Deuteronômio 10:14 - Tupàn zeꞌeg

¹⁴ Tupàn Tuweharupi Wiko Ma'e wiko ywak ywate wera'u ma'e izar romo a'e. Wiko ywy izar romo no. Wiko ywy rehe har paw wazar romo no.

Deuteronômio 10:14 ပူးပေါင်းရင်းမြစ်များ

Gênesis 14:19

Mekizetek omono uze'egatu Àmàràw rehe kury. Nezewe i'i a'e. Tupàn Ywate Wera'u Har a'e, ywak iapo arer ywy iapo arer a'e, Tuwe omono uze'egatu nerehe a'e nehe.

Gênesis 14:22

Àmàràw uwazar ize'eg izupe kury. — Aupir hepo Tupàn Tuweharupi Wiko Ma'e henataromo ihe kury. Tupàn Ywate Wera'u Ma'e romo ywak ywy iapo arer romo hekon a'e.

1 Reis 8:27

— Apuranu putar nerehe nehe kury, Tupàn. Aipo erepuner xe ywy rehe teko neremiapo kwer wainuromo nereko haw rehe. Nehua'u wera'u ywak wi ne. Ywak nuhyk kwaw newe. Màràzàwe tuwe ereikuwe putar ko tàpuzuhu pupe nehe. Nehua'u wera'u izuwi no.

2 Crônicas 6:18

Aipo erepuner ureinuromo nereko haw rehe, o Tupàn. Uruiko awa neremiapo kwer ywy rehe har romo ure. Nehua'u ne. Ywak ipixika'i newe. Màràzàwe tuwe erepuner 'àg tàpuzuhu newe heremiapo kwer pupe nereixe haw rehe.

Neemias 9:6

Na'e teko Izaew uze'eg nezewe Tupàn pe wà kury. O Tupàn, xo ne zo ereiko Tuweharupi Wiko Ma'e romo ne. Erezapo ywak. Erezapo zahytata no. Erezapo ywy. Erezapo yryhu no. Erezapo yryhu rehe har paw rupi ne wà no. Eremonokatu teko paw wamuikuwe kar pà ne wà. Ywak rehe har wapyk upenàràg rehe nemuwete katu pà wà.

Jó 41:11

Mo upuner iàmàtyry'ymaw rehe uzezuka kar 'ym pà wà. Ni amo wà. Ni amo ywy rehe har nupuner kwaw wà.

Salmos 115:16

Xo Tupàn Tuweharupi Wiko Ma'e zo wiko ywak izar romo a'e. Ywy omono teko wanupe.

Salmos 148:4

Tuwe ywak ywate har umume'u ikatu haw nehe. Tuwe 'y ywak i'aromo har umume'u ikatu haw nehe.

Salmos 24:1

Ywak a'e, hehe har paw a'e wà no, Tupàn Tuweharupi Wiko Ma'e wiko wazar romo upaw rupi katete a'e. Ywy a'e, hehe wiko ma'e paw a'e wà no, Tupàn wiko wazar romo a'e no.

Salmos 50:12

Aze mo hema'uhez, nainoz iwer mo ma'e peme ihe. Ta'e aiko ywy izar romo ihe xe. Aiko ywy rehe har paw wazar romo ihe no.

Salmos 68:33

Pemume'u ikatu haw nehe, kawaru ku'az har ywak rehe har, ywak kwehe arer rehe har. Pezeapyaka katu zanezar ize'eg mehe nehe. Ikàg ize'eg.

Êxodo 19:5

Aze peruzar tuwe heze'eg nehe, aze pezapo tuwe heremimutar nehe, peiko putar tuwe heremiaihu ikatu ma'e romo nehe, amogwer teko wazàwe 'ym nehe. Aiko ywy paw izar romo ihe.

Êxodo 9:29

Uze'eg Moizez izupe. — Tawhu wi heho mehe apyho putar hepo Tupàn Tuweharupi Wiko Ma'e pe heze'eg pà ihe nehe. Upytu'u putar wànoànog ire nehe. Àmàntàtà upytu'u putar ukyr ire nehe no. Nezewe mehe erekwaw putar Tupàn Tuweharupi Wiko Ma'e ywy izar romo heko haw nehe.

Isaías 66:1

Uze'eg Tupàn Tuweharupi Wiko Ma'e. — Ywak wiko herenaw romo. Ywy wiko hepy imupytu'u haw romo. Aipo pepuner tàpuz herereko haw iapo haw rehe. Aipo pepuner hepyta haw iapo haw rehe.

Atos 17:24

— Tupàn a'e, kwehe mehe uzapo ywy a'e, uzapo ma'e ywy rehe har paw rupi katete a'e no. Ywak rehe har wanuwihaw romo hekon a'e. Ywy rehe har wanuwihaw romo hekon a'e no. Nuiko kwaw tàpuz awa wanemiapo kwer pupe.

1 Coríntios 10:26

Ta'e nezewe i'i ze'eg kwehe arer pape rehe imuapyk pyrer a'e xe. — Tupàn ywy izar romo hekon a'e. Ma'e ywy rehe har paw wazar romo hekon a'e no, i'i ze'eg kwehe arer.

1 Coríntios 10:28

Aze amo i'i newe nehe, — Ko temi'u amo omono tupàn a'ua'u wanupe a'e wà, aze i'i newe nehe, e'u zo nehe. Aze nere'u kwaw nehe, a'e mehe — Eremuwete tupàn a'ua'u ne wà, ni'i kwaw newe nehe.

2 Coríntios 12:2

Akwaw amo Zaneruwihawete rehe uzeruzar ma'e ihe. Tupàn weraha a'e awa ywate wera'u a'e. Aze ru'u oho tuwe ywate, aze ru'u upuahu. Nakwaw kwaw ihe. Xo Tupàn zo ukwaw a'e (Ihe a'e awa romo aiko ihe. 14 kwarahy amumaw a'e re ihe, Tupàn ze'eg imume'u har romo hereko pà ihe.)

Deuteronômio 10:13

Peruzar Tupàn ze'eg paw rupi nehe. Amono a'e ize'eg peme kutàri ihe. Ikatu putar peme nehe.

Deuteronômio 33:26

Teko Izaew izuapyapyr wà, naheta kwaw amo Tupàn Zanezar zàwenugar a'e wà. Ikàg a'e. Tuwihawete zàwe hekon. Wahaw ywak. Wapyk ywàkun rehe. Ur zanepyro pà no.