Ester 4:5 - Tupàn zeꞌeg

⁵ Na'e wenoz kar amo awa wa'yr haw rehe upuner 'ym ma'e tàpuzuhu pe har Atak her ma'e imuwà kury. Izypy mehe tuwihawete wexak Atak Eter rehe uzekaiw ma'e romo. Uze'eg Eter izupe kury. — Eze'eg eho Monekaz pe nehe. — Ma'e uzeapo iko, ere izupe nehe, hehe nepuranu pà nehe, i'i izupe. — Màràzàwe tuwe uzeapo nezewe haw, ere izupe nehe, i'i izupe.

Ester 4:5 ပူးပေါင်းရင်းမြစ်များ

Ester 1:10

Mai'u hawhu mehe 7 haw 'ar mehe tuwihawete u'u win tetea'u a'e. Huryweteahy kury. (Uka'u.) Umur kar 7 wemiruze'eg awa wa'yr haw rehe upuner 'ym ma'e wamuwà wà kury. Na'aw waner xe wà: Meumà, Mizita, Aramona, Migita, Amagita, Zetar, Karakaz.

Ester 1:12

Hemireko nuweruzar kwaw ize'eg. A'e rupi wikwahy tuwihawete kury.

Ester 4:10

— Emume'u ko ma'e Monekaz pe nehe, i'i Eter Atak pe.

Ester 4:4

Eter pe uma'ereko ma'e wà, awa wa'yr haw rehe upuner 'ym ma'e Eter rehe uzekaiw ma'e wà no, umume'u uzeapo ma'e kwer izupe wà. Uzemumikahy henu mehe. Omono kar kamir Monekaz pe. Na'ipurumunehew wer kwaw hehe.

Ester 4:6

Atak wekar Monekaz oho katu pe tàpuzuhu henataromo.

Ester 4:9

Atak uzapo ma'e Monekaz ize'eg rupi.

Romanos 12:15

Aze amo hurywete wà nehe, penurywete wainuromo nehe no. Aze amo uzemumikahy wà nehe, pezemumikahy wainuromo nehe no.

1 Coríntios 12:26

Aze amo ipehegwer ima'eahy nehe, amogwer ipegegwer upuraraw putar a'e ma'eahy haw a'e wà nehe no. Aze teko uze'egatu amo ipehegwer rehe wà nehe, amogwer ipehegwer hurywete putar wà nehe no.

Filipenses 2:4

Pezekaiw katu pezehezehe nehe no. — Xo herehe zo azekaiw putar ihe nehe, peze zo nehe.

Hebreus 4:15

Nuiko kwaw zanepuhareko 'ymar romo. Zanerereko katu a'e. Zanepuhareko katu a'e, ta'e nazanekàg kwaw zane xe. Ywy rehe heko mehe Zurupari ipurapo wer ikatu 'ym ma'e rehe izupe a'e. Nuzapo pixik kwaw ikatu 'ym ma'e a'e.