Eclesiastes 12:2 - Tupàn zeꞌeg

² — Kwarahy nuhyape katu kwaw kury, peze putar amo 'ar mehe nehe. — Zahy nuhyape katu kwaw kury, zahytata nuhyape katu kwaw wà kury, peze putar amo 'ar mehe nehe. — Ywàkun àmàn hereko har noho pixik kwaw xe wi a'e, peze putar amo 'ar mehe nehe. A'e 'ar ihem 'ym mehe we pema'enukwaw peapo arer rehe nehe.

Eclesiastes 12:2 ပူးပေါင်းရင်းမြစ်များ

Gênesis 27:1

Itua'uhez Izak kury. Nahehàpyhà kwaw kury. Amo 'ar mehe wenoz wa'yr ipy Ezau uzeupe kury. — Hera'yr, i'i izupe. — Aiko xe, heru, i'i ta'yr u pe. Uze'eg wi tu izupe.

Gênesis 48:10

Itua'uhez tuwe Zako, a'e rupi nahehàpyhàgatu kwaw. Heha na'ikatu kwaw. Weraha Zuze a'e mokoz kwàkwàmo u huwakea'i wà kury. Zako uzàzuwàn wà, wazurupyter pà wà.

Salmos 71:20

Erepuraraw kar ma'erahy ihewe. Hemuzemumikahy kar pe no. Eremur wi putar nekàgaw ihewe nehe. Hepyro putar pe tywypaw wi nehe.

Salmos 77:16

O Tupàn, nerexak mehe 'y ukyze a'e. 'Y yryhu pe har ohoete ma'e uryryryryz a'e no.

Salmos 90:10

Xo 70 kwarahy ru'u zo urumumaw uruiko pà. Ikàg wera'u ma'e uhem 80 kwarahy pe wà. A'e kwarahy werur xo urekene'o haw zo urewe. Xo ma'erahy ipuraraw paw zo werur urewe. Na'iàrew kwaw urereko haw iahykaw. Na'e urukàzym.

Isaías 13:10

Zahytata paw upytu'u putar weny katu re wà nehe. Uhem ire na'arewahy kwarahy ipihun putar nehe. Zahy upytu'u weny katu re a'e nehe no.

Isaías 5:30

A'e 'ar ihem mehe a'e teko wànoànog putar yryhu ài Izaew wanehe ipuràmàtyry'ym wer pà wà nehe. Aze amo ume'e ywy rehe wà nehe, xo ipytunahy haw zo wexak putar wà nehe. Wexak putar zemumikahy haw wà nehe. Wexak putar ywàkun ipihun ma'e tatainy ipykaw wà nehe.

Joel 3:15

Kwarahy upytu'u uhyape katu re. Zahy upytu'u uhyape katu re no. Zahytata upytu'u uhyape katu re wà no.

Mateus 24:29

Uze'eg wi Zezuz urewe. — A'e ma'erahy ipaw ire nehe, kwarahy uwew putar a'e nehe, zahy nuhyape kwaw a'e nehe no. Zahytata u'ar putar kwaw pà ywak wi a'e wà nehe no. Ma'e ywak rehe har uryryryryz putar a'e wà nehe no.

1 Samuel 3:2

Eri wiko tària'i hehàpyhà 'ym ma'e romo a'e 'ar rehe a'e. Amo 'ar mehe pyhaw uker upà uker haw pe a'e kury.

1 Samuel 4:15

Wereko Eri 98 kwarahy a'e 'ar mehe. Nahehàpyhà pixik kwaw kury.

1 Samuel 4:18

Tupàn Ze'eg Hyru rehe ze'egaw henu re u'ar Eri wapykaw wi ukupe kutyr tawhu ukenaw huwake a'e kury. Tua'uhez a'e. Ikyra katu no. A'e rupi u'ar mehe uhaw wazu'yw a'e kury. Umàno kury. Umumaw Eri 40 kwarahy Izaew izuapyapyr wanuwihaw romo wiko pà.