Deuteronômio 30:4 - Tupàn zeꞌeg

⁴ Aze pemuhàmuhàz ywy muite wera'u ma'e nànàn nehe, nezewe rehe we Tupàn Tuweharupi Wiko Ma'e Zanezar pemono'og putar pemuzewyr kar pà nehe.

Deuteronômio 30:4 ပူးပေါင်းရင်းမြစ်များ

1 Reis 8:34

einu katu waze'eg ywak rehe nereko mehe nehe. Emunàn wanemiapo kwer neremiaihu wanuwi nehe. Kwehe mehe a'e. Eremur ko ywy waipy wanupe. Erur wi neremiaihu xe ko ywy rehe ne wà nehe no, wanemiapo kwer wi nereharaz ire ne wà nehe no.

2 Crônicas 30:9

Aze pezewyr Tupàn pe nehe, a'e mehe peàmàtyry'ymar peànàm waneraha arer pena'yr waneraha arer a'e wà nehe, upuhareko putar a'e wà nehe. Umuzewyr kar putar waneko awer pe wà nehe no. Ta'e Tupàn Tuweharupi Wiko Ma'e Zanezar ikatu a'e xe. Upurupuhareko no. Pemuawyze kar putar nehe no, aze pezewyr izupe nehe, i'i wanupe a'e pape rehe uze'eg imuapyk pà wà.

Neemias 1:9

— Aze a'e re pezewyr ihewe nehe, aze peruzar wi heremiapo putar haw nehe, apumuzewyr kar putar peneruwà ywy heremixak kwer pe nehe. Hemuwete katu pe xe nehe, a'e peme kwehe mehe. Aze pezemuhàmuhàz ywy nànàn nehe, nezewe rehe we apumuzewyr kar putar peneruwà xe nehe, ere Izaew wanupe, Moizez pe imume'u kar pà.

Isaías 27:12

A'e 'ar mehe Tupàn Tuweharupi Wiko Ma'e o'ok putar wemiaihu teko amogwer teko wamyter wi upaw rupi wà nehe. Ko 'ar rehe hemiaihu wiko ywy tetea'u wanehe wà. Waneko haw uzypyrog Ewparat yrykaw pe. Oho Ezit ywy rehe no. Teko oxooxok arozràn iapirer wi henuhenuhem pà wà. Nezewegatete amono'og putar Izaew ihe wà nehe no, amo teko wanuwi wa'ok pà pitàitàigatu ihe wà nehe no.

Isaías 43:6

— Pemuhem kar heremiaihu peneko haw wi nehe, a'e putar kwarahy heixe haw awyze har kutyr har wanupe nehe. — Pemupyta kar zo heremiruze'eg peywy rehe nehe, a'e putar kwarahy ihemaw awyze har kutyr har wanupe nehe. — Tuwe hera'yr uzewyr weko awer pe herazyr wanupi wà nehe, a'e putar ywy muite wera'u rehe har wanupe nehe.

Isaías 48:20

Pehem Mawiron tawhu wi nehe. Pezàwehem a'e wi nehe. Penehapukaz penurywete haw rupi ko ze'eg imume'u pà ywy nànànar wanupe nehe. — Tupàn Tuweharupi Wiko Ma'e upyro wemiruze'eg a'e wà, teko Izaew izuapyapyr her ma'e wapyro pà a'e wà, peze purupe nehe.

Isaías 62:11

Ywy nànàn Tupàn Tuweharupi Wiko Ma'e umume'u ko ze'eg a'e. — Peze'eg teko Zeruzarez pe har wanupe nehe. — Pepyro har uhem iko a'e, peze wanupe nehe, — Werur teko wemipyro kwer wanereko uzeupi wà no, peze wanupe nehe.

Jeremias 31:8

Arur putar kwarahy heixe haw awyze har kutyr har wi wà nehe. Ywy muite wera'u har wanuwi amono'og putar ihe wà nehe. Teko ur putar wanupi wà nehe. Hehàpyhà 'ym ma'e wà, Wata 'ym ma'e wà, Kuzà ipuru'a ma'e wà, Kuzà imemyrzexak kar etea'i ma'e wà. Uzewyr putar teko tetea'u uzemono'og ma'e romo wà nehe.

Jeremias 8:3

Amo a'e teko iaiw ma'e numàno kwaw wà nehe. Amuhàmuhàz putar ihe wà nehe. Wiko putar ywy nànàn wà nehe. Imàno wer putar zepe wà nehe. — Nahereko wiwi wer kwaw ihe, i'i putar wà nehe. Ihe Tupàn Tuweharupi Wiko Ma'e aze'eg kwez ihe kury.

Ezequiel 36:24

Apuenuhem putar peywy 'ym wi nehe, peneruzewyr pà peywy pe nehe.

Mateus 24:31

Tupàn heko haw pe har upy putar uxi'àm uhua'u ma'e a'e nehe. Na'e Tupàn omono kar putar weko haw pe har ywy nànàn a'e wà nehe no. Omono'og putar Tupàn hemiruze'eg a'e wà nehe, omono'og putar hemixamixak kwer a'e wà nehe.

Marcos 13:27

Amono kar putar Tupàn heko haw pe har ihe wà nehe, Tupàn hemiruze'eg ywy nànànar wamono'og pà ihe wà nehe.

Deuteronômio 28:64

Tupàn Tuweharupi Wiko Ma'e pemuhàmuhàz putar ywy nànàn nehe. Uzypyrog putar pe pe nehe, te oho 'a pe pemuhàmuhàz pà nehe. A'e ywy rehe peneko mehe pemuwete putar tupàn a'ua'u ywyra iapo pyrer pe wà nehe. Pemuwete putar tupàn a'ua'u ita iapo pyrer pe wà nehe. Ni pe ni peipy napekwaw kwaw a'e tupàn pe wà.