Eclesiastes 5:4 - Tupàn zeꞌeg

⁴ Nezewe mehe Tupàn pe neremiapo ràm imume'u mehe nehe, ezapo a'e ma'e na'arewahy nehe. Iranaiw ma'e na'ikatu kwaw Tupàn pe wà. A'e rupi, ezapo neremimume'u kwer nehe.

Eclesiastes 5:4 ပူးပေါင်းရင်းမြစ်များ

Gênesis 28:20

A'e pe Zako umume'uahy wemiapo ràm Tupàn pe kury. — Aze ereata eho herupi nehe, aze hepyro pe ikatu 'ym ma'e wi heata mehe ko 'ar rehe nehe, aze eremur hema'e ràm ihewe nehe, aze eremur heremi'u ràm ihewe nehe,

Gênesis 35:1

Uze'eg Tupàn Zako pe kury. — Ezemuàgà'ym nehe, eho Metew pe nehe. Eiko a'e pe nehe. A'e pe nehem mehe ezapo amo ma'ea'yr hapy haw herenataromo nehe. Ta'e neryky'yr Ezau wi nezàn mehe azexak kar newe ihe xe, i'i izupe.

Gênesis 35:3

Pezemuàgà'ym nehe, ta'e zaha putar Metew pe zane kury xe. A'e pe zanehem mehe azapo putar amo Tupàn henataromo ma'ea'yr hapy haw ihe nehe. Ta'e a'e ae hepytywà ma'erahy ipuraraw mehe a'e xe. Ta'e tuweharupi heata mehe wiko herehe we a'e xe, i'i wanupe.

Salmos 116:14

— Hemiaihu paw wazemono'og mehe Amono putar heremimume'u kwer izupe ihe nehe.

Salmos 119:106

Azapo putar heremimume'u kwer ihe nehe. Aruzar putar nepurumu'e haw ikatu ma'e nehe no.

Salmos 22:25

O Tupàn Tuweharupi Wiko Ma'e, teko paw wazemono'og mehe, Amume'u putar nekatu haw ihe nehe, neremiapo kwer imume'u pà ihe nehe. Newi ukyze ma'e wainuinuromo, Azuka putar ma'ea'yr nerenataromo heze'eg awer rupi katete ihe wà nehe.

Salmos 50:14

Tuwe hekatu haw imume'u haw pemur ihewe imur pyr romo nehe. Tuwe pemur ma'e penemimume'u kwer paw ihewe imur pyr romo nehe. Aiko Tupàn Ywate Wera'u Har romo ihe.

Salmos 76:11

Pemono penemimume'u kwer Tupàn Tuweharupi Wiko Ma'e Zanezar pe nehe. Tuwe teko ko ywy huwake har paw weraha izupe imono pyr wà nehe. Tuwe omono Tupàn pe wà nehe. Tuwe ukyze izuwi wà nehe no.

Provérbios 20:25

Ma'e Tupàn pe imume'u 'ym mehe we nema'enukwaw katu nehe. Aze mo nan, erepuner mo nezemumikahy haw rehe a'e re nehe.

Isaías 19:21

Na'e Tupàn Tuweharupi Wiko Ma'e wexak kar putar weko haw Ezit wanupe a'e nehe. Ezit ukwaw putar uzar romo heko haw a'e wà nehe no. Umuwete katu putar wà nehe. Uzuka putar ma'ea'yr henataromo wà nehe. Omono putar arozràn izupe wà nehe no. Umume'u putar wemiapo ràm Tupàn Tuweharupi Wiko Ma'e pe wà nehe. Na'e uzapo putar wemimume'u kwer wà nehe.

Jonas 2:9

Azegar putar nekatu haw rehe nekàgaw rehe ihe nehe. Azuka putar ma'ea'yr nerenataromo nehe. Azapo putar ma'e heremimume'u kwer nehe. Purupyro haw ur Tupàn Tuweharupi Wiko Ma'e wi.

Malaquias 1:10

Nezewe uze'eg Tupàn Ikàg Wera'u Ma'e xaxeto wanupe kury. — Amo peinuromo har pe ainoz putar ma'e ihe nehe kury. Ewàpytym heràpuzuhu huken nehe. Nezewe mehe napemunyk e kwaw tata hema'e ma'ea'yr hapy haw rehe nehe. Naherurywete kwaw penehe penemiapo rehe ihe. Naputar kwaw ma'ea'yr penemimur ràm nehe.

Números 30:2

Aze amo umume'uahy ma'e Tupàn Tuweharupi Wiko Ma'e pe wemimono ràm nehe, aze ru'u umume'uahy wemiapo ràm nehe, aze ru'u umume'uahy wemiapo 'ym ràm nehe, tuwe uzapo wemimume'uahy kwer nehe. Tuwe uzapo imume'u pyrer paw rupi nehe.

Mateus 5:33

(Uze'eg wiwi Zezuz wemimu'e wanupe.) — Aze eremume'uahy neremiapo ràm nehe, emuaze tuwe neze'eg awer nehe, ezapo tuwe neremimume'u kwer nehe, i'i ze'eg kwehe arer zaneipy wanupe.

Hebreus 10:6

Teko umunyk tata ma'ea'yr iwy pe wà, ma'e zuka haw rehe hapy kar pà paw rupi wà. Nanemurywete kar kwaw nezewe wà. Uzuka ma'ea'yr wemiapo kwer ikatu 'ym ma'e hekuzaromo wà, neruwa rupi wà, tuweharupi wà. Nanerurywete kwaw izuka mehe.

Juízes 11:35

Hexak mehe uzemumikahy tuwe a'e. Umu'i ukamir izupe uze'eg pà. — A, herazyr. Hemuigo kar pe kwez uzemumikahy ma'e romo kury. Amume'uahy heremiapo ràm Tupàn henataromo ihe. Napuner kwaw a'e ma'e iapo 'ymaw rehe ihe nehe kury, i'i izupe.