Daniel 11:21 - Tupàn zeꞌeg

²¹ Amo wiko putar Xir wanuwihawete romo a'e tuwihawete imàno re nehe. Iaiw putar nehe. Nuiko kwaw a'e tuwihawete ta'yr romo. Nezewe rehe we wiko putar tuwihawete romo nehe. Umume'u putar ikatu 'ym ma'e wemiapo ràm upy'a pupe nehe. Numume'u kwaw teko wanupe nehe. Omono'og putar umyrypar upuner ma'e wà nehe. Weityk putar tuwihawete ràm azeharomoete har wà nehe. Na'e wiko putar tuwihawete romo hekuzaromo nehe.

Daniel 11:21 ပူးပေါင်းရင်းမြစ်များ

Salmos 12:8

Ta'e ikatu 'ym ma'e wata oho waiko ywy nànàn a'e wà xe. Ma'e ikatu 'ym ma'e ikatuahy teko paw wanupe.

Salmos 15:4

Tupàn hemityk kwer na'ikatu kwaw izupe wà. Wereko katu Tupàn Tuweharupi Wiko Ma'e heruzar har wà. Uzapo tuwe ma'e wemimume'u kwer rupi katete. Aze hekuzar katu izupe, nezewe rehe we uzapo a'e.

Salmos 55:21

Ize'eg ikatu wera'u tapi'ak kamykwer ikawer wi a'e. Nezewe rehe we ipy'a pe heta purehe iakatuwawahy 'ymaw. Ize'eg ihym wera'u ma'e kawer wi a'e. Nezewe rehe we omonohok ma'e takihe haime katu ma'e ài.

Isaías 32:5

— Hemu'em ma'e ikatuahy a'e wà, ni'i kwaw teko wà. — Imunar ma'e ikatuahy a'e wà, ni'i kwaw teko wà.

Daniel 11:20

Amo awa wiko putar tuwihawete romo hekuzaromo a'e nehe. A'e tuwihawete omono kar putar wemiruze'eg tuwihaw teko nànàn a'e nehe. A'e tuwihaw omono'og putar temetarer izupe nehe. Nezewe mehe hemetarer katu putar nehe. Ikàg putar nehe no. Nan kwehe tete amo uzuka putar a'e tuwihawete nehe. Nuzuka kwaw zeàmàtyry'ymawhu pe wà nehe.

Daniel 11:32

— Pekatuahy, i'i mua'u putar Zutew Tupàn imuwete re upytu'u ma'e kwer Xir ywy rehe har pe wà nehe. Tupàn iamutar katu har nuzeruzar kwaw ize'eg rehe wà nehe. Ikàg wiwi putar wà nehe. Uzàmàtyry'ym putar a'e tuwihawete wà nehe.

Daniel 11:34

A'e ma'erahy ipuraraw paw 'ar mehe amo upytywà putar Tupàn hemiaihu wà nehe. Amo upytywà mua'u putar wà nehe no.

Daniel 11:7

Nan kwehe tete amo a'e kuzà iànàm wiko putar tuwihawete romo a'e nehe. Omono'og putar wemiruze'eg zauxiapekwer a'e wà nehe, Xir wanuwihawete hemiruze'eg waàmàtyry'ym pà wà nehe. Wixe putar tawhu tàtà ma'e pupe wà nehe, wazeàmimaw pupe wà nehe. Weityk putar wazuka pà wà nehe.

Daniel 4:17

Tupàn heko haw pe har umume'u heko àwàm wà. Tupàn heko haw pe har ume'egatu ma'e umume'u nezewe haw wà. Nezewe mehe teko paw ukwaw putar Tupàn Upuner Wera'u Ma'e heko haw a'e wà nehe. Tuwihawete wanuwihawete romo hekon a'e. Umuigo kar wyzài awa tuwihawete romo wemimutar rupi a'e wà. Te awa ikàg 'ym wera'u ma'e umuigo kar tuwihawete romo a'e.

Daniel 7:8

Ame'egatu i'ak rehe ihe. Heme'e mehe amo i'ak ipixik wera'i ma'e uzexak kar amogwer i'ak wainuinuromo. Amo o'ok na'iruz i'ak a'e i'ak ipixika'i ma'e ipyta àwàm iapo pà. Heta heha a'e i'ak rehe. Nuzawy kwaw teko heha. Heta izuru izupe no. Uze'eg weko wera'u haw rupi uzuru pupe.

Daniel 8:23

A'e pureruze'egaw wapaw etea'i mehe nehe, wakatu 'ymaw iaiw wera'u mehe nehe, amo tuwihawete purupe ma'erahy ipuraraw kar har purupe hemu'em ma'e uzexak kar putar a'e nehe.

Daniel 8:25

Nuzawy kwaw ikatu ma'e nehe. — Ikatu ma'e, i'i putar teko izupe wà nehe. Hemu'em putar wanupe nehe. Tuweharupi wiko wera'u putar amo wanuwi nehe. Uzuka putar teko tetea'u wanupe wemu'em pà nehe. Iahykaw rehe uze'eg putar nezewe nehe. Àzàmàtyry'ym putar Tupàn tuwihawete wanuwihawete ihe nehe, i'i putar nehe. Tupàn ae umumaw putar a'e awa a'e nehe. Nuzuka kar kwaw teko wanupe nehe, i'i Kapiriew ihewe.

Daniel 8:9

Pitài i'ak wi uhem amo i'ak pixika'i ma'e kury. Uhua'u oho iko kwarahy ihemaw awyze har kutyr uhàz pà, kwarahy ihemaw kutyr no, ywy imume'u pyrer kutyr no.

Naum 1:14

Uze'eg Tupàn Tuweharupi Wiko Ma'e Axir wanuwihawete rehe kury. — Nata'yr kwaw nehe. Nezewe mehe her ukàzym putar nehe. Azukazuka putar izar tupàn a'ua'u wanagapaw tàpuzuhu pe har ihe wà nehe. Azutym putar hetekwer ihe nehe. Ta'e iaiw a'e xe, i'i Tupàn wanupe.

1 Samuel 3:13

— Azepyk putar neànàm wanehe upaw rupi, a'e izupe. Ta'e ta'yr uze'eg zemueteahy herehe a'e wà xe. Ukwaw Eri heremiapo ràm a'e. Numupytu'u kar kwaw wa'yr iaiw ma'e iapo re a'e wà.