Deuteronômio 21:3 - Tupàn zeꞌeg

³ A'e mehe tuwihaw tawhu huwakea'i wera'u ma'e pe har upyhyk putar tapi'aka'yr uma'ereko pixik 'ym ma'e kwer a'e wà nehe.

Deuteronômio 21:3 ပူးပေါင်းရင်းမြစ်များ

Jeremias 31:18

Teko Izaew umume'u uzeapo ma'e kwer ikatu 'ym ma'e wà. Aenu waze'eg mehe ihe wà. — O Tupàn, uruiko tapi'aka'yr imugakwaw pyr 'ym ài ure. Ne uremu'e pe nereruzar haw rehe. Uremuzewyr kar pe nehe, o Tupàn. A'e mehe uruzewyr putar newe nehe. Ta'e ereiko Tupàn Tuweharupi Wiko Ma'e romo urezar romo ne xe.

Números 19:2

i'i Tupàn Tuweharupi Wiko Ma'e Moizez pe Àràw pe. — Perur tapi'ak kuzà ipiràg ma'e ikatu 'ymaw hereko 'ymar ko pe uma'ereko 'ym ma'e xe nehe.

Deuteronômio 10:8

A'e 'ar mehe Tupàn Tuweharupi Wiko Ma'e wexaexak Erewi izuapyapyr wà. — Awa Erewi izuapyapyr weraha putar heze'eg hyru wà nehe. Wiko putar xaxeto romo herenataromo wà nehe no. Omono putar heze'egatu teko wanehe herekuzaromo a'e wà nehe no. Te ko 'ar rehe uzapo a'e ma'e oho waiko wà.

Deuteronômio 21:2

Aze uzeapo nezewe haw nehe, tuwihaw a'e wà nehe, tàmuz a'e wà nehe no, wexak muite haw wà nehe. Uzypyrog hetekwer hexak awer pe wà. Oho putar tawhu hexak awer huwake har wanupe pitàitàigatu wà nehe, muite haw pitàitàigatu hexak pà wà nehe.

Deuteronômio 21:4

Na'e weraha putar a'e ma'ea'yr ywyàpyznaw yrykaw typaw pixik 'ym ma'e hereko har pe wà nehe, ywy iwykawyka pixik 'ym pyrer hereko har pe wà nehe, ma'eà'yz izutym pixik 'ym awer pe wà nehe. A'e pe wahem mehe uzuhaw putar ma'ea'yr iazu'yw izuwi wà nehe.

Filipenses 2:8

— Aiko tuwihaw ikàg wera'u ma'e romo ihe, ni'i kwaw a'e 'ar mehe uzeupe. Weruzar tuwe Tupàn. Te umàno ywyra kanetar rehe u heruzar pà nezewe.

1 Samuel 6:7

Urumume'u putar penemiapo ràm peme nehe kury. Perur mokoz tapi'ak ywyramawa heruata pixik 'ymar xe wà nehe. Perur amo ywyramawa ipyahu ma'e xe nehe no. Pezàpixipixi a'e tapi'ak a'e ywyramawa rehe wà nehe. A'e re peraha wamemyr pari pe wà nehe.