Deuteronômio 4:32 - Tupàn zeꞌeg

³² Pezemu'e uzeapo ma'e kwer rehe upaw rupi nehe: ywy iapo awer rehe, teko wapo awer rehe no. Peata ywy nànàn teko nànàn pepuranu pà nehe. — Aipo pexak agwer ma'e, peze wanupe nehe. — Aipo peinu agwer ma'e, peze wanupe nehe.

Deuteronômio 4:32 ပူးပေါင်းရင်းမြစ်များ

Gênesis 1:27

Tupàn uzapo teko wikuwe ma'e nezewe a'e wà. Umuigo kar uzezàwe nugar romo wà: Uzapo awa. Uzapo kuzà no.

2 Samuel 7:23

Naheta kwaw amo ae teko ywy rehe wà, neremiaihu Izaew wazàwenugar wà. Erepyro paw ne wà, neremiaihu romo wamuigo kar pà ne wà. Erezeapo ikwaw katu pyr romo teko wanupe. Erezapo ikatuahy ma'e purumupytuhegatu kar haw neremiaihu wanupe. Erepyro neremiaihu Ezit ywy wi kwehe mehe ne wà. Eremuhem kar amogwer teko ko ywy wi, watupàn a'ua'u rehe we ne wà. Aze neremiaihu uhem amo ywy pehegwer pe wà, eremuhem kar amogwer teko a'e ywy wi neremiaihu wanenataromo ne wà.

Jó 8:8

Epuranu tua'uhez ma'e wanehe nehe. Ezemu'e neipy wanemiapo kwer rehe nehe no.

Salmos 44:1

O Tupàn, uruenu Ureipy wanemimume'u kwer ure. Uruenu neremiapo kwer uhua'u ma'e Ureipy waneko mehe arer ure, kwehe arer ure.

Êxodo 34:10

Uze'eg Tupàn Tuweharupi Wiko Ma'e izupe. — Amume'uahy putar heremiapo ràm peme nehe kury, heze'egaw iapokatu pà penehe we nehe kury. Neremiruze'eg wanenataromo azapo putar ma'e temixak 'ym ihe nehe. Ni amo ywy rehe har nuexak kwaw agwer ma'e heremiapo ràm zàwenugar wà. Peiko amo teko wainuromo. A'e teko wexak putar peme heremiapo ràm wà nehe. Ipytuhegatu putar hexak mehe wà nehe.

Isaías 45:12

Ihe azapo ywy kwehe mehe ihe. Azapo teko ihe wà, ywy rehe wiko ma'e ràm romo ihe wà. Hepo pupe apupirar ywak. — Pezexak kar nehe, a'e kwarahy pe, zahy pe no, zahytata wanupe no.

Joel 1:2

— Peme'egatu nehe, tua'uhez kwer wà. Pezeapyaka katu nehe, Zuta ywy rehe har wà. Uzeapo putar amo iaiwahy ma'e nehe. Nuzeapo pixik kwaw agwer iaiw paw ko 'ar 'ym mehe we. Nuzeapo pixik kwaw zaneipy wa'ar rehe no.

Amós 3:2

Heta tetea'u teko ywy rehe wà. Xo pe zo apuexaexak heremiaihu romo ihe. A'e rupi azepyk putar penehe nehe, ta'e ikatu 'ym ma'e tetea'u pezapo pe xe, i'i Tupàn peme.

Mateus 24:31

Tupàn heko haw pe har upy putar uxi'àm uhua'u ma'e a'e nehe. Na'e Tupàn omono kar putar weko haw pe har ywy nànàn a'e wà nehe no. Omono'og putar Tupàn hemiruze'eg a'e wà nehe, omono'og putar hemixamixak kwer a'e wà nehe.

Marcos 13:27

Amono kar putar Tupàn heko haw pe har ihe wà nehe, Tupàn hemiruze'eg ywy nànànar wamono'og pà ihe wà nehe.

Deuteronômio 28:64

Tupàn Tuweharupi Wiko Ma'e pemuhàmuhàz putar ywy nànàn nehe. Uzypyrog putar pe pe nehe, te oho 'a pe pemuhàmuhàz pà nehe. A'e ywy rehe peneko mehe pemuwete putar tupàn a'ua'u ywyra iapo pyrer pe wà nehe. Pemuwete putar tupàn a'ua'u ita iapo pyrer pe wà nehe. Ni pe ni peipy napekwaw kwaw a'e tupàn pe wà.

Deuteronômio 30:4

Aze pemuhàmuhàz ywy muite wera'u ma'e nànàn nehe, nezewe rehe we Tupàn Tuweharupi Wiko Ma'e Zanezar pemono'og putar pemuzewyr kar pà nehe.

Deuteronômio 32:7

Pema'enukwaw uzeapo ma'e kwer rehe nehe. Pema'enukwaw kwehe arer rehe nehe. — Ma'e uzeapo kwehe mehe, peze penu wanupe nehe. — Pemume'u uzeapo ma'e kwer kwehe arer nehe, peze tua'uhez ma'e wanupe nehe.

Deuteronômio 33:29

Teko Izaew izuapyapyr wà. Penurywete tuwe peiko. Naheta kwaw amo teko pezàwenugar wà. Peiko teko Tupàn Tuweharupi Wiko Ma'e hemipyro kwer romo. Wiko u'yw wi pezemimaw romo a'e. Wiko petakihe puku romo no. Pezeàmim puruzuka haw wi. Weityk peàmàtyry'ymar penenataromo wà no. Izaew, peàmàtyry'ymar wapyk putar upenàràg rehe penenataromo wà nehe. — Urepuhareko pe nehe, i'i putar peme wà nehe. Pepyhyk putar waiwy nehe. Peiko putar waiwy izar romo nehe.

Deuteronômio 4:7

Ni amo teko nuwereko kwaw uzar Tupàn Tuweharupi Wiko Ma'e Zanezar zàwenugar wà. Zanezar upyta zaneruwake a'e. Aze xinoz ma'e izupe, zanerenu tuweharupi a'e.