Deuteronômio 32:8 - Tupàn zeꞌeg

⁸ Tupàn ywate wera'u ma'e umuhàmuhàz teko paw a'e wà. Omono ywy wanupe pitàitàigatu no. Umuapyk ma'e ywyzaw nànàn. Omono amo tupàn wanupe wazar romo pitàitàigatu wà no.

Deuteronômio 32:8 ပူးပေါင်းရင်းမြစ်များ

Gênesis 10:15

Heta mokoz Kànàà ta'yr izupe wà: Xitom tyky'yr her romo a'e. Ete tywyr her romo a'e.

Gênesis 10:25

Heta mokoz ta'yr Emer pe a'e wà. Tyky'yr a'e, Pereg her romo a'e. — Uzemuza'aza'ak ma'e kwer wà, i'i her zaneze'eg rupi. Ta'e a'e 'ar mehe teko ywy rehe har uzemuza'aza'ak a'e wà xe. Tywyr a'e, Zokità her romo a'e.

Gênesis 10:5

Zape izuapyapyr a'e wà, uzapo weko haw oho yryhu iwyr a'e wà, yrypypo'o rehe a'e wà no. Teko pitàitàigatu a'e wà, uzeànàànàm ma'e kwer a'e wà no, upyhyk uiwy oho a'e wà, a'e pe weko haw iapo pà a'e wà, uze'eg rupi uze'eg pà a'e pe a'e wà.

1 Crônicas 16:18

Nezewe haw rehe Tupàn uze'eg nezewe. — Amono putar Kànàà ywy peme ihe nehe. Peiko putar izar romo tuweharupi nehe, i'i.

Jó 15:19

Wanu wiko amo ywy rehe wà. Naheta kwaw amo ae ywy rehe arer a'e ywy rehe wiko ma'e wà.

Salmos 115:16

Xo Tupàn Tuweharupi Wiko Ma'e zo wiko ywak izar romo a'e. Ywy omono teko wanupe.

Salmos 50:14

Tuwe hekatu haw imume'u haw pemur ihewe imur pyr romo nehe. Tuwe pemur ma'e penemimume'u kwer paw ihewe imur pyr romo nehe. Aiko Tupàn Ywate Wera'u Har romo ihe.

Salmos 7:17

Ihe amume'u Tupàn ikatu haw izupe ihe, ta'e uzepyk ikatu 'ym ma'e wanehe a'e xe. Azegar Tupàn Tuweharupi Wiko Ma'e hezar ywate wera'u har pe ihe, ikatu haw rehe ihe.

Salmos 74:17

Erezapo ywy iahykaw. Eremugyr kar àmàn. Eremuhyape katu kar kwarahy no.

Salmos 82:6

Nezewe aze'eg peme. — Peiko tupàn romo. Pe paw peiko Tupàn Ywate Wera'u Har ta'yr romo.

Salmos 91:1

Aze amo wekar weko katu haw Tupàn Ywate Wera'u Har inuromo nehe, aze uzeàmim Tupàn Ikàg Wera'u Ma'e i'àg purumim ma'e iwy pe nehe,

Salmos 92:8

Ne, Tupàn Tuweharupi Wiko Ma'e, ne, ereiko amo wa'aromo tuweharupi upaw rupi ne. Ereiko ma'e wa'aromo upaw rupi ne no.

Isaías 14:14

Azeupir putar ywàkun ywate wera'u ma'e wa'aromo nehe. Aiko putar Tupàn Ywate Wera'u Har zàwegatete nehe, ere nezeupe kwehe mehe.

Daniel 4:17

Tupàn heko haw pe har umume'u heko àwàm wà. Tupàn heko haw pe har ume'egatu ma'e umume'u nezewe haw wà. Nezewe mehe teko paw ukwaw putar Tupàn Upuner Wera'u Ma'e heko haw a'e wà nehe. Tuwihawete wanuwihawete romo hekon a'e. Umuigo kar wyzài awa tuwihawete romo wemimutar rupi a'e wà. Te awa ikàg 'ym wera'u ma'e umuigo kar tuwihawete romo a'e.

Daniel 5:18

O tuwihawete, Tupàn Upuner Wera'u Ma'e umur pureruze'egaw neru tuwihawete Namukononozor pe a'e. Umur upuner haw izupe a'e no, umur ipuràg eteahy haw no, umur tuwihawete romo heko haw no.

Miquéias 2:5

Amo 'ar mehe Tupàn umuza'aza'ak wi putar ko ywy wemimume'u kwer nehe, ipehegwer wamono pà wemiaihu wanupe nehe. A'e 'ar mehe napepyhyk kwaw ni pitài ipehegwer nehe.

Números 23:9

Itahu apyr hereko mehe, ywytyruhu apyr hereko mehe aexak teko Izaew izuapyapyr ihe wà. Wiko a'e zutyka'i wà. — Nazaiko kwaw amogwer teko wazàwe, i'i uzeupeupe wà.

Números 24:16

Upuner Tupàn ze'eg henu haw rehe. Aze Tupàn ywate wera'u ma'e umur ma'e kwaw paw izupe, upuner ikwaw paw rehe. A'ar ihe. Herehazawok kury. Aexak Tupàn upuner wera'u ma'e hepuahu zàwenugar kury.

Atos 17:26

Uzapo awa ipy a'e. A'e awa upurumuzàg a'e. Ipurumuzàmuzàg umuzàg amo wà no. Teko paw rupi katete wiko a'e awa izuapyapyr romo a'e wà. Tupàn umuigo kar wamono ywy nànàn a'e wà. A'e ae wexaexak ywy teko waneko àwàm a'e no. Peiko ko ywy rehe nehe, i'i amo wanupe.

Atos 7:48

Tupàn a'e, ikàg wera'u ma'e a'e, nuiko kwaw tàpuz teko wanemiapo kwer pupe a'e. Nezewe i'i Tupàn kwehe mehe a'e, uze'eg imuapyk kar pà amo pe a'e.

Deuteronômio 33:28

Teko Izaew wiko katu tuweharupi wà. Wiko zeàmàtyry'ym 'ymaw rehe ywy ikatu ma'e rehe wà. A'e ywy umur arozràn tetea'u wanupe. Umur win tetea'u wanupe no. Zuwiri tetea'u u'ar ywy rehe.