Eclesiastes 4:1 - Tupàn zeꞌeg

¹ Na'e ame'e wi ikatu 'ymaw ywy rehe har nànàn ihe kury. Aexak teko amo teko tetea'u wanehe wamunar mehe ihe wà. Aexak ma'erahy tetea'u wanupe ipuraraw kar mehe ihe wà no. Uzai'o wà. Nezewe rehe we ni amo nupytywà kwaw wà. Ni amo nupytywà kwaw wà, ta'e wanehe imunar ma'e kwer wiko upuner ma'e romo a'e wà xe.

Eclesiastes 4:1 ပူးပေါင်းရင်းမြစ်များ

Jó 16:4

Aze mo pepuraraw ma'erahy peiko hezàwe, Apuner mo peze'egaw imume'u haw rehe. Azeàkàgmuawawak mo ma'e kwaw katu har ài. Apukamikamik mo heze'eg tetea'u pupe no.

Jó 35:9

Aze waàmàtyry'ymar upuraraw kar ma'erahy amo awa wanupe tuweharupi wà, A'e awa ikuhem wà, uhapukaz wà no. — Tuwe amo zanepyro wà nehe, upuner ma'e wapo wi wà nehe, i'i wà.

Jó 6:29

Pemuzewyr kar penemimume'u kwer nehe. Peiko zo herehe hemu'em ma'e romo nehe. Hemono kar zo pe zepykaw pe nehe. Ze'eg azeharomoete har amume'u teko ihe.

Jó 9:24

Tupàn omono ywy ikatu 'ym ma'e wapo pe. Upyk tuwihaw waneha pàn pupe no. Aze Tupàn nuiko kwaw a'e ma'e iapo arer romo, mo wiko a'e ma'e iapo arer romo a'e.

Salmos 12:5

Tupàn Tuweharupi Wiko Ma'e uze'eg a'e kury. — Azapo putar ma'e ihe kury. Ta'e teko upuraraw kar ma'erahy waiko hemetarer 'ym ma'e wanupe wà xe. Ipuraraw par ikuhem ma'erahy wi wà. Heràro waiko wà, a'e rupi azekaiw putar wanehe ihe nehe, i'i Tupàn Tuweharupi Wiko Ma'e.

Salmos 142:4

Ame'e hezeake. Naexak kwaw hepytywà har. Naheta kwaw hepyro har wà. Naheta kwaw herehe uzekaiw ma'e wà.

Salmos 142:5

O Tupàn Tuweharupi Wiko Ma'e, ahapukaz newe hepytywà àwàm henoz pà ihe. O Tupàn, ereiko herehe uzekaiw ma'e romo ne. Naputar kwaw amo ma'e hereko haw ihe. Xo ne zo uruputar ihe.

Salmos 42:3

Azai'o 'aromo ihe. Azai'o pyhaw no. Herehaykwer uzeapo heremi'u romo. Heàmàtyry'ymar upuranu herehe tuweharupi wà. — Ma'e pe hekon Tupàn nezar a'e, i'i ihewe wà.

Salmos 42:9

Apuranu Tupàn itahu hemimar rehe ihe. — Màràzàwe tuwe nereharaz ihewi. Màràzàwe tuwe heàmàtyry'ymar Upuraraw kar ma'erahy ihewe wà, a'e izupe.

Salmos 69:20

Herehe waze'eg zemueteahy awer upei'ài'àg hepy'a a'e. Nàro kwaw hepyro àwàm kury. — Aze ru'u amo hepuhareko putar wà nehe, a'e wanupe. Àro e hepuhareko àwàm. Ni amo nahepuhareko kwaw wà. — Aze ru'u amo hemurywete kar putar wà wà nehe, a'e wanupe. Àro e hemurywete kar àwàm. Ni amo nuhem kwaw heruwake wà.

Salmos 69:21

Hema'uhez mehe umur puruzuka haw ihewe heremi'u romo wà. Heiwez mehe umur win hazahy ma'e ihewe wà.

Salmos 80:5

Eremur tehaykwer typy'ak romo iapo pyrer urewe ureremi'u romo ne. Eremynehem kanek tehaykwer pupe i'u kar pà urewe no.

Êxodo 1:16

— Kuzà Izaew izuapyapyr wapytywà mehe nehe, wamemyr wazexak kar mehe nehe, aze uzexak kar awa nehe, pezuka a'e imemyr nehe. Aze uzexak kar kuzà nehe, tuwe wikuwe nehe, i'i wanupe.

Êxodo 1:22

Waneta haw na'ikatu kwaw tuwihawete pe. A'e rupi umume'uahy ko wemimutar teko wanupe a'e kury. — Izaew izuapyapyr wamemyr awa ko 'ar rehe uzexak kar ma'e paw wà nehe, pemomor yrykawhu Niru her ma'e pupe pe wà nehe. Wamemyr kuzà pemuikuwe kar pe wà nehe, i'i wanupe.

Provérbios 19:7

Teko uze'eg zemueteahy te uwywyr rehe wà, aze tywyr wiko hemetarer 'ym ma'e romo. A'e rupi, aze imyrypar utyryk izuwi, nazanepytuhegatu kwaw. Ikene'o umyrypar wanekar mehe. Nuzekaiw kwaw hehe wà.

Provérbios 28:3

Àmàn iaiw ma'e umumaw ma'e paw a'e, umumaw ma'e ipo'o pyràm paw a'e no. Hemetarer 'ym ma'e amogwer hemetarer 'ym ma'e wama'e rehe imunar ma'e nuzawy kwaw agwer àmàn a'e.

Provérbios 29:2

Aze imunar 'ym ma'e wiko tuwihaw romo wà, teko hurywete a'e wà. Aze ikatu 'ym ma'e wiko tuwihaw romo wà, teko uze'egahy wanehe wà.

Eclesiastes 3:16

Ko ywy rehe aexak ko ma'e ihe no: Aze hepurexak wer pureruze'egatu haw rehe amo me, aexak ikatu 'ymaw a'e pe ihe.

Eclesiastes 5:8

Erexak putar amo tuwihaw ikatu 'ym ma'e iapo mehe amo wanupe nehe. Nepytuhegatu zo hexak mehe nehe. Upuraraw kar ma'erahy hemetarer 'ym ma'e wanupe wà. Aze ipuruapo wer ma'e rehe wà, tuwihaw nuzapo kar kwaw wanupe wà. Tuwihaw ikàg wera'u ma'e uzekaiw tuwihaw ikàg ma'e wanehe wà.

Eclesiastes 7:7

Aze Ma'e Kwaw Katu Har umuahy amo, a'e ae wiko iranaiw ma'e romo a'e. Aze tuwihaw upyhyk temetarer wemu'emaw tàmuzgwer wanenataromo har hekuzaromo, umuaiw weko haw.

Eclesiastes 8:9

Ko ywy rehe, uzeapo ma'e kwer rehe hema'enukwaw mehe, aexak ko ma'e paw ihe. Amo 'ar mehe amo wiko upuner ma'e romo wà. Amo ae teko upuraraw ma'erahy a'e 'ar mehe wà. Ta'e a'e upuner ma'e wiko a'e teko ikàg 'ym ma'e wazar romo a'e xe.

Isaías 5:7

Tupàn Tuweharupi Wiko Ma'e Ikàg Wera'u Ma'e iko uwà tyw izar ài, uwà Tupàn hemimutar a'e, wiko Izaew romo teko Zuta ywy rehe har romo a'e. Tupàn weruzar kar uze'eg wanupe. Nuweruzar kwaw wà. Iaiw ma'e uzapo upuruzuka pà wà. Wàro ikatu ma'e wanemiapo, nuexak kwaw. Xo umàno etea'i ma'e wanehapukaz taw zo wenu a'e. — Urepytywà pe nehe, i'i wà.

Isaías 51:23

Amono putar ko kanek neàmàtyry'ymar wanupe nehe, ta'e uze'eg nezewe newe a'e wà xe. — E'aw ywy rehe nehe. Urupyropyrog putar nerehe ure nehe, i'i newe wà. Ere'aw. Upyropyrog nerehe wà. Ywy imuku'i pyrer pe rupi har ài nerereko wà.

Isaías 59:7

Pezàn peho ikatu 'ym ma'e iapo pà. Na'arewahy pezuka teko ikatu 'ym ma'e iapo 'ymar peho pe wà. Xo ma'erahy amo wanupe penemipuraraw rehe pema'enukwaw. Wyzài taw rupi wyzài ywy rehe pekwaw mehe pezuhazuhaw ma'e paw rupi. Pemono iaiw paw a'e pe paw rupi no.

Jeremias 16:7

Ni amo numai'u kwaw amo wanehe we imurywete kar pà iànàm imàno awer rehe wà nehe. Nu'u kwaw win hehe we wà nehe no. Ni amo numurywete kar kwaw amo wà nehe, ni tu umàno ma'e kwer imurywete kar pà wà nehe, ni ihy umàno ma'e kwer imurywete kar pà wà nehe.

Lamentações de Jeremias 1:16

A'e ma'e paw uremuzai'o kar. Umynehem urereha urerehay kwer pupe. Naheta kwaw uremurywete kar har wà. Naheta kwaw uremukàg kar har wà. Ureàmàtyry'ymar urereityk wà. Teko tawhu pe har upyta heityk pyrer inuinuromo wà.

Lamentações de Jeremias 1:17

Urupyho urepo. Nezewe rehe we ni amo na'urepytywà kwaw wà. Tupàn Tuweharupi Wiko Ma'e umur kar ureàmàtyry'ymar urekutyr ma'ema'e wi a'e wà. Urerereko ma'e purumuzewaru kar haw ài wà.

Lamentações de Jeremias 1:2

Umumaw pytun gatu uzai'o pà. Hehaykwer uwyryk huwa rehe. Kwehe mehe heta imyrypar tetea'u wà. Ni pitài nupyta kwaw imurywete kar har romo kutàri wà. Paw rupi weityk wà. Wiko iàmàtyry'ymar romo wà kury.

Lamentações de Jeremias 1:9

Hemiapo kwer ikatu 'ym ma'e nuzawy kwaw ipihunaw ikamir rehe har. Nazawaiw kwaw hexakaw. Zeruzarez na'ima'enukwaw kwaw uzeapo ma'e ràm rehe. U'araiwete tuwe. Naheta kwaw imurywete kar àràm. Iàmàtyry'ymar weityk wà. — Hepuhareko pe nehe, i'i Tupàn Tuweharupi Wiko Ma'e pe.

Amós 3:10

Nezewe i'i Tupàn Tuweharupi Wiko Ma'e kury. — Teko Xamari tawhu pe har nukwaw kwaw ma'e iapo haw umunar 'ym pà wà. Imunar ma'e tetea'u rehe wà. Wàpuzuhu umynehem a'e ma'e pupe wà.

Amós 3:9

Pemume'u ko ze'eg tàpuzuhu Azenoz tawhu pe har wanupe nehe, Ezit ywy rehe har wanupe nehe no. — Pezemono'og peho ywytyr Xamari tawhu izywyr har wanehe nehe. Pexak ikatu 'ymaw a'e tawhu pe har nehe. Pexak ma'e rehe imunar haw a'e pe har nehe. Pexak puruzuka haw a'e pe har nehe.

Malaquias 2:13

Pezapo amo ae ma'e peiko no. Pekuhem peiko. Pezai'o no. Pepyk ma'ea'yr hapy haw penehay kwer pupe, ta'e ma'ea'yr penemizuka na'ikatu kwaw Tupàn pe kury xe. Napemuawyze kwaw wazuka re a'e.

Malaquias 3:18

Iahykaw rehe uzeapo putar ikatu ma'e teko ikatu ma'e wanupe nehe. Uzeapo putar ikatu 'ym ma'e teko ikatu 'ym ma'e wanupe nehe no. Heremiaihu wexak putar a'e ma'e uzeapo ma'e ràm wà nehe. Ikatu ma'e uzeapo putar hereruzar har wanupe nehe. Ikatu 'ym ma'e uzeapo putar hereruzar 'ymar wanupe nehe, i'i Tupàn.

Malaquias 3:5

Tupàn Ikàg Wera'u Ma'e uze'eg iko teko wemiaihu wanupe kury. — Azur putar penemiapo kwer ikatu 'ymaw imume'u pà nehe. Amume'u putar hemuwete 'ymar wanemiapo kwer nehe. Paze ma'e wà, wemireko 'ym puhe oho ma'e wà, umen 'ym puhe oho ma'e wà, hemu'em ma'e wà, uma'ereko ma'e wanehe imunar ma'e wà, kuzà imen umàno ma'e kwer wanemetarer ipyhyk e har wà, kwarer tu 'ym ma'e kuzàtài tu 'ym ma'e wanemetarer ipyhyk e har wà. Agwer peinuinuromo har paw wanehe azepyk putar nehe.

Mateus 26:56

Agwer ma'e paw rupi katete uzeapo nezewe a'e, ta'e Tupàn ze'eg imume'u har nezewe haw umume'u kwehe mehe a'e wà xe, uze'eg imuapyk pà pape rehe a'e wà xe. Na'e ure hemimu'e ure kury, uruhem oroho izuwi uruzàn pà ure kury.

Deuteronômio 28:33

Amo ywy rehe har ur putar wà nehe, arozràn penemitygatu kwer penemipo'o katu kwer heraha pà wà nehe. Tuweharupi uzapo putar ikatu 'ym ma'e peme wà nehe. Tuweharupi uzeagaw putar ikatu 'ym ma'e iapo pà peme wà nehe no.

Deuteronômio 28:48

peiko putar peàmàtyry'ymar wanupe uma'ereko e ma'e romo nehe. Tupàn Tuweharupi Wiko Ma'e umur kar putar a'e teko pekutyr a'e wà nehe. Pema'ereko putar wanupe pema'uhez pà peiwez pà nehe. Naheta kwaw kamir peme nehe. Naheta kwaw topoz peme nehe. Ma'e paw nuhyk kwaw peme nehe. Tupàn pemuahy kar putar nehe. Te pemumaw putar nehe.

Tiago 5:4

Napemekuzar kwaw peko pe uma'ereko ma'e pe wà. A'e rupi uze'eg zemueteahy waiko penehe wà kury. Peko pe ma'e 'a kwer ipo'o har wà, uze'eg waiko Tupàn pe wà. — O Tupàn. Urezar upuraraw kar ma'erahy waiko urewe a'e wà. Ezepyk wanehe nehe. Ta'e numur kwaw urema'ereko awer hekuzar urewe a'e wà xe, i'i waiko Tupàn pe wà.

Juízes 4:3

Heta 90 ywyramawa itatàtà iapo pyrer izupe. A'e rupi upuraraw kar ma'erahy tetea'u Izaew wanupe. Umumaw 20 kwarahy agwer ma'e iapo pà wanupe. A'e rupi Izaew uze'eg Tupàn pe wà. — Urepytywà pe nehe, i'i izupe wà.