Deuteronômio 11:11 - Tupàn zeꞌeg

¹¹ Heta ywytyr tetea'u ywy penemipyhyk ràm rehe. Heta ywyàpyznaw tetea'u hehe. Ukyr àmàn a'e pe tuweharupi no.

Deuteronômio 11:11 ပူးပေါင်းရင်းမြစ်များ

Gênesis 27:28

Hera'yr, tuwe Tupàn umur zuwiri ywate har nerehe nehe, tuwe neremitygwer hezuz katu nehe, tuwe heta tetea'u arozràn newe nehe, tuwe heta tetea'u win newe nehe no.

Salmos 68:9

Eremugyr kar àmàn tetea'u ne. Eremupyahu kar neywy ikatu 'ym ma'e no.

Isaías 28:1

Tupàn uzepyk putar Xamari tawhu rehe nehe, — Tawhu ikatuahy ma'e, i'i uka'u ma'e Izaew ywy rehe har wà. Pepuhareko a'e tawhu ywy katu rehe wapyk ma'e nehe. A'e pe har uka'u waiko wà. Tawhu ipuràgaw ukàzym iko. Nuzawy kwaw ma'eputyr uxinig ma'e kwer.

Jeremias 2:7

Arur ywy ikatu ma'e rehe ihe wà. — Uzutym putar ma'e wà nehe, u'u putar wemipo'o kwer wà nehe, a'e wanupe. U'u putar ma'e a'e ywy rehe har ikatu wera'u ma'e wà nehe no. Nezewe rehe we ur heywy imuaiw pà wà. Uzapo ywy heremimono kwer purumuhuhuk kar haw romo wà.

Ezequiel 36:4

A'e rupi ko 'ar rehe, ywytyr Izaew rehe har wà, peinu katu heze'eg ywytyruhu wanupe har nehe, ywytyr wanupe har nehe, yrykaw wanupe har nehe, ywyàpyznaw wanupe har nehe, ywy imumaw pyrer wanupe har nehe, tawhu teko hereko 'ymaw wanupe har nehe. Peywy huwake har imunar a'e ma'e rehe wà. Uze'eg urywahyahy nerehe wà. Aiko pezar Tuweharupi Wiko Ma'e romo.

Deuteronômio 11:10

A'e ywy penemipyhyk ràm uzawy Ezit ywy penemizarer a'e. Ezit ywy rehe ma'eà'yz itym ire pema'ereko tetea'u 'y ywy rehe heraha pà. Nuzawy kwaw ma'etymaw penàpuz huwake har peme.

Hebreus 6:7

Aze àmàn ukyr ywy rehe nehe, ma'e itym pyrer hezuz putar nehe. Itym arer hurywete putar nehe.