Eclesiastes 6:5 - Tupàn zeꞌeg

⁵ Ni kwarahy nuexak pixik kwaw. Nukwaw pixik kwaw weko haw. Nezewe rehe we upytu'u katu wera'u a'e awa wi.

Eclesiastes 6:5 ပူးပေါင်းရင်းမြစ်များ

Jó 14:1

Ure uruiko ikàg 'ym ma'e romo urezexak kar mehe arer we paw rupi ure. Urereko haw iaikwera'i. Ikatu 'ym ma'e tetea'u uzeapo urewe urereko mehe no.

Salmos 58:8

Tuwe ukàzym amu'a to'om inuromo har ài wà nehe. Tuwe wiko kwarer umàno ma'e kwer romo uzexak kar ma'e ài wà nehe. A'e kwarer nuexak pixik kwaw kwarahy a'e.

Eclesiastes 11:7

Kwarahy heny katu haw 'aromo har ikatu zanewe. Ikatuahy kwarahy hexakaw zanewe.

Eclesiastes 4:3

Uzexak kar 'ym ma'e hurywete wera'u tuwe a'e teko wanuwi upaw rupi wà. Nuexak kwaw ma'erahy purupe ipuraraw kar haw ko ywy rehe har a'e wà rihi.

Eclesiastes 6:4

A'e kwarer tur haw na'ikatu kwaw a'e. Ukàzym ipytunaw rehe a'e. Teko heharaz izuwi wà.

Eclesiastes 6:6

A'e awa upuner mo miw kwarahy imumaw paw rehe a'e. Nezewe rehe we nuzemurywete kar pixik iwer mo weko haw rehe. Iahykaw rehe zaha zanemàno haw pe paw rupi zane.