Daniel 3:19 - Tupàn zeꞌeg

¹⁹ A'e ma'e henu mehe wikwahy Namukononozor a'e na'iruz kwàkwàmo wanupe kury. Ipiràgahy wikwahy romo. — Pemuakuahy kar tatahu 7 haw wera'u imuaku haw tuwe wi nehe ty wà, i'i zauxiapekwer wanupe.

Daniel 3:19 ပူးပေါင်းရင်းမြစ်များ

Gênesis 31:2

Izypy mehe Zako ikatuahy Àràmàw pe. Ko 'ar rehe, — Hemyrypar, ni'i kwaw Zako pe kury.

Ester 3:5

Àmà wikwahy Monekaz pe, ta'e nuapyk kwaw upenàràg rehe henataromo imuawate pà a'e xe.

Ester 7:7

Tuwihawete uhem mai'u haw wi wikwahy pà katu pe ma'etymaw pe oho pà. — Tuwihawete uzepyk putar herehe a'e nehe, i'i Àmà uzeupe. A'e rupi upyta mai'u haw pe hemirekoete pe uze'eg pà uzuka 'ym àwàm henozahy pà izupe.

Salmos 76:10

Te teko wakwahy haw umuhua'u kar nekatu haw rehe ze'egaw no. Teko zeàmàtyry'ymawhu pe umàno 'ym ma'e uzapo putar mynykawhu neze'eg rupi wà nehe.

Provérbios 16:14

Aze tuwihawete wikwahy, amo umàno ru'u wà. Ma'e kwaw katu har umupytu'u kar ikwahy re.

Provérbios 21:24

Aze awa wiko wera'u amo wanuwi nehe, aze werekoaiwete wà nehe, — Uze'eg urywahyahy ma'e a'e, za'e izupe.

Isaías 51:23

Amono putar ko kanek neàmàtyry'ymar wanupe nehe, ta'e uze'eg nezewe newe a'e wà xe. — E'aw ywy rehe nehe. Urupyropyrog putar nerehe ure nehe, i'i newe wà. Ere'aw. Upyropyrog nerehe wà. Ywy imuku'i pyrer pe rupi har ài nerereko wà.

Daniel 2:12

Wikwahy tuwihawete kury. Uzuka kar ma'e kwaw katu har Mawiron ywy rehe har paw rupi wà kury.

Daniel 3:13

Waze'eg henu mehe Namukononozor wikwahy kury. Wenoz kar a'e na'iruz awa wà. Zauxiapekwer weraha tuwihawete henataromo wà kury.

Daniel 3:20

Na'e uze'eg wemiruze'eg zauxiapekwer ikàg wera'u ma'e wanupe kury. — Pezàpixipixi 'aw na'iruz kwàkwàmo pe wà nehe. Peityk tatahu pupe pe wà nehe kury, i'i wanupe.

Daniel 5:6

— Nukwaw kwaw uma'enukwaw paw kury. Ipir xigatu ukyze pà. Hetekwer uryryryryz. Uzypyrog iàkàg rehe. Te ipy uryryryryz.

Daniel 6:24

— Perur a'e awa Taniew rehe ipuruzuka wer ma'e kwer xe pe wà nehe ty wà, i'i tuwihawete zauxiapekwer wanupe kury. — Peityk zàwàruhu wanyru pupe pe wà nehe, i'i wanupe. — Peityk wanemireko ipupe pe wà nehe no, wana'yr wanehe we pe wà nehe no, i'i wanupe. Weruzar ize'eg wà. Ywy rehe wahem 'ym mehe we zàwàruhu uxi'u wapei'ài'àg pà a'e wà kury.

Levítico 26:18

A'e re, aze nahereruzar kwaw pe nehe, aze pezapo wiwi ikatu 'ym ma'e nehe, amono kar putar penehe hezepykaw 7 haw iaiw wera'u ma'e penehe nehe.

Levítico 26:21

Aze pezapo wiwi ikatu 'ym ma'e nehe, aze hereityk nehe, aze naperuzar kwaw heze'eg nehe, amono kar putar penehe hezepykaw 7 haw iaiw wera'u ma'e penehe nehe.

Levítico 26:24

aiko putar peàmàtyry'ymar romo nehe. Amono kar putar penehe hezepykaw 7 haw iaiw wera'u ma'e penehe nehe. Ta'e pezapo wiwi ikatu 'ym ma'e xe.

Levítico 26:28

aikwahy putar peme nehe, a'e mehe amono putar penehe hezepykaw 7 haw iaiw wera'u ma'e penehe nehe.

Atos 5:33

Tuwihaw wà, wanenu mehe wikwahy wà. Ipuruzuka wer wanehe wà.

Atos 7:54

Na'e tuwihaw a'e wà kury, a'e ze'eg henu mehe wikwahy tuwe a'e wà kury. Wàzgyrygyryw izupe ta'e ipuruzukaiw izupe wà xe.