaz ma'e. A'e rupi imàno wer zepe kury. — Hemàno àwàm ikatu wera'u ihewe herekuwe wi àwàm wi, i'i uzeupe.

Mateus 8:27

Hemimu'e ipytuhegatu hexak mehe paw rupi wà. — Mo romo hekon a'e, i'i izupe wà. — Te ywytu weruzar ize'eg a'e, te ykotok weruzar ize'eg a'e no, i'i izupe wà.